Bu ilin 9 ayı Astara rayonunda da uğurlu nəticələrlə yadda qalıb

Bakı:

29 °C

45 %

3 m/s

Əlaqə

AZ RU EN

Ana səhifə / Sosial / Bu ilin 9 ayı Astara rayonunda da uğurlu nəticələrlə yadda qalıb

Bu ilin 9 ayı Astara rayonunda da uğurlu nəticələrlə yadda qalıb

22.10.2015 [10:26]

Astara Rayon İcra Hakimiyyəti başçısı yanında Şuranın iclasında bu ilin doqquz ayının sosial-iqtisadi inkişafının yekunları və qarşıda duran vəzifələr müzakirə edilib. Rayon İcra Hakimiyyətinin başçısı Qəzənfər Ağayev toplantıda çıxış edərək, ölkəmizdə bütün istiqamətlərdə gedən sürətli inkişafın Astaranın timsalında da aydın göründüyünü diqqətə çatdırıb. Qeyd olunub ki, bu ilin doqquz ayında rayonda ümumi məhsul və xidmətlərin həcmi 3,1 faiz artıb. Ümumi məhsul və xidmətlərin 69,6 faizi məhsul istehsalı sahələrinin, o cümlədən 6,6 faizi sənayenin, 19,8 faizi tikinti kompleksinin, 43,2 faizi kənd təsərrüfatının payına düşüb. Doqquz ayda rayonda 615 iş yeri açılıb. Bunun da 435-i daimi iş yerləridir.
Bildirilib ki, “Kənd təsərrüfatı ili”ndə rayonda aqrar sahənin və sahibkarlığın inkişaf etdirilməsi məqsədilə fermer təsərrüfatlarına və fiziki şəxslərə Sahibkarlığa Kömək Milli Fondu tərəfindən 17 layihə üzrə 210 min manat dəyərində güzəştli kreditlər, 765 nəfər kənd təsərrüfatı məhsulları istehsalçısına ümumilikdə 104 min 821 manat məbləğində subsidiya verilib. Rayonun Şüvi və Ojakəran kəndi ərazisində yaradılmış çayçılıq təsərrüfatında 1 milyondan çox çay şitilləri yetişdirilib, Şüvi kəndi ərazisində 65 hektar sahədə yeni çay plantasiyası salınıb. Bu dövrdə rayonda 86 hektar sahədə buğda, 517 hektar sahədə paxlalı bitkilər, 234 hektar sahədə qarğıdalı, 1351 hektar sahədə kartof, 2727 hektar sahədə faraş tərəvəz, 682 hektar sahədə dənli bitkilər, 539 hektar sahədə bostan bitkiləri, 88 hektar sahədə yonca əkilib, 2725 ton ət, 22576 ton süd, 24,5 ton yun istehsal olunub.
Diqqətə çatdırılıb ki, doqquz ayda rayonda sosial məsələlərin həllinə də diqqət artırılıb, bir sıra yeni obyektlər istifadəyə verilib. Bu dövrdə Deqədi-Pəlikəş avtomobil yolunun asfaltlaşdırılması başa çatdırılıb, Azərbaycan Respublikası Prezidentinin müvafiq Sərəncamına əsasən Astara şəhərində 860 şagird yerlik orta məktəb binasının əsaslı təmiri və 12 min nəfər əhalinin yaşadığı 38 yaşayış məntəqəsini birləşdirən Taxtanakəran-Miki, Taxtanakəran-Toradi kəndlərarası avtomobil yollarının yenidən qurulmasına başlanılıb. Ələt-Astara magistral yolunun rayon ərazisindəki hissəsi, yerli əhəmiyyətli Pensər-Qamışovka, Pensər-Şahağacı yolları asfalt-betonla təmir edilib, Kijəbə-Burzubənd avtomobil yoluna 6700, Siyaku kənd daxili yollarına 2500 kvadratmetr asfalt döşənib, Marzəsəy və Sığəkəran kəndi istiqamətindəki avtomobil yolları təmir olunub. Pensərçayın Şiyəkəran kəndindən keçən hissəsində uzunluğu 45 metr və Şəmətük kəndi ərazisindən keçən hissəsində uzunluğu 18 metr uzunluğunda ikiaşırımlı yeni avtomobil körpüsünün tikintisi başa çatdırılaraq əhalinin istifadəsinə verilib.
Toplantıda çıxış edənlər bu ilin doqquz ayında rayonda sosial-iqtisadi inkişaf sahəsində qazanılmış uğurlardan ətraflı söhbət açaraq, mövcud problemlərlə bağlı təkliflərini bildiriblər.
Şura iclasında müzakirə edilən məsələ ilə bağlı müvafiq qərar qəbul edilib.

Paylaş:

Baxılıb: 758 dəfə