Əsl alim

Bakı:

22 °C

66 %

5 m/s

Əlaqə

AZ RU EN

Ana səhifə / YAP xəbərləri / Əsl alim

Əsl alim

09.04.2024 [11:23]

Zərifə Əziz qızı Əliyeva 1923-cü il aprelin 28-də Şərur rayonunun Şahtaxtı kəndində anadan olmuşdur. Azərbaycan Respublikasının Əməkdar Elm Xadimi, tibb elmləri doktoru, Azərbaycan Elmlər Akademiyasının akademiki Zərifə xanım Əliyeva Azərbaycan səhiyyəsinə böyük töhfələr bəxş etmişdir.

Görkəmli akademik zəngin, uğurlu iş həyatına 1949-cu ildə Azərbaycan Elmi Tədqiqat Göz Xəstəlikləri İnstitutunda elmi işçi kimi başlamışdır. 1969-cu ildən isə Ə.Əliyev adına Azərbaycan Həkimləri Təkmilləşdirmə İnstitutunda göz xəstəlikləri kafedrasının dosenti, professor, 1982–1985-ci illərdə görmə orqanlarının peşə patologiyası laboratoriyasının müdiri, oftalmologiya kafedrasının müdiri vəzifələrində çalışmış, Azərbaycanda geniş yayılmış traxoma xəstəliyinə qarşı aparılan müalicəvi və profilaktik tədbirlərin təşkilində, eləcə də keçirilməsində fəal iştirak etmişdir.

Zərifə xanım Əliyeva həyatının mənasını insanlara şəfa, sağlamlıq bəxş etməkdə görürdü. Ömrü qısa olsa da, onun sayəsində günəşin işığını görənlərin, təbiətin gözəlliyindən zövq alan xəstələrinin sevinci ona əbədilik yaşam haqqı qazandırmışdır. Zərifə xanım Əliyevanın zəngin elmi irsi, oftalmologiyanın müxtəlif sahələri üzrə apardığı tədqiqatlar, qazandığı nailiyyətlər, yaratdığı fundamental əsərlər Azərbaycan tibb elminin parlaq səhifəsidir.

Azərbaycanda oftalmologiya elminin inkişafında xidmətləri ölçüyəgəlməz və əvəzolunmaz olan Zərifə xanım vaxtilə Azərbaycanda geniş yayılmış traxomanın, xüsusilə kimya və elektron sənayelərində peşə fəaliyyəti ilə bağlı göz xəstəliklərinin öyrənilməsi, profilaktikası və müalicəsinə, habelə oftalmologiyanın müasir problemlərinə dair bir çox sanballı tədqiqatlar aparmış, eyni zamanda, "Terapevtik oftalmologiya", "İridodiaqnostikanın əsasları" kimi nadir elmi əsərlərin müəlliflərindən biri, 12 monoqrafiya, dərslik və dərs vəsaitinin, 150-yə yaxın elmi işin, 1 ixtira və 12 səmərələşdirici təklifin müəllifi olmuşdur.

Müasir müstəqil Azərbaycan dövlətinin memarı və qurucusu, xalqımızın ümummilli lideri Heydər Əliyevin ömür-gün yoldaşı olan Zərifə xanım Əliyeva , eyni zamanda ulu öndərin sədaqətli dostu, sirdaşı və etibarlı silahdaşı olmuşdur.

“Zərifə xanım kimi həyat yoldaşım olduğuna və o, ailəmdə çox yüksək mənəvi mühit yaratdığına görə mən xoşbəxt olmuşam. Həyatımın bütün dövrlərində işlə məşğul olduğuma görə ailə məsələlərinə fikir verməyə vaxtım olmayıb. Bunların hamısı Zərifə xanımın üzərinə düşüb və o da bu vəzifəni şərəflə, sədaqətlə, çox böyük məharətlə yerinə yetirib. Azərbaycan xanımının mənəvi dəyərlərini özündə təcəssüm etdirən Zərifə xanım bir qadın, bir həyat yoldaşı, bir ana, bir həkim, bir alim, bir ictimai xadim olaraq elə sağlığında əfsanələşməyi bacarıb və daşıdığı bu titulları mərhəmət, şəfqət, hümanizm kimi ali hisslərlə bütövləşdirərək əsl insanlıq zirvəsinə yüksəlib.” Ulu öndər Heydər Əliyevin Zərifə xanım haqqında söylədiyi bu fikirlər ona nə qədər dəyər verdiyinin, hörmət bəslədiyinin, nə qədər sevdiyinin bariz nümunəsidir.

Zərifə xanım gözəl bir qadın, mükəmməl bir həyat yoldaşı, savadlı, bacarıqlı bir həkim olmaqla yanaşı, eyni zamanda dünyaya İlham Əliyev kimi lider bəxş edən bir anadır.

Xalqımızın ümummilli lideri Heydər Əliyev və Zərifə xanım Əliyevanın böyüyüb boya-başa çatdırdığı, nəyi nə zaman etməyi yaxşı bilən, xalqının böyük etimadını, sevgisini qazanan cənab İlham Əliyev 20 ildən artıqdır ki, müstəqil Azərbaycana rəhbərlik edir. Məhz onun sayəsində Azərbaycan öz ərazi bütövlüyünü və suverenliyini tam bərpa etmişdir. Ölkəmiz bu gün heç zaman olmadığı qədər güclü və qüdrətlidir.

Azərbaycan Prezidenti İlham Əliyev Zərifə xanım haqqında belə deyir: "Mənim anam əsl alim idi. O, tibbin bütün incəliklərini öyrənməyə səy göstərirdi. Bununla bərabər mənimlə, Sevillə məşğul olmağa, bizi Azərbaycanın layiqli vətəndaşları kimi tərbiyə etməyə, böyütməyə vaxt tapırdı. O, həmişə mənim qəlbimdədir."

Respublikamızda tibb elminin inkişafına mühüm töhfələr verərək oftalmologiyanın aktual problemlərinə dair sanballı tədqiqatları ilə böyük şöhrət qazanmış Zərifə xanım Əliyevannın əziz xatirəsi xalqımızın qəlbində yaşamaqdadır .

Sahib Şükürov

YAP Göyçay rayon təşkilatının sədri

Paylaş:

Baxılıb: 584 dəfə