Kiberhücumlarına qarşı necə diqqətli olmalıyıq?

Bakı:

22 °C

35 %

2 m/s

Əlaqə

AZ RU EN

Ana səhifə / Sosial / Kiberhücumlarına qarşı necə diqqətli olmalıyıq?

Kiberhücumlarına qarşı necə diqqətli olmalıyıq?

01.06.2024 [22:00]

Müasir dövrdə sosial şəbəkələrdən istifadə artdıqca kiberhücumlarının da artığını şahidi oluruq.

Təssüflər olsun ki, sosial şəbəkələrdən istifadə edənlər bir çox hallarda məlumatsız olduqları üçün belə hucumlara məruz qalırlar. Mütəmadi olaraq vətəndaşlar arasında maarifləndirmə işləri aparılsa da, bu, hələ də cəmiyyəti narahat edən məsələ olaraq qalır.

Beynəlxalq Əməkdaşlıq və Kommunikasiya sektorunun əməkdaşı Ayla Cəlilova-Əliyeva "Yeni Azərbaycan" - a açıqlamasında bildirir ki, Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidməti tərəfindən elektron təhlükələrin qarşısının alınması istiqamətində mütəmadi olaraq məktəblərdə, qurumlarda, özəl təşkilatlarda maarifləndirmə tədbirləri həyata keçirilir: "Həmçinin rəqəmsal medianın sosial şəbəkə seqmentində daimi olaraq potensial kibertəhlükələr, cihaz və hesabların təhlükəsizliyinin təmin olunması, proqram təminatlarında yaranmış boşluqlar barədə xəbərdarlıqlar və paylaşımlar icra edilir. Cihazların təhlükəsizliyinin təmin edilməsində ən vacib amillərdən biri mürəkkəb şifr siyasətidir. Şifr təyin edərkən böyük və kiçik hərflərin, rəqəmlərin, simvolların kombinasiyasından istifadə etməli, əlavə təhlükəsizlik tədbiri olaraq çoxmərhələli təsdiqləmə metodlarından (biometrik, ikimərhələli təsdiqləmə və s.) yararlanmalıyıq".

Qeyd edək ki, antivirus proqramları da cihaz təhlükəsizliyində mühüm rol oynayır, onun vasitəsilə müxtəlif növ zərərli proqramları aşkar edərək, təhlükə riskini aradan qaldırmaq olur. Bununla yanaşı vacib amillərdən biri də fişinq hallarına qarşı sayıq olmaqdır. Şübhəli mənbədən göndərilən linklərə keçid etmək, bilinməyən faylları yükləmək kiberdələduzların cihaz üzərində nəzarəti ələ keçirməsinə səbəb ola bilər.

Mütəxəsisin sözlərinə görə digər mühüm aspekt proqram təminatı yeniləmələridir: "Belə ki, kiberdələduzlar cihazımıza daxil olmaq üçün köhnə versiyadakı proqram təminatının boşluqlarından istifadə edərək cihaz üzərində nəzarəti ələ keçirə bilər. Ümumi olaraq hesab və cihazlara edilən kiberhücumların əsas məqsədi istifadəçinin bank kartı və digər fərdi məlumatlarını ələ keçirmək və cihazını zərərverici ilə yoluxdurmaqdır. Digər tərəfdən zərərverici proqrama yoluxmuş cihaz vasitəsilə növbəti kiberhücumlar da asanlaşmış olur. Nəticədə ələ keçirilmiş cihaz vasitəsilə digər istifadəçilərə qarşı kiberhücum cəhdləri həyata keçirilir".

Havar Şəfiyeva

Paylaş:

Baxılıb: 574 dəfə