Bakıda “Vətəndaş cəmiyyəti və hüquqi dövlət quruculuğunda yerli özünüidarəetmə orqanlarının rolu” adlı seminar keçirilib

Bakı:

25 °C

73 %

4 m/s

AZ RU EN

Ana səhifə / Siyasət / Bakıda “Vətəndaş cəmiyyəti və hüquqi dövlət quruculuğunda yerli özünüidarəetmə orqanlarının rolu” adlı seminar keçirilib

Bakıda “Vətəndaş cəmiyyəti və hüquqi dövlət quruculuğunda yerli özünüidarəetmə orqanlarının rolu” adlı seminar keçirilib

25.10.2019 [10:00]

Oktyabrın 24-də Müstəqil Dövlətlər Birliyi Parlamentlərarası Assambleyasının iştirakçısı olan dövlətlərdə demokratiyanın, parlamentarizmin inkişafının və vətəndaşların seçki hüquqlarına riayət olunmasının monitorinqi beynəlxalq institutunun (MDB PA DİMBİ) Bakı filialının təşkilatçılığı ilə “Vətəndaş cəmiyyəti və hüquqi dövlət quruculuğunda yerli özünüidarəetmə orqanlarının rolu” mövzusunda seminar keçirilib.
AZƏRTAC xəbər verir ki, tədbiri MDB PAA DİMBİ-nin Bakı filialının direktoru Elman İmaməliyev açaraq son illər bələdiyyələrin cəmiyyətdəki rolunun və əhəmiyyətinin nəzərəçarpacaq dərəcədə artdığını və onların müasir dünyamızda mütərəqqi proseslərin aparıcı bir qüvvəsinə çevrildiyini söyləyib. O deyib ki, bütün demokratik ölkələrdə olduğu kimi, Azərbaycanda da bələdiyyələr cəmiyyətin aparıcı qüvvəsi olaraq hüquqi dövlət quruculuğu, sosial problemlərin həlli, vətəndaş cəmiyyətinin inkişafı və digər istiqamətlərdə fəaliyyət göstərirlər. Bu baxımdan, cəmiyyətin ictimai-sosial həyatında bələdiyyələrin rolu artdıqca onların fəaliyyətinə diqqət də artır, gördüyü işlər, qarşılaşdığı problemlər geniş müzakirə edilir və həmişə maraq dairəsində olur. Buna görə də belə mövzularla bağlı mütəmadi olaraq tədbirlər həyata keçirilir.
Milli Məclisin Regional məsələlər komitəsinin sədri Arif Rəhimzadə Azərbaycanda bələdiyyələrin fəaliyyətindən danışıb. O deyib ki, Azərbaycanda bələdiyyələrin fiziki şəxslərdən əmlak, hüquqi şəxslərdən torpaq vergisi toplamaq hüququ var. Bələdiyyələrin əmlak və torpaq vergisi toplaması ilə bağlı problemlərlə üzləşdiyini, əhalinin əksəriyyətinin bu vergiləri vermədiyini qeyd edən komitə sədri bu il ilk dəfə dövlət büdcəsindən bələdiyyələrə subvensiya ayrılacağını nəzərə çatdırıb. O əlavə edib ki, subsidiyadan fərqli olaraq subvensiya məqsədli layihələr üçün nəzərdə tutulmuş xərclərdir. Arif Rəhimzadə Ermənistanın Azərbaycan ərazisinin 20 faizini işğal etməsi ilə əlaqədar yüz minlərlə insanın bələdiyyələrini formalaşdırmaq hüququndan istifadə edə bilmədiyini söyləyib.
Bələdiyyələrin vətəndaş cəmiyyətindəki rolundan danışan komitə sədri bu ilin dekabrında bələdiyyə seçkilərinin keçiriləcəyini xatırladıb. Bir sıra kiçik bələdiyyələrin birləşdirildiyini, hazırda 1606 bələdiyyənin olduğunu nəzərə çatdıran A.Rəhimzadə bələdiyyə seçkilərində seçici fəallığının yüksək olacağına ümid etdiyini vurğulayıb.
Milli Məclisin deputatları Tahir Rzayev, Azər Badamov, Kamran Bayramov və Pərvin Kərimzadə bələdiyyələrin fəaliyyəti və qarşıdan gələn bələdiyyə seçkiləri ilə bağlı fikirlərini bildiriblər.
MDB Parlamentlərarası Assambleyasının iştirakçısı olan dövlətlərdə demokratiyanın, parlamentarizmin inkişafının və vətəndaşların seçki hüquqlarına riayət olunmasının monitorinqi beynəlxalq institutunun direktoru vəzifəsini icra edən Yekaterina Qoloulina MDB ölkələrində bələdiyyələrin fəaliyyətindən, bununla bağlı qanunvericilikdən danışıb.

Paylaş:

Baxılıb: 488 dəfə