Azərbaycanın inkişaf etmiş ölkə kimi reytinqi yüksəlməkdədir

Bakı:

27 °C

61 %

9 m/s

Əlaqə

AZ RU EN

Ana səhifə / Gündəm / Azərbaycanın inkişaf etmiş ölkə kimi reytinqi yüksəlməkdədir

Azərbaycanın inkişaf etmiş ölkə kimi reytinqi yüksəlməkdədir

12.06.2010 [02:56]

Dünyanın nüfuzlu maliyyə qurumları respublikamızı ən islahatçı və dinamik inkişaf edən stabil dövlət kimi qiymətləndirirlər
Azərbaycanda biznes mühitinin təkmilləşdirilməsi, idxal-ixrac əməliyyatları ilə bağlı ticarət qaydalarının sadələşdirilməsi, sahibkarlıq sektorunda rəqabət qabiliyyətinin təmin olunması, bütün iqtisadi bölmələrdə “bir pəncərə” sisteminin tətbiq edilməsi, investorların hüquq və maraqlarının qorunması, onlar üçün cəlbedici sərmayə atmosferinin daha da yaxşılaşdırılması ilə bağlı həyata keçirilən davamlı islahatlar respublikamızın reytinqinin yüksəlməsinə səbəb olub. Dünyanın ən nüfuzlu maliyyə institutları və reytinq agentlikləri respublikamızdakı mövcud vəziyyəti qiymətləndirərək Azərbaycanı ən islahatçı və dinamik inkişaf edən stabil dövlət kimi xarakterizə edirlər.
Son bir ildə Dünya Bankı, Beynəlxalq Maliyyə Korporasiyası, Asiya İnkişaf Bankı, Avropa Yenidənqurma və İnkişaf Bankı, “Fitç İbka”, “Standard ənd Poor’s” və digər beynəxalq maliyyə qurumlarının qiymətləndirmələrində, eləcə də, proqnozlarında Azərbaycandakı maliyyə və makroiqtisadi sabitlik, iqtisadi inkişaf, sistemli islahatlar kursu və digər makroiqtisadi indikatorlar təqdir olunub. Bir neçə ay əvvəl ən mötəbər beynəlxalq maliyyə qurumlarından biri olan Dünya İqtisadi Forumu Azərbaycanda gedən islahatları çox yüksək dəyərləndirib. Qurum ölkəmizi rəqabətqabiliyyətliliyinə, informasiya-kommunikasiya texnologiyalarının inkişafına görə, MDB məkanında lider dövlət elan edib.
ötən ay isə “Fitch Ratings” təşkilatı Azərbaycanın reytinqini yüksəldərək respublikamızla bağlı təyin etdiyi uzunmüddətli “BB+” reytinqini “BBB-” səviyyəsində müəyyən edib. “Fitch Ratings” agentliyi yeni reytinqin müəyyənləşməsində ölkəmizin iqtisadi, invesitisiya, maliyyə sabitliyinin dözümlü olmasını, iqtisadiyyatın inkişaf dinamikasının stabil artım templəri ilə davam etməsini başlıca elementlər kimi qəbul edib. Eyni zamanda, qurum yeni reytinq təyin olunarkən neft gəlirlərinin sürətlə artmasını və həmin vəsaitlərin güclü daxili və xarici netto-kreditor mövqeyinin formalaşması məqsədilə səmərəli idarə olunmasını əsas amillər kimi nəzərə alıb. ölkəmiz üçün beynəlxalq səviyyəli investisiya reytinqi hesab olunan “BBB-” uzunmüddətli sərmayə qoyuluşlarının daha da genişlənməsinə əlverişli zəmin yaratmış olur.
ölkəmizin beynəlxalq səviyyədə nüfuzunun yüksəlməsini, reytinq vəziyyətinin yaxşılaşmasını təqdir edən Prezident İlham Əliyev bildirib ki, Azərbaycanın dünyanın ən nüfuzlu maliyyə və reytinq təşkilatları tərəfindən ardıcıl olaraq yüksək qiymətləndirilməsinin başlıca səbəbi hökumətin həyata keçirdiyi kompleks, davamlı islahatların geniş miqyas alması və düşünülmüş məntiqli siyasətdir: “İqtisadi islahatlarımızın dünya birliyi tərəfindən yüksək qiymətləndirilməsi onu bir daha göstərir ki, bizim uğurumuzun təməlində düşünülmüş siyasət dayanır. Əlbəttə ki, biz energetika amilindən istifadə edirik və edəcəyik. Ancaq dünyada və bölgədə bizdən qat-qat, böyük həcmdə neft hasil və ixrac edən ölkələr də var. Bu böhranlı aylar onu göstərir ki, bu amil həlledici rol oynamır. Həlledici rol oynayan amillər düşünülmüş siyasət, siyasi iradə, sabitlik, investisiya qoyuluşuna cəlbedicilik və ölkədə biznes üçün yaranan çox gözəl, əlverişli mühitdir”.
Dünyanın nəhəng maliyyə institutları respublikamızda inkişaf tempinin davamlılığına diqqət çəkərək makroiqtisadi sabitlik göstəriciləri üzrə yüksək nəticələr əldə edilməsini, maliyyə sabitliyinin və uzunmüddətli inkişaf strategiyasının təmin olunmasını hökumətin həyata keçirdiyi məqsədyönlü siyasətin uğurlarının təzahürü kimi dəyərləndirir. Beynəxalq maliyyə qurumlarının qiymətləndirmələrində, eləcə də, proqnozlarında Azərbaycandakı maliyyə və makroiqtisadi sabitlik, iqtisadi inkişaf və digər indikatorlar təqdir olunur. Azərbaycanın inkişaf etmiş ölkə statusuna malik olması xüsusilə vurğulanır.
Maliyyə qurumlarının təhlillərində daha çox nəzərə çarpan komponentlərdən biri ölkəmizdəki şəffaf biznes mühiti ilə bağlıdır. Beynəlxalq təşkilatlar respublikamızda xarici sərmayədarların fəaliyyəti üçün təmin edilmiş cəlbedici sərmayə atmosferasını dəyərləndirərək bu faktorun investisiya fəallığına əlverişli zəmin yaratdığını bildirirlər. Onların qənaətinə görə, Azərbaycanın investisiya imkanları çox cəlbedicidir. Bu, xarici sərmayə qoyuluşlarının artım dinamikası üçün əlverişli imkanlar yaradır.
E.CƏFƏRLİ

Paylaş:

Baxılıb: 1233 dəfə