2013-cü ildə Ermənistandan birdəfəlik qaçanların sayı artacaq

Bakı:

26 °C

42 %

2 m/s

Əlaqə

AZ RU EN

Ana səhifə / Dünya / 2013-cü ildə Ermənistandan birdəfəlik qaçanların sayı artacaq

2013-cü ildə Ermənistandan birdəfəlik qaçanların sayı artacaq

24.10.2012 [00:59]

Qraçya Qalustyan: İlin 9 ayı ərzində Ermənistanı 97 min nəfər tərk edib
Ermənistanda mövcud olan sosial-iqtisadi böhran səbəbindən miqrasiyanın səviyyəsi artmaqda davam edir. Məlum olduğu kimi, Ermənistanda əhalinin böyk əksəriyyəti yoxsulluq içərisində yaşayır. Ölkədə orta aylıq əməkhaqqı çox aşağı səviyyədədir. Bu gün Ermənistanın mövcudluğu sadəcə xarici yardımlardan asılıdır. İşğalçı ölkədə baş alıb gedən korrupsiya, iqtisadi tənəzzül, həyat səviyyəsinin getdikcə pisləşməsi erməniləri vətənlərini tərk etməyə və xarici ölkələrdə məskunlaşmağa məcbur edir. Miqrasiya prosesinin indiki templə davam edəcəyi təqdirdə Ermənistanın əhalisiz ölkəyə çevriləcəyi erməni sosioloqlarının özləri tərəfindən də açıq etiraf olunur.
Məsələn, erməni ekspert Qraçya Qalustyan yerli mətbuatda dərc olunan son məqaləsində yazır ki, gələn il ağır yaşam şəraitinə görə ölkəni tərk edənlərin sayı daha da artacaq: “Bizi inandırmağa çalışırlar ki, guya bir çox ölkələrlə müqayisədə Ermənistanda vəziyyət yaxşıdır. Hakim klan bizi inandırmağa çalışır ki, ideal dövlət yoxdur, Avropada hər gün aksiyalar keçirilir, Rusiyada böyük şəhərləri çıxmaq şərtilə vəziyyət qorxuludur. Vəziyyət rəqəmlərdə daha gözəl əksini tapıb: ilin geridə qalan 9 ayı ərzində bütün nəqliyyat növləri üzrə ölkəni tərk etmiş və geri qayıtmamış vətəndaşların sayı 97 min nəfər olub. Bu, Ermənistan Miqrasiya Xidmətinin yaydığı məlumatdır. Reallıqda hamıya bəllidir ki, bu rəqəmləri kiçildib səsləndirirlər. Deməli, ilin 9 ayı ərzində ölkəni tərk edənlərin sayı 100 mindən çoxdur. Lap yaxın zamanda biz bunun belə olduğunun şahidi olacağıq”.
Erməni eksperti məlum məqaləsində yazır ki, hakim kriminal-oliqarx rejim insanların həyat səviyyəsinin pisləşməsi hesabına öz həyatını daha da yaxşılaşdırmaq siyasətindən əl çəkmək fikrində deyil. Oskanyan və Çarukyanın məsələsinə münasibət bildirən Qraçya Qalustyanın sözlərinə görə, baş verənlər onu göstərir ki, hakim klan yad adamları öz sıralarına buraxmaq niyyətində deyil: “Bizi yenə də əks fikrə qarşı dözümsüzlük, rüşvət və təhdidlər, seçkilərin saxtalaşdırılmasının davam etməsi gözləyir. Hakimiyyətin zorla qəsb edilmiş klanın əlində olduğu doğma vətəni tərk etmək üçün vətəndaşların bir sıra səbəbləri var. Bu isə onu göstərir ki, 2013-cü ildə Ermənistandan birdəfəlik qaçanların sayı dayanmayacaq, əksinə bir qədər də artacaq. Bunu rəsmi rəqəmlər təsdiqləyir. Buna nə ad vermək olar? Günahı ölkəni idarə edən kriminal-oliqarx rejimdə olan milli faciə. Bu, erməni xalqının, vətəndaşlarının maraqlarını satmaqdır. Onları tarixin qaranlıqlarına göndərməyincə, Ermənstanda yaxşılığa doğru heç nə dəyişməyəcək. Özləri getmək istəmirlər. Var gücləri ilə hakimiyyətdən yapışıb və mane olanları məhv edirlər. Onlar öz xalqına yalan danışmaqda davam edəcək, sonra da həmişə oduğu kimi vədlərini yaddan çıxararaq vətəndaşlar üçün elə həyat şəraiti yaradacaqlar ki, onların doğma vətəndə yaşadıqları cəhənnəmdən qaçıb qurtarmaqdan başqa çıxış yolu qalmayacaq”.
Qraçya Qalustyan onu da əlavə edib ki, elə həmin Miqrasiya Xidmətinin yaydığı məlumata görə, ötən il ölkəni tərk edib bir daha geri qayıtmayanların sayı 44 min nəfər təşkil edib.
SEVİNC

Paylaş:

Baxılıb: 1849 dəfə