Musa Quliyev: Ulu Öndər Heydər Əliyevin zəkası, cəsarəti, siyasi səriştəsi sayəsində dövlətimiz və xalqımız məhv olmaq təhlükəsindən qurtuldu

Bakı:

25 °C

57 %

0 m/s

AZ RU EN

Ana səhifə / Siyasət / Musa Quliyev: Ulu Öndər Heydər Əliyevin zəkası, cəsarəti, siyasi səriştəsi sayəsində dövlətimiz və xalqımız məhv olmaq təhlükəsindən qurtuldu

Musa Quliyev: Ulu Öndər Heydər Əliyevin zəkası, cəsarəti, siyasi səriştəsi sayəsində dövlətimiz və xalqımız məhv olmaq təhlükəsindən qurtuldu

13.06.2020 [09:41]

“27 il bundan əvvəl bu günlərdə Azərbaycan parlamentinin iclas salonunda çox kəskin çıxışlar, debatlar gedirdi. Əslində, bu, adi parlament müzakirəsi deyildi. Bu, Azərbaycan boyda bir səhnədə istedadsız komediya artistlərinin oyndığı bir faciə, absurd teatrı idi. O absurd teatrı ki, personajlarının birinin təbirincə desək, bu tamaşanı əli xalqın qanına batmış spiker idarə edirdi. O absurd teatr ki, ölkənin baş naziri “xalqın 95 faizi əleyhimizə olsa belə, hakimiyyətdən getməyəcəyik”, - deyə bağırırdı. O absurd teatrı ki, Kəlbəcər kimi bir qalanı qoruya bilməyən dövlət başçısı Çinə, Hindistana bayraq sancmaq illüziyası ilə yaşayırdı”.
Bu fikirləri Milli Məclisin Əmək və sosial siyasət komitəsinin sədri, YAP Siyasi Şurasının üzvü Musa Quliyev deyib.
M.Quliyev bildirib ki, Azərbaycanın alışıb yandığı həmin günlərdə, müstəqilliyimizin qurtuluş tarixi məhz Azərbaycan parlamentində, Ulu Öndər Heydər Əliyev tərəfindən yazıldı: “Nə yaxşı ki, həmin günlərdə Tanrının xalqımıza rəhmi gəldi və xalqı böyük faciələrdən qurtarmaq üçün Ulu Öndər Heydər Əliyevi bir XİLASKAR kimi göndərdi. Məhz Ulu Öndər Heydər Əliyevin zəkası, cəsarəti, siyasi səriştəsi sayəsində dövlətimiz və xalqımız məhv olmaq təhlükəsindən qurtuldu, müstəqil dövlətimiz quruldu”.
“Cənab Prezident İlham Əliyevin yorulmaz fəaliyyəti nəticəsində bu gün Azərbaycan regionda və dünyada güclü dövlət, böyük nüfuz sahibi kimi tanınır. Biz 15 İyun-Milli Qurtuluş Gününü daim xatırlamalı, gənc nəsilə təbliğ etməliyik. İndi Azərbaycan dövləti çox güclüdür, onu heç bir qüvvə sarsıda bilməz. Eyni zamanda, unutmamalıyıq ki, məkrli düşmənimiz, bizim inkişafımızı gözü götürməyən qüvvələr var, “beşinci kolon”un siyasi möhtəkirləri var. Və biz xalq olaraq bu çirkin niyyətli düşmənlərlə qəti mübarizə aparacağıq. Xalqımız inanır ki, Azərbaycanın sağlam siyasi qüvvələrinin ifadəçisi olan Milli Məclis həmişə bu mübarizənin önündə olacaq, müstəqil dövlətimizin inkişafına öz töhfəsini bundan sonra da verəcək. Xalqımız inanır ki, cənab Prezident İlham Əliyevin rəhbərliyi ilə Azərbaycan qarşıya qoyulan bütün məqsədlərə çatacaq, daha böyük uğurlar əldə edəcək”, - deyə M.Quliyev vurğulayıb.

Paylaş:

Baxılıb: 336 dəfə