Yevlaxda “Erkən nikah, narkomaniya və dini radikalizmə qarşı cəmiyyətimizi birgə qoruyaq” mövzusunda tədbir keçirilib

Bakı:

29 °C

42 %

3 m/s

AZ RU EN

Ana səhifə / Sosial / Yevlaxda “Erkən nikah, narkomaniya və dini radikalizmə qarşı cəmiyyətimizi birgə qoruyaq” mövzusunda tədbir keçirilib

Yevlaxda “Erkən nikah, narkomaniya və dini radikalizmə qarşı cəmiyyətimizi birgə qoruyaq” mövzusunda tədbir keçirilib

28.08.2020 [19:45]

Avqustun 27-də Yeni Azərbaycan Partiyası (YAP) Yevlax rayon təşkilatının, Dini Qurumlarla İş üzrə Dövlət Komitəsinin (DQİDK) Yevlax bölgəsi üzrə şöbəsinin, Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) Yevlax rayon şöbəsinin birgə təşkilatçılığı ilə “Erkən nikah, narkomaniya və dini radikalizmə qarşı cəmiyyətimizi birgə qoruyaq” mövzusunda videokonfrans formatında tədbir keçirilib. Tədbirdə YAP Yevlax rayon təşkilatının sədri, Milli Məclisin deputatı İlham Məmmədov, YAP Yevlax rayon təşkilatının Qadınlar Şurasının sədri Əminə Əhmədova, YAP Yevlax rayon təşkilatının aparat rəhbəri Rafiq Əliyev, Yevlax rayon Polis Şöbəsinin rəis müavini Əfqan Qurbanov, SHXÇDX Yevlax rayon şöbəsinin rəisi Elməddin Cəfərov, şöbənin Çağırış bölməsinin rəisi Namiq Həmidov, DQİDK-nın Yevlax bölgəsi üzrə şöbəsinin əməkdaşı Fərid Vaqiflı və rayon gəncləri iştirak ediblər.

Tədbiri giriş sözü ilə açan YAP Yevlax rayon təşkilatının aparat rəhbəri R.Əliyev narkomaniya, erkən nikah və dini radikalizmə qarşı mübarizəni hər bir vətəndaşın aparmalı olduğunu bildirib. R.Əliyev gənclərlə bu istiqamətdə maarifləndirici söhbətlərin aparılmasının vacib olduğunu diqqətə çatdırıb.

YAP Yevlax rayon təşkilatının sədri, Milli Məclisin üzvü İlham Məmmədov tədbirdəki çıxışında cəmiyyətin bəlasına çevrilmiş bu kimi neqativ hallara qarşı dövlət tərəfində yüksək səviyyədə mübarizə aparıldığını deyib. İlham Məmmədov parlamentdə erkən nikah, narkomaniya və dini radikalizm əleyhinə müvafiq qanun lahiyələrinin qəbul olduğunu da xatırladıb.

Rayon Polis Şöbəsinin rəis müavini Ə.Qurbanov çıxışında bu gün Daxili İşlər Nazirliyinin cəmiyyətin bu kimi neqativ hallardan qorunması və təmizlənməsi istiqamətində fəaliyyətini davam etdirdiyini bildirib.

SHXÇDX-nin Yevlax rayon şöbəsinin Çağrış bölməsinin rəisi N.Həmidov gənclərin məktəb illərindən vətənpərvərlik ruhunda tərbiyə olunması, zərərli vərdişlərdən yayındırmaq üçün maarifləndirilməsinin vacibliyini vurğulayıb.

YAP Yevlax rayon təşkilatının Qadınlar Şurasının sədri, “Kür” qəzetinin baş redaktoru Ə.Əhmədova erkən yaşda qız övladlarının zorla ailə qurmağa məcbur edilməsinin boşanmaların sayının kəskin artmasına səbəb olduğunu bildirib.

DQİDK-nın Yevlax bölgəsi üzrə şöbəsinin əməkdaşı Fərid Vaqiflı ölkəmizdə dini tolerantlığın hökm sürdüyünü qeyd edib, dini radikalizmin fəsadlarından bəhs edib.

Sonda tədbir iştirakçılarını maraqlandıran suallar cavablandırılıb.

Paylaş:

Baxılıb: 754 dəfə