Prezident bu gün: səfərlər, qəbullar, sənədlər

Bakı:

28 °C

47 %

2 m/s

Əlaqə

AZ RU EN

Ana səhifə / Gündəm / Prezident bu gün: səfərlər, qəbullar, sənədlər

Prezident bu gün: səfərlər, qəbullar, sənədlər

05.11.2021 [09:58]

05.11.2003

Namiq Abbasovun Azərbaycan Respublikasının milli təhlükəsizlik naziri, Ramil Usubovun Azərbaycan Respublikasının daxili işlər naziri, Səfər Əbiyevin isə Azərbaycan Respublikasının müdafiə naziri təyin edilməsi ilə bağlı Sərəncam imzalayıb.

05.11.2004

Belarus Respublikasının Baş naziri Sergey Sidorskini; ATƏT-in Minsk qrupunun həmsədri səfir Stiven Mənni; NATO-nun baş katibi Yaap de Hoop Sxefferi qəbul edib.

05.11.2005

Gürcüstan Prezidenti Mixail Saakaşvili Prezident İlham Əliyevə telefonla zəng edib.

Azərbaycan Respublikası və Türkiyə Respublikası arasında Birgə Kommünikenin;

“Azərbaycan Respublikası Hökuməti və Türkiyə Respublikası Hökuməti arasında müəlliflik hüququ və əlaqəli hüquqlar sahəsində əməkdaşlıq haqqında” sazişin təsdiq edilməsi barədə Qanunu imzalayıb.

05.11.2007

Fransanın ölkəmizdəki fövqəladə və səlahiyyətli səfiri Bernar Amodrik dü Şafonu diplomatik fəaliyyətinin başa çatması ilə əlaqədar, ABŞ-ın “Sülh korpusu” təşkilatının direktoru Ronald Tşetterin rəhbərlik etdiyi nümayəndə heyətini qəbul edib.

Bakı Metropoliteninin tikintisi və istismarında xidmətləri olan şəxslərin təltif edilməsi, “Azərbaycan Respublikasının Əməkdar Mühəndisi” fəxri adının verilməsi ilə bağlı Sərəncam imzalayıb.

05.11.2008

Televiziya işçilərinə fəxri adların verilməsi, “Tərəqqi” medalı ilə təltif edilməsi, Prezidentin fərdi təqaüdlərinin verilməsi haqqında Sərəncam imzalayıb.

Prezident İlham Əliyev Türkiyə Respublikasının Prezidenti Abdullah Gülün dəvəti ilə bu ölkəyə rəsmi səfərə gedib. Səfər çərçivəsində Türkiyə Respublikasının banisi Mustafa Kamal Atatürkün dəfn olunduğu məqbərə - Anıtqəbir ziyarət olunub, Prezidentlərin təkbətək, geniştərkibli görüşləri keçirilib. Prezident İlham Əliyev Hacəttəpə Universitetinin xəstəxanasında dünya şöhrətli alim-həkim, Azərbaycanın böyük dostu, professor İhsan Doğramacıya baş çəkib.

Amerika Birləşmiş Ştatlarının yeni seçilmiş Prezidenti Barak Obamaya təbrik məktubu ünvanlayıb.

05.11.2009

Neft Daşlarının 60 illik yubileyi münasibətilə keçirilən təntənəli mərasimdə iştirak edib və nitq söyləyib.

Minsk və Slutsk Mitropoliti, Belarus üzrə Patriarx Ekzarxı Filaretin başçılıq etdiyi nümayəndə heyətini;

ATƏT-in Minsk qrupunun həmsədrləri Bernar Fasyeni (Fransa), Yuri Merzlyakovu (Rusiya), Robert Bradkeni (ABŞ) və ATƏT-in fəaliyyətdə olan sədrinin xüsusi nümayəndəsi Anji Kaspşiki qəbul edib.

05.11.2010

Avropa Parlamenti seçki müşahidə missiyasının üzvlərini qəbul edib.

Respublika əhalisinə göstərilən tibbi xidmətlərin təkmilləşdirilməsi ilə bağlı əlavə tədbirlər haqqında Sərəncam imzalayıb.

05.11.2012

BMT-nin baş katibinin müavini Vu Honqbonun başçılıq etdiyi nümayəndə heyətini qəbul edib.

