Prezident İlham Əliyev Ramil Səfərovu azadlığına qovuşdurdu

Bakı:

23 °C

60 %

5 m/s

Əlaqə

AZ RU EN

Ana səhifə / Gündəm / Prezident İlham Əliyev Ramil Səfərovu azadlığına qovuşdurdu

Prezident İlham Əliyev Ramil Səfərovu azadlığına qovuşdurdu

01.09.2012 [17:37]

Bütün Azərbaycan xalqı əmindir ki, Ali Baş Komandan İlham Əliyevin rəhbərliyi altında tezliklə bütün işğal altındakı torpaqlarımız da azad olunacaq
Dünən Azərbaycan Prezidenti İlham Əliyev Macarıstanın Budapeşt Paytaxt Məhkəməsinin 2006-cı il 13 aprel tarixli hökmü ilə ömürlük azadlıqdan məhrumetmə cəzasına məhkum edilmiş Azərbaycan Respublikasının vətəndaşı Səfərov Ramil Sahib oğlunun cəza çəkməkdən azad edilməsi haqqında Sərəncam imzalayıb. Sərəncam dünən icra olunub və R.Səfərov azadlığına qovuşub. Qeyd edək ki, Ramil Səfərov 1977-ci ildə Cəbrayıl rayonunda anadan olub. 1991-ci ildə Cəmşid Naxçıvanski adına Hərbi Liseyə daxil olub. R.Səfərov 1992-ci ilin sentyabrında təhsilini davam etdirmək üçün Türkiyənin İzmir şəhərinə göndərilib. O, Maltəpə Hərbi Liseyini bitirdikdən sonra Ankara Ali Hərbi Məktəbinə daxil olub. 2001-ci ilin may ayından 2002-ci ilin mart ayına qədər Müdafiə Nazirliyinin sərəncamı ilə Gədəbəydə hərbi hissədə taqım komandiri vəzifəsində qulluq edən Ramil Səfərov 2002-ci ilin mart ayında Heydər Əliyev adına Ali Hərbi Məktəbə göndərilib. Qulluq etdiyi müddətdə baş leytenant rütbəsinə qədər yüksəlib. 2004-cü ilin yanvar ayında NATO proqramları çərçivəsində Macarıstanın paytaxtı Budapeştdə keçirilən ingilis dili kurslarına ezam olunan R.Səfərov Vətənə dönməyə az qalmış həbs olunub. O, ferval ayının 19-da həmin tədbirdə iştirak edən erməni zabiti Qurqen Markaryanı öldürməkdə təqsirli bilinib. 2006-cı il aprelin 13-də Budapeşt məhkəməsi Ramil Səfərovu 30 il müddətinə əfv olunmaq hüququndan məhrum edilməklə ömürlük həbsə məhkum edib.
Dövlətimizin başçısının bu böyük humanist addımı Azərbaycan ictimaiyyətində böyük sevincə səbəb olub. Dünən paytaxt Bakıda və regionlarda insanlar küçələrə və meydanlara çıxaraq sevinclərini bölüşüblər. İctimaiyyət nümayəndələri dövlətimizin başçısına bu xoş addıma görə, minnətdarlıqlarını ifadə edərək bildiriblər ki, Ramil Səfərovun azad olunması bir daha onu göstərir ki, Azərbaycan dövləti milli ruhlu, vətənpərvər insanlarımızı daim diqqətdə saxlayır. Bu, eyni zamanda, ədalətsizliyin aradan qaldırılması yönündə Azərbaycanın dövlət başçısının ortaya qoyduğu iradənin bariz ifadəsidir. Bu, həm də Qarabağın azadlığına aparan yoldur. Bütün Azərbaycan xalqı əmindir ki, Ali Baş Komandan İlham Əliyevin rəhbərliyi altında tezliklə bütün işğal altındakı torpaqlarımız da azad olunacaq.
Yeni Azərbaycan Partiyası (YAP) Sədrinin müavini - İcra katibi, millət vəkili Əli Əhmədov da deyib ki, Ramilin azadlığa çıxması Qarabağın azadlığının müjdəsi olacaq: “çünki Ramil Səfərovun taleyi ilə Qarabağın taleyində bir oxşarlıq var: həm Qarabağ, həm də Ramil təxribatın qurbanları olublar. Biri işğal olub düşmən tapdağı altındadır, digəri isə neçə il idi azadlıqdan mərhum olmuşdu. Ramil azadlığa qovuşdu, növbədə Qarabağın azadlığıdır. İnşallah, bir gün də hörmətli Prezident və Ali Baş Komandan İlham Əliyev Qarabağın azadlığını bəyan edəcək. Buna hamı inanır, bunu hamı gözləyir. Haqsızlığın biri tarixin arxivinə göndərildi, digəri də, inanıram elə bu cür aradan qaldırılacaq”.
Ramil Səfərovun azadlığa qovuşması uzun müddət davam edən hüquqi prosesin və diplomatik danışıqların nəticəsində baş verib. Bununla bağlı Azərbaycan Prezidentinin görüşlərində dəfələrlə məsələ qaldırılıb. Son dəfə isə Macarıstanın baş nazirinin ölkəmizə səfəri zamanı ümumi razılığa gəlmək mümkün olub. Məhz bu görüşdən sonra proseslər daha da intensivləşib. Eyni zamanda, Azərbaycan və Macarıstanın hüquq-mühafizə orqanları, ədliyyə nazirlikləri və müxtəlif qurumlar arasında bəzi məlumatların toplanması, göndərilməsi, ortaq məxrəcə gəlinməsi istiqamətində işlər görülüb. Azərbaycan Prezidenti Administrasiyası Beynəlxalq əlaqələr şöbəsinin müdiri Novruz Məmmədovun bildirdiyinə görə, ilk gündən bu işlə bağlı prosesə rəhbərlik edən, bu məsələ ilə bağlı mövqeyini bildirən şəxs Azərbaycan Respublikasının Prezidenti İlham Əliyev olub. Bu işdə ən böyük zəhmət məhz dövlət başçısının üzərinə düşüb: “Dünyada gedən prosesləri də nəzərə alsaq, bu, olduqca həssas bir məsələ olduğu üçün, Ermənistanın dünya ictimaiyyətində və Avropa məkanında hansı təsəvvür yaratmaq istədiyini bildiyimiz üçün danışıqlar çox məxfi şəraitdə davam etdirilib. Bu müddətdə Azərbaycanın və Macarıstanın müvafiq qurumları arasında yazışmalar olub, səfirliklər arasında, eyni zamanda, mənim də vasitəmlə müəyyən mərhələlərdə bu məsələ ilə bağlı addımlar atılıb. Bütövlükdə, Azərbaycan Prezidentinin qətiyyətli səyləri, razılığı ilə işlər həyata keçirilib”.
AQŞİN

Paylaş:

Baxılıb: 1172 dəfə