Qəbələdə “Turizmin inkişafında KİV-in rolu və funksiyası” adlı tədbir keçirilib

Bakı:

28 °C

48 %

1 m/s

Əlaqə

AZ RU EN

Ana səhifə / Sosial / Qəbələdə “Turizmin inkişafında KİV-in rolu və funksiyası” adlı tədbir keçirilib

Qəbələdə “Turizmin inkişafında KİV-in rolu və funksiyası” adlı tədbir keçirilib

23.02.2016 [17:07]

«Gilan Holdinq»ə daxil olan «Qafqaz Hotelləri» şəbəkəsinin təşkilatçılığı ilə Azərbaycanda daxili turizmin inkişafına dəstək məqsədilə Qəbələdə “Turizmin inkişafında KİV-in rolu və funksiyası” adlı tədbir keçirilib.
Press-turda Azərbaycanın əksər aparıcı kütləvi informasiya vasitələrinin nümayəndələrinin iştirak ediblər.Tədbirdə qeyd olunub ki, Azərbaycanın ən müasir və peşəkar hotel brendlərindən olan «Qafqaz hotelləri» qrupuna artıq 13 hoted daxildir. Bunlardan 8-i Qəbələ rayonunda yerləşir.
KİV nümayəndələri əvvəlcə Yengicə kəndinə gələrək, Prezident İlham Əliyevin iştirakı ilə açılışı olmuş «Qafqaz Yengicə Termal Hotel və SPA»kompleksi ilə tanış olublar. Qeyd olunub ki, 61 nömrədən ibarət olan Hoteldə qonaqların rahat istirahəti üçün hər cür şərait yaradılıb.Burada həmçinin, müxtəlif toplantı və konfransların keçirilməsi üçün geniş imkanları olan zal, müasir restoranlar şəbəkəsi də fəaliyyət göstərir. Restoranlarda turistlərə Azərbaycan və dünya mətbəxinin nümunələri təqdim olunur.
Bildirilib ki, kompleksin əhəmiyyətini artıran mühüm cəhət burada müalicəvi su mənbəyinin olmasıdır. Tarixi araşdırmalar, kimyəvi və tibbi yoxlamalar bu mineral suyun yüksək dərəcədə müalicəvi və bərpaedici təsirini sübut edib. Hoteldə Naftalan nefti ilə müalicə proseduru da həyata keçirilir. Burada dincələn turistlərin istirahətini səmərəli təşkil etmək üçün rayonun görməli yerlərinə müxtəlif səyahətlət turları, ekskursiyalar da təşkil olunur. Yay aylarında balıq həvəskarları üçün hotel xüsusilə maraqlıdır. Yaxınlıqdakı göldən balıq tutaraq manqalda bişirmək bu məşğuliyyətin həvəskarları üçün əvəzedilməz zövqdür.
Media nümayəndələrinin növbəti dayanacağı 5 ulduzlu «Qafqaz Sport Hotel» olub. Şəhərin mərkəzində , «Qəbələ» futbol klubunun stadinonunun yaxınlığında yerləşən bu istirahət mərkəzi, həmçinin, Atıcılıq Mərkəzi və digər idman qurğularının da yaxınlığında yerləşir. Adından da göründüyü kimi, bu kompleks daha çox Qəbələdə keçirilən beynəlxalq səviyyəli idman oyunlarını izləmək üçün gələn turistlər üçün daha cəlbedicidir. Yaxın zamanlarda hotelin həndəvərində Qəbələ Atçılıq kompleksinin də inşası nəzərdə tutulur. Odur ki, bu kompleksin qarşıdakı illərdə at sürmək həvəskarı olanların sevimli məkanına çevriləcəyinə heç şübhə yoxdur.
«Qafqaz Sport Hotel»də dincəldikdən sonra KİV nümayəndələri növbəti gün təkcə ölkəmizin deyil,eyni zamanda regionun ən böyük və ən müasir xizəkçilik məkanı olan «Tufandağ» Qış –Yay İstirahət kompleksi ilə tanış olmaq məqsədilə «Qafqaz Tufandağ Hotel»ə yollanıblar.
Qeyd olunub ki, Qafqazın ən müasir dağ xizəkçilik məkanlarından biri olan «Qafqaz Tufandağ Hotel»i xizək sürmək həvəskarları üçün əvəzedilməz istirahət məkanlarından biridir. 2015 də istismara verilən hotel yerləşməsi, rahatlığı və yüksək xidmət səviyyəsi ilə rəqiblərindən bir addım öndədir. Hoteli həm həftəiçi, həm də xüsusi həftəsonu paketləri ilə müştərilərinə cazibədar təkliflər edir. 2 nəfər üçün 179 AZN ödəyərək müştərilər burda 2 nəfərlik otaqda gecələməklə bərabər, səhər yeməyi, SPA və fitness, ödənişsiz xizək dəsti, ödənişsiz xizək geyimləri, xizək xəttinə buraxılış kartı, eyni zamanda hoteldə erkən qeydiyyat (10:00-dan etibarən) və gec çıxış (16:00-a qədər) imkanları da əldə edə bilirlər.
Media nümayəndələri ilə görüşündə «Qafqaz Hotelləri»nin səlahiyyətli nümayəndəsi bildirib ki, qarşıdan gələn Novruz Bayramı ilə əlaqədar burada turistlər üçün xüsusi sərfəli endirimli kampaniyalar da təşkil olunacaq. 19-28 mart tarixlərini əhatə edəcək bu kampaniyada iştirak etmək istəyənlər 72 AZN-dən başlayan (buraya gecələmə, səhər yeməyi, internet, SPA və fitness qiymətə daxildir) iki nəfərlik otaq qiymətləri ilə , həmçinin, 22-24 mart tarixlərində isə 116 AZN-dən başlayan (gecələmə, səhər yeməyi, SPA, Novruz Bayramı şou programı,musiqiçilər, aparıcılar, DJ-lər, keçəl və kosa, köpük şousu, klounlar, rəqqaslar, sehrbazlar və s. daxildir) 2 nəfərlik otaq qiymətləri ilə qonaq ola bilərlər.
KİV nümayəndələri Qəbələyə səfər çərçivəsində həmçinin, «Qafqaz Hotellər»şəbəkəsinə daxil olan digər istirahət mrkəzləri haqda da məlumatlandırılıblar. Media təmsilçiləri Qəbələdən xoş təəssüratlarla Bakıya yola düşüblər.
Səlim Loğmanoğlu

Paylaş:

Baxılıb: 2895 dəfə