Ermənistan bu təxribatları bir daha təkrarlamayacaq

Bakı:

19 °C

82 %

0 m/s

Əlaqə

AZ RU EN

Ana səhifə / Siyasət / Ermənistan bu təxribatları bir daha təkrarlamayacaq

Ermənistan bu təxribatları bir daha təkrarlamayacaq

18.11.2021 [10:12]

Əks halda pis nəticələrlə qarşılaşacaq

Ermənistanın siyasi hərbi rəhbərliyi öz revanşist ideyasından əl çəkmir. Onlar yekun sülhün bərqərar olmasını və ərazilərin beynəlxalq sərhədlərinin tanınmasını istəmirlər. Bu fikirləri Ermənistan-Azərbaycan sərhədində baş verən təxribatla bağlı “Yeni Azərbaycan” qəzetinə açıqlamasında Milli Məclisin deputatı, “Qarabağa dönüş” ictimai birliyinin sədri Tural Gəncəliyev deyib: “Ermənistanın hərbi qüvvələri təxribat törədib. Təəssüf ki, şəhidlərimiz var. Ölkəmizin ali rəhbərliyi dəfələrlə bildirib ki, biz Ermənistanla qarşılıqlı sərhədlərin tanınmasına hazırıq. Ancaq Ermənistan istər bu məsələləri, istərsə də üçtərəfli sazişin şərtlərindən irəli gələn heç bir məsələni qəbul etmək istəmir. Nəticədə dünənki təxribat xarakterli hərəkətlərin şahidi oluruq. Azərbaycan Ordusu öz suveren ərazilərində düşmənə qarşı təxribatın qarşısını alır və öz vəzifəsini layiqincə yerinə yetirir. Qarabağdan seçilən deputat kimi ümidvaram ki, Ermənistan bu hərəkətləri bir daha təkrarlamayacaq. Təkrarladığı təqdirdə öz ölkəsi üçün pis nəticələrlə qarşılaşacaq”.

“Dağlıq Qarabağ” ifadəsi süni anlayışdır

Vətən müharibəsindən sonra bəzi xarici KİV-lərdə “Dağlıq Qarabağ” ifadəsinin işlədilməsi ilə bağlı sualımızın cavabında ictimai birliyin sədri bildirdi ki, “Dağlıq Qarabağ” ifadəsi süni bir anlayışdır: “Müharibədən sonra biz Dağlıq Qarabağ ifadəsini işlətmirik. Beynəlxalq təşkilatlara və ictimaiyyətə bildirilib ki, Azərbaycanın Qarabağ bölgəsi var. Qarabağ iqtisadi zonası da müvafiq sərəncamla qanunda öz əksini tapdı. Hesab edirəm ki, bu ifadədən ya savadı olmayanlar, ya da qəsdən erməni dəyirmanına su tökən insanlar istifadə edirlər. Bu, həmin şəxslərin post- müharibə dövrünün reallığını dərk etməməsi ilə bağlıdır”. O, qeyd edib ki, Dağlıq Qarabağ ifadəsi bloklanmalıdır. “Qarabağın coğrafi tarixi böyük əraziləri əhatə edib. Qarabağ təkcə 1923-cü ildə yaradılmış qondarma Dağlıq Qarabağ muxtar vilayətindən ibarət deyil, Qarabağ böyük bir ərazini əhatə edir. Qədim tarixçilərin əsərlərində Qarabağın bir ucu tarixi torpaqlarımız olan Zəngəzura qədər uzanırdı. Ona görə də, bu ifadə XX əsrin 20-ci illərində ortaya atılmış süni bir anlayışıdır”, - deyə deputat vurğulayıb.

“Düşmən dezinformasiyadan istifadə edərək informasiya müharibəsində bizi üstələyir”

Cəbhədə müharibə bitsə də, informasiya savaşı davam edir. Və bu savaşda Azərbaycan öz sözünü deyib. Lakin bəzi hallarda düşmənin informasiya imkanlarının bizi üstələdiyinin şahidi oluruq. Bu məsələ ilə bağlı fikirlərini qəzetimizə açıqlayan Tural Gəncəliyev bildirdi ki, rəhbəri olduğu ictimai birlik Qarabağa dönüş ictimai birliyində informasiya müharibəsi ilə bağlı təlimlər keçirir. Sosial mediada aktiv olmaq istəyən gənclər müraciət edə bilərlər. Deputat bildirib ki, xüsusilə xarici dil biliyi olan gənclər sosial medianın texniki imkanlarından düzgün istifadə qaydasını öyrənməlidirlər: “Yaxın aylar ərzində ofisdə təlimlərə başlamışıq. Gənclərə informasiya müharibəsi ilə bağlı öz tövsiyələrimizi verəcəyik. Təəssüf ki, düşmən hiylə yolu ilə, dezinformasiyadan istifadə edərək bizi üstələyir. Bunun qarşısını almaq isə öz əlimizdədir”.

Günel

Paylaş:

Baxılıb: 1008 dəfə