Musa Quliyev: Belə hərəkətlər dələduzluq, xalqa qarşı hörmətsizlikdir

Bakı:

21 °C

78 %

5 m/s

Əlaqə

AZ RU EN

Ana səhifə / Siyasət / Musa Quliyev: Belə hərəkətlər dələduzluq, xalqa qarşı hörmətsizlikdir

Musa Quliyev: Belə hərəkətlər dələduzluq, xalqa qarşı hörmətsizlikdir

27.02.2015 [01:03]

“Hər bir dövlətin iqtisadiyyatında qalxmalar, enmələr olur, maliyyə bazarında müəyyən dəyişikliklər olur, dünya iqtisadiyyatının, maliyyə siyasətinin ölkəyə təsiri olur ki, bu da normal haldır”. Bu sözləri SİA-ya açıqlamasında Milli Məclisin Sosial siyasət komitəsinin sədr müavini Musa Quliyev deyib.
Onun sözlərinə görə, Azərbaycanda manatın məzənnəsinin dollara nisbətdə bərabərləşdirilməsi dünyada gedən iqtisadi proseslərin nəticəsidir. Lakin bu vəziyyətdən kimlərsə sui-istifadə edirlər: “Gərək hər bir ölkə vətəndaşı cəmiyyətin və dövlətin qarşısında öz vicdanlı hərəkəti ilə seçilsin və öz vətəndaşlıq borcunu həyata keçirsin. Azərbaycanda manatın dollara nisbətən məzənnəsinin aşağı düşməsi, daha doğrusu, dollarla bərabərləşməsi dünyada gedən iqtisadi proseslərin Azərbaycan iqtisadiyyatına təsirinin nəticəsidir və Azərbaycan iqtisadiyyatının inkişafdan qalmaması üçün atılan çox doğru iqtisadi addımdır. Bu addımdan da sui-istifadə edərək ilkin etaplarda kimlərsə varlanmaq cəhdində oldu. Kimlərsə sui-istifadə edərək daha çox pul əldə etmək istədi. Bu cür hərəkətlər dələduzluqdur, özünə, xalqına qarşı hörmətsizlikdir. Bunlar hələ məsələnin mənəvi tərəfidir”.
Musa Quliyev, həmçinin, qeyd edib ki, məsələnin tənzimlənməsində dövlət qurumları ilə birlikdə vətəndaşlar da aktiv iştirak etməlidirlər: “Müvafiq qurumlar bu məsələdə öz fəallığını göstərməlidirlər, cərimə tədbirləri həyata keçirməlidirlər. 10 gün, bəlkə də, 1 ay sonra hər şey stabilləşəcək. Yəni, qiymətin dəyişməsi, milli valyutanın aşağı düşməsi yalnız bizim ölkəmizdə görülən hadisə deyil, dünyanın bir çox ölkələrində bu proseslər gedir. Azərbaycan xalqı da 90-cı illərin böhranını görmüş bir xalqdır. Hər bir böhran vəziyyətindən çıxış yolu var. Amma indiki vəziyyəti böhran adlandırmaq olmaz və bu vəziyyətdən sui-istifadə edən istər valyuta möhtəkirlərinin, istər bazarda iqtisadiyyatla məşğul olan insanların bu işin içində olmaları doğru deyil. Bunlar həm cəmiyyət tərəfindən qınanılmalıdır, həm də müvafiq dövlət qurumları tərəfindən tədbirlər görülməlidir. Artıq bu tədbirlər görülməyə başlayıb, ictimaiyyətə də məlumat verilir və ictimaiyyət də bu tədbirə birmənalı olaraq dəstək olur. Amma, eyni zamanda, gərək sahibkarların da hüquqları qorunsun, onlar da qiymət dəyişmələrindən əziyyət çəkməsinlər. Xüsusən də, xarici ölkələrdən alınıb gətirilən malların Azərbaycanda satışına ədalətli qiymət məzənnəsi də müəyyən olunsun”.

Paylaş:

Baxılıb: 765 dəfə