“Bank Silk Way” “Miles” kartları üzrə balların hesablanması şərtlərini dəyişir

Bakı:

19 °C

94 %

2 m/s

Əlaqə

AZ RU EN

Ana səhifə / İqtisadiyyat / “Bank Silk Way” “Miles” kartları üzrə balların hesablanması şərtlərini dəyişir

“Bank Silk Way” “Miles” kartları üzrə balların hesablanması şərtlərini dəyişir

01.09.2015 [10:16]

“Bank Silk Way” xidmətlərinin təkmilləşdirilməsi çərçivəsində “AZAL Miles” bonus proqramına yeniliklər tətbiq edir. Yeni sistemə miqrasiyaya bu il avqustun 1-də başlanılıb və bonus proqramının tam keçidinin 2015-ci ilin sonunadək başa çatdırılması planlaşdırılır. “AZAL Miles”in qaydaları müştərilərə daha faydalı və maraqlı proqram təqdim etmək üçün dəyişdirilib.
“Bank Silk Way”in mətbuat xidmətindən AZƏRTAC-a bildirilib ki, yeni təqdim edilən “Millər” “Səyahət Balları” (Travel Points) ilə əvəz edilib. “Səyahət Balları” aviaşirkətin reysləri ilə uçuşlara, “Bank Silk Way” və “AZAL Miles” müştərək ko-brend kartları vasitəsilə alış-veriş/xidmət ödənişlərinə görə hesablanır. “Səyahət Balları” AZAL reyslərində aviabiletlər üzrə əsas tarifin ödənişi və xidmət sinfinin artırılması üçün istifadə oluna bilər. Yeni bonus proqramının hazırlanması zamanı “British Airways” və “Caribbean Airlines” aviaşirkətlərinin təcrübəsindən istifadə edilib.
“AZAL Miles” bonus proqramının mövcud iştirakçıları üçün balansda olan hər bir “Mil” bir “Səyahət Balı” ilə əvəz ediləcək. Müştərilərdən tələb olunan sadəcə qeydiyyat elektron poçt ünvanını təsdiq etməkdir. Yeni bonus proqramının işə salınması haqqında bildiriş müştərinin qeydiyyat elektron poçt ünvanına göndəriləcək.
“Azal Miles” proqramının iştirakçılarının iştirakçı güzəştlərindən yararlanmasını asanlaşdırmaq və onlara proqramda öz profilini idarə etmə imkanı verən yeni “Azal Miles” mobil proqramı təqdim edilib. Dəyişikliklər “AZAL Miles” tərəfdaş proqramının yenilikləri ilə əlaqədardır.
Bu il sentyabrın 1-dən “Bank Silk Way”in “Miles” kartları üzrə ballar aşağıdakı şəkildə hesablanacaq - ölkəxarici əməliyyatlara görə balların (Travel Points) hesablanması şərtləri, “Visa Classic Miles” kartı ilə ödəniş zamanı hər 5 AZN üçün 1 Travel Point, “Visa / MC Gold Miles” kartı ilə ödəniş zamanı hər 4,50 AZN üçün 1 Travel Point, “Visa Platinum Miles” kartı ilə ödəniş zamanı hər 4 AZN üçün 1 Travel Point.
Ölkədaxili əməliyyatlara görə balların (Travel Points) hesablanması şərtləri - “Visa Classic Miles” kartı ilə ödəniş zamanı hər 10 AZN üçün 1 Travel Point, “Visa / MC Gold Miles” kartı ilə ödəniş zamanı hər 9 AZN üçün 1 Travel Point, “Visa Platinum Miles” kartı ilə ödəniş zamanı hər 8 AZN üçün 1 Travel Point.
“Miles” kartı bank kartının üstünlüklərini və “Azal Miles” proqramının iştirakçısının imtiyazlarını özündə birləşdirən müştərək ödəmə kartıdır. Gündəlik alış-veriş və xidmətlərin haqqını “Miles” kartı vasitəsilə ödəniş edərək, kartın sahibi öz hesabına ballar toplayır.

Paylaş:

Baxılıb: 1374 dəfə