Siyavuş Novruzov: ABŞ səfiri bizim ölkədə nəsə axtarmazdan əvvəl öz ölkəsinə baxsın

Bakı:

25 °C

50 %

0 m/s

Əlaqə

AZ RU EN

Ana səhifə / Siyasət / Siyavuş Novruzov: ABŞ səfiri bizim ölkədə nəsə axtarmazdan əvvəl öz ölkəsinə baxsın

Siyavuş Novruzov: ABŞ səfiri bizim ölkədə nəsə axtarmazdan əvvəl öz ölkəsinə baxsın

20.05.2014 [09:04]

“ABŞ səfiri bizim ölkədə nəsə axtarmazdan əvvəl öz ölkəsinə baxsın. Azərbaycanla Amerikanı müqayisə etsinlər ki, hansında vəziyyət necədir, ondan sonra ölkəyə qiymət versinlər”. Bunu AzVision.az-a açıqlamasında Yeni Azərbaycan Partiyasının (YAP) İcra katibinin müavini, millət vəkili Siyavuş Novruzov ABŞ-ın Azərbaycandakı səfiri Riçard Morninqstarın Azərbaycanla bağlı fikirlərinə münasibət bildirərkən deyib.
O, vurğulayıb ki, Azərbaycanın hazırkı durumu monolit hakimiyyətin olmağının sübutudur: “Azərbaycan yeganə ölkələrdən biridir ki, burada tam monolit hakimiyyət var. Bunun bariz nümunəsi Azərbaycanda bir neçə ay əvvəl baş tutan prezident seçkiləridir. Seçkidə seçicilərin böyük əksəriyyəti cənab Prezidentə səs verdi. Azərbaycanın iqtisadi uğurları, burada olan ictimai-siyasi sabitlik, davamlı inkişaf, regionların inkişafı bunun göstəricisidir. Monolit hökumət Prezidentin tapşırıq və göstərişlərini yerinə yetirir və ölkəmizdə sabitlik var”.
Millət vəkili qeyd edib ki, Azərbaycan haqqında tənqidi fikirlər səsləndirən Morninqstar, ilk növbədə, öz ölkəsinə nəzər salmalıdır: “ABŞ səfiri bizim ölkədə nə isə axtarmazdan əvvəl öz ölkəsinə baxsın. Onların “demokratiya” adı altında İraqda nələri törətdikləri hər kəsə bəllidir. ABŞ-ın açıqladığı rəsmi rəqəmlərə görə İraqda 300 mindən artıq insan ölüb, 1 milyondan artıq insan şikəst olub. Qeyri-rəsmi məlumatlara görə isə 1 milyondan artıq insan ölüb, 4 milyona yaxın insan şikəst olub. Vaxtilə Səddam Hüseyni ittiham edirdilər ki, onun dövründə 143 nəfər ölüb və dövlət başçısına qeyri-qanuni ölüm hökmü çıxardılar. Amma ABŞ-ın İraqa daxil olmasından sonra 1 milyon insan ölüb. Eyni hal Əfqanıstanda da müşahidə olunub. Demokratiya adı altında ABŞ ordusu bu ölkəyə daxil olandan sonra narkotiklərin dövriyyəsi 40 dəfə artıb. İnsan ölümlərinin sayı da artıb”.
S.Novruzov Morninqstarın səsləndirdiyi fikirləri onun fəaliyyət müddətinin bitməkdə olduğu ilə izah edib: “Səfir zəhmət olmasa, Quantanamoya nəzər salsın. Orada insanlara ən iyrənc və ən əcaib işgəncə üsulları tətbiq olunub. Həmin işgəncələr barədə danışan bir nəfər isə cəzalandırıldı. Sayılası misallar çoxdur. Əvvəlcə Azərbaycanla Amerikanı müqayisə etsinlər ki, hansında vəziyyət necədir, ondan sonra ölkəyə qiymət versinlər. Üç aydan sonra onun səfirlik müddəti bitir və belə açıqlamalar verməyi də gözlənilən idi. Hamısı bunun nəticəsidir, başqa bir şey yoxdur”.

Paylaş:

Baxılıb: 840 dəfə