Heydər Əliyev
yeni azerbaycan logo

Ana səhifə / Sosial / ADA Universitetində “Vəzifədən kənar: Millətlər arasında ədalətli sayılan diplomatlar” sərgisi təşkil olunub

ADA Universitetində “Vəzifədən kənar: Millətlər arasında ədalətli sayılan diplomatlar” sərgisi təşkil olunub

24.01.2018 [10:05]

BMT-nin Azərbaycandakı nümayəndəliyi və İsrailin ölkəmizdəki səfirliyi birlikdə “Holokost həftəsi” çərçivəsində ADA Universitetində “Vəzifədən kənar: Millətlər arasında ədalətli sayılan diplomatlar” sərgisini təşkil edib.
AZƏRTAC xəbər verir ki, sərgi Avropada yəhudilərin həyatını xilas edən 10 diplomata həsr olunub.
Sərginin açılışında çıxış edən İsrailin Azərbaycandakı səfirinin müavini Avital Rosenberq Holokost faciəsinin dəhşətləri barədə iştirakçılara məlumat verib. Dünyanın müxtəlif ölkələrindən 34 diplomatın günahsız insanlara kömək etdiyini söyləyən A.Rosenberq bununla bağlı İsrailin Baş naziri Benyamin Netanyahunun fevralda İsrail Xarici İşlər Nazirliyində həmin diplomatlara həsr olunan xatirə lövhəsinin açılışını edəcəyini bildirib.
ADA Universitetinin prorektoru Fariz İsmayılzadə belə tədbirlərin təşkilinin sülh, tolerantlıq, birgəyaşama və digər dəyərlərin təbliği baxımından mühüm əhəmiyyət kəsb etdiyini vurğulayıb.
BMT-nin İctimai İnformasiya Departamentinin Azərbaycan üzrə təmsilçisi Rəşad Hüseynov bildirib ki, təhsil zorakılığın bütün növlərinə qarşı mübarizədə ən vacib yoldur və bu, hər kəsin bu sahənin inkişafında birgə işləməsini zəruri edir.

Paylaş:
Baxılıb: 538 dəfə

Xəbər lenti

Hamısına bax

YAP xəbərləri

YAP xəbərləri

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31