Azərbaycan Respublikasının Samur-Yalama Milli Parkının yaradılması haqqında Sərəncam;

Yüksək Texnologiyalar Parkının yaradılması haqqında Fərmanı;

“Azərbaycan Respublikasının dövlət müstəqilliyinin bərpasının 20 illiyi” Azərbaycan Respublikasının yubiley medalının təsis edilməsi ilə əlaqədar “Azərbaycan Respublikasının orden və medallarının təsis edilməsi haqqında” Qanunda dəyişikliklər edilməsi barədə Qanun imzalayıb.

05.11.2014

Gəncə Dövlət Tarix-Mədəniyyət Qoruğu ərazisindəki “İmamzadə” kompleksində bərpa işlərinin aparılması haqqında Sərəncam imzalayıb.

Böyük Britaniyanın Avropa məsələləri üzrə naziri Devid Lidinqtonu qəbul edib.

05.11.2015

Prezident İlham Əliyev Gürcüstana rəsmi səfər edib. Səfər çərçivəsində Ümummilli Lider Heydər Əliyevin abidəsi, Qəhrəmanlar Memorialı, Gürcüstanın mərhum dövlət başçısı Eduard Şevardnadzenin məzarı ziyarət olunub, Prezidentlərin təkbətək və geniş tərkibdə görüşü keçirilib, Prezidentlər Birgə Bəyannamə imzalayıblar.

Bakı Metropoliteninin bir qrup işçisinin “Tərəqqi” medalı, “Əməkdar mühəndis” fəxri adı ilə təltif olunması;

Qorağan-Qax-Zaqatala avtomobil yolunun Qax-Zaqatala hissəsinin tikintisi ilə bağlı tədbirlər;

Zaqatala şəhərində abadlıq-quruculuq işlərinin davam etdirilməsi və çoxmənzilli binaların əsaslı təmiri ilə bağlı tədbirlər;

Şəki şəhərində abadlıq-quruculuq işlərinin sürətləndirilməsinə dair əlavə tədbirlər haqqında;

Azərbaycan Milli Elmlər Akademiyası əməkdaşlarının təltif edilməsi, fəxri adların verilməsi, “Azərbaycan Respublikası Prezidentinin fəxri diplomu” ilə təltif edilməsi, Prezidentin fərdi təqaüdlərinin verilməsi haqqında Sərəncam imzalayıb.

05.11.2016

Albaniya Respublikasının ölkəmizdə yeni təyin olunmuş fövqəladə və səlahiyyətli səfiri Genti Qazhelinin, Eritreya Dövlətinin ölkəmizdə yeni təyin olunmuş fövqəladə və səlahiyyətli səfiri Petros Tseqqai Asghedomun etimadnaməsini qəbul edib.

05.11.2018

Azərbaycan Prezidenti İlham Əliyev Ağdam rayonuna səfər edib.

Milli Elmlər Akademiyası Nizami Gəncəvi adına Ədəbiyyat İnstitutunun əməkdaşlarının “Tərəqqi” medalı, “Azərbaycan Respublikası Prezidentinin fəxri diplomu” ilə təltif edilməsi;

Ağdam rayonunda əkin sahələrinin suvarma suyu ilə təminatının yaxşılaşdırılmasına dair əlavə tədbirlər;

Ağdam rayonunun Birinci Yüzbaşılı kəndində yeni ümumtəhsil məktəbi binasının tikintisi;

Ağdam rayonunun erməni silahlı birləşmələri ilə təmas xəttində yerləşən yaşayış məntəqələrində əhalinin mənzil-məişət şəraitinin yaxşılaşdırılmasına dair əlavə tədbirlər;

Qəzənfər Məmməd oğlu Paşayevə “Əməkdar elm xadimi” fəxri adının verilməsi haqqında Sərəncam imzalayıb.

V Bakı beynəlxalq teatr konfransının iştirakçılarına təbrik məktubu ünvanlayıb.

05.11.2019

Goranboy rayonunun Yuxarı Ağcakənd qəsəbəsində Xocalı filialı üçün xalça istehsalı emalatxanasının tikintisi, avadanlıq və dəzgahlarla təchizatı və infrastrukturun yaradılması ilə bağlı tədbirlər haqqında Sərəncam imzalayıb.

05.11.2020

İspaniyanın EFE informasiya agentliyinə müsahibə verib

Azərbaycan Respublikasının Şəhərsalma və Tikinti Məcəlləsində dəyişiklik edilməsi haqqında Qanun;

“Azərbaycan İnvestisiya Holdinqinin yaradılması haqqında” Fərmanda dəyişiklik edilməsi və Azərbaycan İnvestisiya Holdinqinin fəaliyyətinin təmin edilməsi haqqında Fərman imzalayıb.

Paylaş:

Baxılıb: 870 dəfə