Abutalıb Səmədov: Ölkə Prezidenti, Ali Baş Komandan İlham Əliyevin işğal altındakı torpaqlarımızın azad edilməsi istiqamətində yürütdüyü siyasət birmənalı olaraq təqdir olunur

Bakı:

23 °C

63 %

1 m/s

AZ RU EN

Ana səhifə / Siyasət / Abutalıb Səmədov: Ölkə Prezidenti, Ali Baş Komandan İlham Əliyevin işğal altındakı torpaqlarımızın azad edilməsi istiqamətində yürütdüyü siyasət birmənalı olaraq təqdir olunur

Abutalıb Səmədov: Ölkə Prezidenti, Ali Baş Komandan İlham Əliyevin işğal altındakı torpaqlarımızın azad edilməsi istiqamətində yürütdüyü siyasət birmənalı olaraq təqdir olunur

29.09.2020 [09:07]

“Məlum olduğu kimi, sentyabrın 27-də səhərdən Ermənistan silahlı qüvvələri cəbhəboyu zonada yerləşən Azərbaycan Ordusunun mövqelərinə və yaşayış məntəqələrimizə qarşı genişmiqyaslı təxribat törədiblər. Müdafiə Nazirliyinin verdiyi məlumata görə, Ermənistan silahlı qüvvələrinin döyüş aktivliyinin qarşısını almaq, mülki əhalinin təhlükəsizliyini təmin etmək məqsədilə Azərbaycan Ordusunun komandanlığı tərəfindən qoşunlarımızın bütün cəbhə boyu əks-hücum əməliyyatı başlaması barədə qərar verilib.Vətənimiz üçün belə bir taleyüklü məqamda Azərbaycan Respublikasının Prezidenti, Azərbaycan Silahlı Qüvvələrinin Ali Baş Komandanı İlham Əliyevin işğal altındakı torpaqlarımızın azad edilməsi istiqamətində yürütdüyü siyasət birmənalı olaraq təqdir olunur”.
Bu fikirləri Azərbaycan Naminə Alyans Partiyasının sədri Abutalıb Səmədov deyib.
Onun sözlərinə görə, Ermənistan silahlı qüvvələrinin atəşkəsi kobud şəkildə pozmasına, cəbhə bölgəsində növbəti təxribat törətməsinə və düşmənin ardıcıl olaraq davam edən cəhdlərinə qarşı milli həmrəylik nümayiş etdirməyin əsl məqamıdır: “Bütün vətəndaşları, o cümlədən cəmiyyətdə nüfuzu olan insanları, siyasi partiya təmsilçilərini Vətənin gələcəyi naminə məsuliyyətli olmağa, erməni təxribatının qarşısını almaq üçün əlindən gələn dəstəyi göstərməyə dəvət edirəm”.
Partiya sədrinin sözlərinə görə, Azərbaycan Prezidenti İlham Əliyevin təşəbbüsü ilə ilin əvvəllərindən başlayaraq siyasi partiyalarla, qeyri-hökumət təşkilatları ilə aparılan siyasi dialoq və görüşlər öz bəhrəsini verib, əksər siyasi qüvvələrin ümummilli məqsədlər naminə birləşməsi mümkün olub: “Ermənilərin iyul təxribatı zamanı 50-yə yaxın partiyanın Ali Baş Komandanı dəstəkləyən bəyanat verməsi olduqca mühüm əhəmiyyətə malikdir. Şiddətli döyüşlərin getdiyi bu günlərdə birliyimizi, Ali Baş Komandan ətrafında sıx birləşdiyimizi və hər an Onun əmrinə hazır olduğumuzu bir daha nümayiş etdirmək olduqca vacibdir. Azərbaycan xalqının indiki məqamda milli birliyi və həmrəyliyi yüksək səviyyədə qoruyub saxlayacağına və qələbə naminə bir yumruq kimi Ali Baş Komandanın ətrafında biləşəcəyinə zərrə qədər şübhə yoxdur”.
“Rəhbərlik etdiyim Azərbaycan Naminə Alyans Partiyası adından da bu gərgin günlərdə Azərbaycan Respublikasının Prezidenti İlham Əliyevin yanında olduğumuzu, dövlət başçısının atdığı qətiyyətli addımları birmənalı şəkildə dəstəklədiyimizi bəyan edir və xalqımızı Ali Baş Komandanın ətrafında sıx birləşməyə çağırıram”, - deyə A.Səmədov bildirib.

Paylaş:

Baxılıb: 341 dəfə