Bakıda “Qorxma, sönməz bu şəfəqlərdə üzən al sancaq” adlı tədbir keçirilib

Bakı:

15 °C

82 %

8 m/s

Əlaqə

AZ RU EN

Ana səhifə / Mədəniyyət / Bakıda “Qorxma, sönməz bu şəfəqlərdə üzən al sancaq” adlı tədbir keçirilib

Bakıda “Qorxma, sönməz bu şəfəqlərdə üzən al sancaq” adlı tədbir keçirilib

19.07.2018 [09:45]

Bakı Yunus Əmrə İnstitutu və İLESAM-ın (Türkiyə Elm və Ədəbi Əsər Sahibləri Birliyi) Azərbaycan nümayəndəliyinin birgə təşkilatçılığı ilə Türkiyədə 2016-cı il iyulun 15-də baş verən dövlət çevrilişi cəhdinin qarşısının alınmasının ikinci ildönümünə həsr olunan “Qorxma, sönməz bu şəfəqlərdə üzən al sancaq” adlı tədbir keçirilib.
AZƏRTAC xəbər verir ki, tədbirdə ölkəmizdəki diplomatik korpusun təmsilçiləri, Milli Məclisin deputatları, media nümayəndələri və digər şəxslər iştirak ediblər.
Əvvəlcə faciə qurbanlarının xatirəsi bir dəqiqəlik sükutla yad edilib, hər iki ölkənin dövlət himni səsləndirilib və 15 iyul hadisələrinə dair film nümayiş olunub.
Tədbirdə çıxış edən Türkiyənin ölkəmizdəki səfiri Erkan Özoral bildirib ki, türk milləti vətəni üçün canından keçməkdən heç vaxt çəkinməyəcək. Bu hadisəni törədənlər gücünü xaricdən alan satılmış xainlərdir. Bu xainlər əməllərinin cəzasını alacaqlar.
Bu gün Türkiyənin müxtəlif terror təşkilatları ilə mübarizə apardığını deyən səfir sabitliyi pozmaq istəyən bütün xainlərin cəzalandırılacağını qeyd edib. Vurğulayıb ki, heç bir güc xalqın milli iradəsinin qarşısına keçə bilməz.
Diplomat əlavə edib ki, Türkiyədə terrora qarşı çox ciddi mübarizə aparılır. FETÖ-nün öz niyyətini həyata keçirmək üçün xaricdən də dəstək aldığını vurğulayan səfir diqqətə çatdırıb ki, bu barədə faktlar məhkəmə proseslərində tam sübuta yetirilir.
Diplomat qeyd edib ki, Azərbaycan dövləti FETÖ terror təşkilatına qarşı mübarizədə hər zaman Türkiyəni dəstəkləyib.
Səfir Türkiyə-Azərbaycan əlaqələrindən, ölkələrimizin birgə həyata keçirdiyi layihələrdən də danışıb. O, qardaş ölkələrimiz arasında əlaqələrin inkişaf etdiyini vurğulayıb.
Milli Məclisin deputatı, “Yeni Azərbaycan” qəzetinin baş redaktoru Hikmət Babaoğlu çıxışında deyib ki, 15 iyul tarixində Türkiyə Cümhuriyyəti yenidən doğulmuş sayılır: “FETÖ terrorizmi erməni terrorizmi qədər qəddardır. Bəs, bu terrorun arxasında kim dayanır? Bu, heç də erməninin, FETÖ-nün ağlı deyil. Bunun arxasında qlobal imperializm durur. Nəyin baş verdiyini dərk etməsək, səbəblərini ortaya çıxartmasaq, bənzər hadisələrlə yenidən üz-üzə gələ bilərik”.
Hikmət Babaoğlu deyib: “Türk xalqı və hökuməti 15 iyul hadisələrinin baş verməsində maraqlı olan qüvvələrə layiqincə cavab verməyi bacardı”.
İLESAM-ın rəhbəri Mehmet Nuri Parmaksız və Bakı Yunus Əmrə İnstitutunun rəhbəri Cihan Özdemir tədbirdə çıxış edərək qeyd ediblər ki, türk milləti bir olarsa, bu cür hadisələr bir də yaşanmaz. Diqqətə çatdırılıb ki, dünya tarixində bəlkə də ilk dəfədir türk xalqı çevriliş cəhdini dəf edə bilib. Xainlərə əyilməz, dönməz, yurdsevər, ölkəsevər olduğunu sübut edib. 15 iyul gecəsi Türkiyə xalqı bir dastan yazdı. Bir daha sübut etdi ki, heç kəs mənim vətənimə, bayrağıma, birlik və bütövlüymə, dini inancıma, həyat tərzimə əl uzada bilməz!
Tədbirdə Dünya Gənc Türk Yazıçılar Birliyi məsləhət Şurasının rəhbəri Əkbər Qoşalı, Azərbaycan Yazıçılar Birliyinin mətbuat xidmətinin rəhbəri, İLESAM-ın Azərbaycanda təmsilçisi Xəyal Rza və başqaları 15 iyul hadisələrinə Azərbaycan vətəndaşlarının, eləcə də qələm adamlarının ayıq reaksiya verdiyini bildiriblər.

Paylaş:

Baxılıb: 1139 dəfə