Sabir Hacıyev: Azərbaycan Ordusunun ölkəmizin ərazi bütövlüyünün təmin olunması üçün əks-hücum əməliyyatı həyata keçirməsi cəmiyyətimizdə böyük ruh yüksəkliyi yaradıb

Bakı:

17 °C

82 %

2 m/s

AZ RU EN

Ana səhifə / Siyasət / Sabir Hacıyev: Azərbaycan Ordusunun ölkəmizin ərazi bütövlüyünün təmin olunması üçün əks-hücum əməliyyatı həyata keçirməsi cəmiyyətimizdə böyük ruh yüksəkliyi yaradıb

Sabir Hacıyev: Azərbaycan Ordusunun ölkəmizin ərazi bütövlüyünün təmin olunması üçün əks-hücum əməliyyatı həyata keçirməsi cəmiyyətimizdə böyük ruh yüksəkliyi yaradıb

08.10.2020 [09:31]

“Sentyabrın 27-də Ermənistan silahlı qüvvələrinin növbəti təxribatına cavab olaraq Azərbaycan Ordusunun həyata keçirdiyi əks-hücum əməliyyatı uğurla davam edir. Qısa müddət ərzində Azərbaycan Ordusunun düşmənə sarsıdıcı zərbə vurması, bəzi yaşayış məskənlərinin və Cəbrayıl şəhərinin işğaldan azad edilməsi xalqımızda böyük ruh yüksəkliyi yaradıb”.
Bu fikirləri “Yeni Azərbaycan” qəzetinə açıqlamasında Vətəndaş Birliyi Partiyasının sədri, millət vəkili Sabir Hacıyev deyib.
Partiya sədrinin sözlərinə görə, Ali Baş Komandan İlham Əliyevin torpaqlarımızın azad edilməsi uğrunda yürütdüyü siyasətə 50 partiyanın tam dəstək nümayiş etdirməsi ölkəmizdə mövcud olan siyasi birliyin və həmrəyliyin bariz nümunəsidir: “Əslində, ümummilli maraqlarımız da məhz bunu tələb edir. Çünki işğal edilmiş ərazilərimizin azad olunması yönündə 30 ilə yaxındır ki, aparılan danışıqlar dalana dirənmişdi, heç bir nəticə yox idi. Buna görə də sentyabrın 27-də Ermənistan silahlı qüvvələrinin cəbhəboyu zonada yerləşən Azərbaycan Ordusunun mövqelərinə və yaşayış məntəqələrimizə qarşı genişmiqyaslı təxribatının qarşısını almaq məqsədilə Azərbaycan Ordusunun əks-hücum əməliyyatına başlaması barədə qərar cəmiyyətimiz, o cümlədən əksər siyasi partiyalar tərəfindən təqdir olunur”.
“Ümummilli məsələlərdə bütün siyasi partiyaların həmrəylik və birlik nümayiş etdirməsində ilin əvvəlindən başlayan siyasi dialoqun dərinləşdirilməsi prosesinin rolunu xüsusi qeyd etmək lazımdır”, - deyə S.Hacıyev əlavə edib.
Partiya sədri deyib ki, düşmənin təxribatına qarşı Azərbaycan xalqının həmrəylik nümayiş etdirməsi də dövlətin öz gücünü göstərməsi üçün şərait yaradıb: “Dövlətimiz qələbənin təmin olunması naminə bütün gücünü Vətən müharibəsi üçün səfərbər edib. Biz öz torpaqlarımızın işğaldan azad olunması uğrunda savaşırıq. Dövlət başçısının da dediyi kimi, biz tarixi ədaləti bərpa edirik! Qarabağ bizim doğma, əzəli, tarixi torpağımızdır. Bu gün öz üzərinə düşən borcu şərəflə yerinə yetirən Azərbaycan Ordusu Ermənistanın işğalçılıq siyasətinə son qoymaq üçün döyüşür. Əgər Ermənistan sülh istəyirsə, o zaman bizim torpaqlarımızdan dərhal çıxmalıdır”.
Qaşqay

Paylaş:

Baxılıb: 420 dəfə