“Milli mənəvi dəyərlər və müasirlik” mövzusunda keçirilən yazı müsabiqəsinin qalibləri mükafatlandırılıb

Bakı:

29 °C

52 %

7 m/s

AZ RU EN

Ana səhifə / Sosial / “Milli mənəvi dəyərlər və müasirlik” mövzusunda keçirilən yazı müsabiqəsinin qalibləri mükafatlandırılıb

“Milli mənəvi dəyərlər və müasirlik” mövzusunda keçirilən yazı müsabiqəsinin qalibləri mükafatlandırılıb

15.07.2015 [10:05]

Dini Qurumlarla İş üzrə Dövlət Komitəsinin Mətbuat Şurası ilə birgə “Milli mənəvi dəyərlər və müasirlik” mövzusunda kütləvi informasiya vasitələrinin təmsilçiləri arasında elan etdiyi yazı müsabiqəsinin qaliblərinin iyulun 14-də mükafatlandırılması mərasimi keçirilib.
AZƏRTAC xəbər verir ki, mərasimdə çıxış edən Mətbuat Şurasının sədri Əflatun Amaşov mətbuatda mili mənəvi dəyərlərin qorunması mövzusuna geniş yer ayrılmasının vacibliyindən danışıb. Mayın 1-dən iyunun 1-nə qədər keçirilmiş müsabiqədə jurnalistlərin fəal iştirak etdiyini bildirən sədr bu müddətdə müsabiqəyə 45 müəllif tərəfindən yazı təqdim edildiyini vurğulayıb.
Dini Qurumlarla İş üzrə Dövlət Komitəsinin sədri Mübariz Qurbanlı Azərbaycan mətbuatının yaranmasının 140 illiyi münasibətilə jurnalistləri təbrik edərək mətbuatın cəmiyyətin həyatındakı rolunu dövlətçilik maraqlarının, milli mənəvi dəyərlərin qorunması baxımından yüksək qiymətləndirib. Bildirilib ki, birinci Avropa Oyunları zamanı xaricdən təsirlərə qarşı mübarizədə Azərbaycan mətbuatı böyük işlər görüb. İdeoloji müstəvidə işğalçı Ermənistana, eləcə də Azərbaycana qarşı olan digər xarici dairələrə münasibətdə də mətbuatımız mühüm işlər həyata keçirməkdədir.
M.Qurbanlı jurnalistlər arasında “Milli mənəvi dəyərlər və müasirlik” mövzusunda keçirilən müsabiqədə KİV nümayəndələrinin böyük həvəslə iştirak etdiklərini deyib. O, milli mənəvi, dini dəyərlərimizin təbliğində KİV nümayəndələrinin əməyini yüksək qiymətləndirərək bu cür müsabiqələrin mütəmadi keçiriləcəyini vurğulayıb.
“Azərbaycan” qəzetinin baş redaktoru, Milli Məclisin deputatı Bəxtiyar Sadıqov, “525-ci qəzet”in baş redaktoru Rəşad Məcid, “Xalq Cəbhəsi” qəzetinin baş redaktoru Elçin Mirzəbəyli, Əməkdar jurnalist Cahangir Məmmədli çıxış edərək müsabiqənin keçirilməsinin, milli mənəvi dəyərlərin ölkə mətbuatında təbliğinin vacibliyindən danışıblar.
Daha sonra “Milli mənəvi dəyərlər və müasirlik” mövzusunda keçirilən müsabiqənin qalibləri mükafatlandırılıb. Birinci, ikinci və üçüncü yerləri tutanlara müvafiq olaraq 1000, 700 və 500 manat məbləğində pul mükafatları verilib. Müsabiqədə iştirak etmiş 10 nəfərin hər birinə isə 100 manat məbləğində həvəsləndirici mükafatlar təqdim olunub. Qaliblərə pul mükafatı ilə bərabər, müqəddəs “Qurani-Kərim” və Ulu öndər Heydər Əliyevin mili mənəvi dəyərlərlə bağlı çıxışlarının yer aldığı “Heydər Əliyev siyasəti. Tolerantlıq” kitabı da hədiyyə edilib.

Paylaş:

Baxılıb: 837 dəfə