Fəzail Ağamalı: Mina xəritələrinin əldə edilməsi işğaldan azad olunmuş ərazilərdə infrastruktur layihələrinin icrasını və məcburi köçkünlərin qayıdışı prosesini sürətləndirəcək

Bakı:

31 °C

46 %

3 m/s

AZ RU EN

Ana səhifə / Siyasət / Fəzail Ağamalı: Mina xəritələrinin əldə edilməsi işğaldan azad olunmuş ərazilərdə infrastruktur layihələrinin icrasını və məcburi köçkünlərin qayıdışı prosesini sürətləndirəcək

Fəzail Ağamalı: Mina xəritələrinin əldə edilməsi işğaldan azad olunmuş ərazilərdə infrastruktur layihələrinin icrasını və məcburi köçkünlərin qayıdışı prosesini sürətləndirəcək

06.07.2021 [09:28]

“İyulun 3-də Rusiya Federasiyasının təşəbbüsü ilə Ermənistan işğal dövründə Füzuli və Zəngilan rayonlarında basdırdığı təqribən 92 min tank və piyada əleyhinə minalara dair xəritələri Azərbaycan tərəfinə təqdim edib. Ağdamdan sonra Füzuli və Zəngilan ərazisində basdırılmış minalara dair xəritələrin əldə edilməsi Prezident İlham Əliyevin diplomatik məharəti və Azərbaycan diplomatiyasının növbəti uğurudur”.
Bu fikirləri Ana Vətən Partiyasının (AVP) sədri, millət vəkili Fəzail Ağamalı deyib.
Fəzail Ağamalı bildirib ki, humanist addım olaraq Azərbaycan tərəfi məhkəmənin hökmü ilə azadlıqdan məhrum edilmiş və təyin edilmiş cəza müddəti bitmiş 15 nəfər erməniəsilli şəxsi Ermənistana təhvil verib: “Mina xəritələrinin əldə edilməsi on minlərlə vətəndaşımızın, o cümlədən minatəmizləyənlərin həyatını təhlükədən xilas edəcək və işğaldan azad edilmiş ərazilərimizdə Azərbaycan Respublikasının Prezidenti cənab İlham Əliyev tərəfindən əsası qoyulan infrastruktur layihələrinin icrasını və məcburi köçkünlərin qayıdışı prosesini sürətləndirəcək”.
Partiya sədrinin sözlərinə görə, Ağdamdan sonra Füzuli və Zəngilan rayonları işğal dövründə ən çox minalanmış ərazilər olub: “Ağdamdan sonra ən böyük infrastruktur layihələri isə hazırda Füzulidə həyata keçirilir. Füzulidə beynəlxalq hava limanı tikilir, Şuşaya Qubadlı-Laçın istiqamətində yollar çəkilir. Bir sözlə, Füzuli strateji əhəmiyyət kəsb edir, bütün yol-nəqliyyat infrastrukturu bu ərazidən keçir. Bu baxımdan, Qarabağda aparılacaq quruculuq işlərində Füzuli rayonu xüsusi yer tutacaq. Digər tərəfdən, Zəngəzur dəhlizinin fəaliyyətə başlamasına hazırlıq üçün Füzuli və Zəngilan rayonlarında avtomobil və dəmir yolları infrastrukturu yenidən qurulmalıdır. Bunun üçün isə ərazilərin minalardan təmizlənməsi vacibdir. Bu baxımdan, mina xəritələrinin təqdim olunması bu prosesi də sürətləndirəcək. Bir daha qeyd etmək istərdim ki, Füzuli və Zəngilan ərazilərində olan mina xəritələrinin əldə edilməsi dövlətimizin növbəti diplomatik uğurudur”.

Paylaş:

Baxılıb: 700 dəfə