Binəqədi məktəbliləri mükafatlandırılıb

Bakı:

20 °C

88 %

1 m/s

Əlaqə

AZ RU EN

Ana səhifə / Sosial / Binəqədi məktəbliləri mükafatlandırılıb

Binəqədi məktəbliləri mükafatlandırılıb

19.12.2014 [09:07]

Binəqədi rayonu üzrə bütün məktəbləri əhatə etmiş “Gigiyenik qaydalara düzgün əməl edək” layihəsinin bağlanış tədbiri keçirilib
Yeni Azərbaycan Partiyası (YAP) Binəqədi rayon təşkilatında Binəqədi rayon İcra Hakimiyyətinin və YAP Binəqədi rayon təşkilatının dəstəyi, Azərbaycan Respublikası Təhsil Nazirliyi, Azərbaycan Respublikası Səhiyyə Nazirliyi, Binəqədi rayon Gənclər və İdman İdarəsi, Azərbaycan Respublikası İctimai Səhiyyə və İslahatlar Mərkəzinin təşkilatçılığı və NİCOS şirkətinin maliyyə dəstəyi ilə rayonun bütün orta ümumtəhsil məktəblərini əhatə etmiş “Gigiyenik qaydalara düzgün əməl edək” layihəsinin yekun bağlanış və layihə çərçivəsində elan olunmuş müsabiqələrin qaliblərinin mükafatlandırılması tədbiri keçirilib.
“Bakı 2015” ilk Avropa Oyunları ərəfəsində keçirilən “Təmiz Binəqədi” sosial layihəsi çərçivəsində “Ən təmiz səhiyyə müəssisəsi” müsabiqəsi elan edilib. Müsabiqədə iştirak edən səhiyyə müəssisələri arasında 3 tibb müəssisəsi-Ə.Məlikov adına 6 saylı Birləşmiş şəhər xəstəxanası, 20 saylı Uşaq poliklinikası və “HB Güvən” klinikası mükafatlandırılıb.
Tədbirdə Binəqədi rayon İcra Hakimiyyəti başçısının müavini Aygün Əliyeva, YAP Binəqədi rayon təşkilatının sədri Ramiz Göyüşov, Təhsil Nazirliyinin İnformasiya şöbəsinin müdir müavini Cəsarət Valehov, Bakı şəhəri üzrə Təhsil İdarəsinin müdir müavini Hüseyn Əsgərov, Səhiyyə Nazirliyinin Mətbuat Xidmətinin rəhbəri Anar Qədirli, Səhiyyə Nazirliyinin İctimai Səhiyyə və İslahatları Mərkəzinin layihələrin əlaqələndirmə şöbəsinin müdiri Səbinə Babazadə, “NURGÜN Group” şirkətinin Müştəri Xidmətləri və İctimaiyyətlə əlaqələr şöbəsinin müdiri Reala İsazadə və digər qonaqlar iştirak ediblər.
Tədbirdən əvvəl qonaqlar layihə çərçivəsində müxtəlif istiqamətlər üzrə məktəblilər arasında elan olunmuş müsabiqənin iştirakçılarının işlərindən ibarət sərgi ilə tanış olublar.
Tədbiri giriş sözü ilə açan YAP Binəqədi rayon təşkilatının sədri Ramiz Göyüşov Binəqədi rayonu üzrə bütün məktəbləri əhatə etmiş layihənin əsas məqsədinin sağlam gələcək, sağlam gənclik olduğunu qeyd edib. Natiq ölkədə təhsil və səhiyyə ilə bağlı böyük işlərin görüldüyünü, Prezident İlham Əliyevin bu sahələrin inkişafı ilə bağlı mühüm qərarlar qəbul etdiyini vurğulayıb.
Daha sonra çıxış edən Binəqədi rayon İcra Hakimiyyəti başçısının müavini Aygün Əliyeva “Gigiyenik qaydalara düzgün əməl edək” layihəsinin “Bakı 2015” İlk Avropa Oyunlarına töhfə olan “Təmiz Binəqədi” layihəsi çərçivəsində keçirildiyini bildirib. O, layihənin gənclərdə təmizliyi həyat tərzinə çevirməyi hədəflədiyini deyib. Aygün Əliyeva “Təmiz Binəqədi” layihəsi çərçivəsində gənclərin sağlamlığının qorunması, milli-mənəvi dəyərlərə bağlılığının gücləndirilməsi və asudə vaxtlarının səmərəli təşkili ilə bağlı çoxsaylı tədbirlərin, aksiyaların, müxtəlif idman yarışları və vətənpərvərlik tədbirlərinin keçirildiyini qeyd edib.
Tədbirdə iştirak edən digər qonaqlar da layihə barədə öz fikirlərini bildiriblər.
Sonda müsabiqənin qaliblərinə müvafiq diplom və hədiyyələr təqdim olunub.

Paylaş:

Baxılıb: 1791 dəfə