Azərbaycan ilə Qətər arasında fövqəladə halların idarə edilməsi və təhlükəsizlik məsələləri üzrə əməkdaşlıq haqqında sazişlər imzalanıb

Bakı:

19 °C

77 %

4 m/s

AZ RU EN

Ana səhifə / Xarici siyasət / Azərbaycan ilə Qətər arasında fövqəladə halların idarə edilməsi və təhlükəsizlik məsələləri üzrə əməkdaşlıq haqqında sazişlər imzalanıb

Azərbaycan ilə Qətər arasında fövqəladə halların idarə edilməsi və təhlükəsizlik məsələləri üzrə əməkdaşlıq haqqında sazişlər imzalanıb

22.10.2014 [09:46]

Azərbaycan Respublikasının fövqəladə hallar naziri Kəmaləddin Heydərovun və daxili işlər naziri Ramil Usubovun başçılıq etdikləri nümayəndə heyəti oktyabrın 19-dan 21-dək Qətər Dövlətində səfərdə olublar.
Fövqəladə Hallar və Daxili İşlər nazirliklərinin mətbuat xidmətlərinin AzərTAc-a daxil olmuş birgə məlumatında bildirilir ki, səfər Qətərin Baş naziri və daxili işlər naziri Şeyx Abdullah bin Nasir bin Xəlifə Əl Taninin dəvətinə əsasən təşkil olunub.
Səfər Qətərin Əmiri Şeyx Təmim bin Həməd Əl Taninin himayəsi altında Dohada keçirilən bu ölkənin Daxili İşlər Nazirliyinin 10-cu təhlükəsizlik və sabitlik sərgisində (“Milipol Qətər - 2014”) iştirak etmək məqsədi daşıyıb. Məqsəd, həmçinin nazirliklərin maddi-texniki bazasının gücləndirilməsi üçün müxtəlif şirkətlərin istehsalı olan yeni texnika və avadanlığa baxış keçirmək, sərgidə iştirak edən ayrı-ayrı dövlətlərin müvafiq qurumları ilə əlaqələrin qurulması və inkişaf etdirilməsi istiqamətində bir sıra görüşlər keçirərək qarşılıqlı maraq doğuran məsələləri müzakirə etmək olub.
Səfər zamanı Əl Bəhr sarayında Qətər Dövlətinin Əmiri əlahəzrət Şeyx Təmim bin Həməd Əl Tani Kəmaləddin Heydərovu və Ramil Usubovu qəbul edib.
Görüşdə “Milipol Qətər-2014” sərgisinin əhəmiyyəti qeyd olunub, nazirliklərin fəaliyyəti barədə geniş məlumat verilib.
Nümayəndə heyəti Qətər Dövlətinin Baş naziri və daxili işlər naziri Şeyx Abdullah bin Nasir bin Xəlifə Əl Tani ilə də görüşüb.
Görüşdə son illər iki ölkə arasında əlaqələrin dinamik inkişaf etdiyi diqqətə çatdırılıb. Qətərin bir sıra beynəlxalq təşkilatlar çərçivəsində, o cümlədən BMT-də, İslam Əməkdaşlıq Təşkilatında Ermənistan-Azərbaycan, Dağlıq Qarabağ münaqişəsi ilə bağlı ölkəmizin haqlı mövqeyini dəstəkləməsi məmnunluqla vurğulanıb.
Söhbət zamanı, həmçinin fövqəladə halların qarşısının alınması və nəticələrinin aradan qaldırılması sahəsində əməkdaşlığın perspektivləri müzakirə olunub.
Sonra Azərbaycan Respublikası Hökuməti ilə Qətər Dövləti Hökuməti arasında “Fövqəladə halların idarə edilməsi sahəsində əməkdaşlıq haqqında” və “Təhlükəsizlik məsələləri üzrə əməkdaşlıq haqqında” sazişlər imzalanıb.

Paylaş:

Baxılıb: 1559 dəfə