“Heydər Əliyev irsi Azərbaycanda əbədi davam edəcəkdir” mövzusunda konfrans keçirilib

Bakı:

26 °C

42 %

1 m/s

Əlaqə

AZ RU EN

Ana səhifə / YAP xəbərləri / “Heydər Əliyev irsi Azərbaycanda əbədi davam edəcəkdir” mövzusunda konfrans keçirilib

“Heydər Əliyev irsi Azərbaycanda əbədi davam edəcəkdir” mövzusunda konfrans keçirilib

23.04.2024 [13:46]

Yeni Azərbaycan Partiyası Laçın rayon təşkilatının inzibati binasında, Ulu Öndər Heydər Əliyevin anadan olmasının 101 - ci ildönümü ilə bağlı tədbirlər planına uyğun olaraq “Heydər Əliyev irsi Azərbaycanda əbədi davam edəcəkdir” mövzusunda konfrans keçirilib.

Konfransda YAP Laçın rayon təşkilatının sədri İlqar İlyasov, Ərazi Partiya təşkiat sədrləri, Ağsaqqallar, Gənclər, YAP fəalları və ictimayyət nümayəndələri iştirak etmişdir. Ulu Öndər Heydər Əliyevin və torpaqlarımızın azadlığı uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edilib. YAP Laçın rayon təşkilatının sədri İlqar İlyasov giriş sözü ilə çıxış edərək bildirdi ki, Azərbaycan xalqının Ümummilli Lideri Heydər Əliyev Azərbaycançılıq ideologiyasını Azərbaycan dövlətinin ana xətlərindən birinə çevirərkən ilk növbədə tarix boyu əldə edilmiş zəngin təcrübədən məharətlə və uzaqgörən bir strateq kimi istifadə etdi. Bu baxımdan Ulu Öndər Heydər Əliyevin azərbaycançılığı ümummilli ideologiya olaraq irəli sürməsi onun Azərbaycan dövlətçiliyi naminə göstərdiyi tarixi xidmətdir. Ulu Öndər Heydər Əliyevin öz xalqını zamanın mürəkkəb tarixi-siyasi sınaqlarından uğurla çıxardığını və ardıcıl mübarizə apararaq onu müstəqilliyə qovuşduran qüdrətli şəxsiyyət olduğunu qeyd edərək, Azərbaycanın yeni tarixinin bütün uğurlarının Yeni Azərbaycan Partiyasının banisi, Müstəqill Azərbaycan Respublikasının qurucusu Ümummilli Lider Heydər Əliyevin adı ilə bağlı olduğunu bildirib. İlqar İlyasov qeyd edib ki, bu gün Azərbaycan xalqı cənab İlham Əliyevin rəhbərliyi altında aydın bir yolla öz parlaq sabahlarına doğru inamla addımlayır. 2020-ci il sentyabrın 27-də Ermənistanın davamlı hərbi təxribatlarına cavab olaraq başlanmış Vətən müharibəsində əldə edilmiş tarixi Zəfər və 2023-cü il sentyabrın 19-20-də həyata keçirilmiş lokal xarakterli antiterror tədbirləri nəticəsində 30 il ərzində xalqımızın qarşısında duran ən mühüm problem - Azərbaycan Respublikasının suverenliyinin və ərazi bütövlüyünün tam bərpası məsələsi həll edilmişdir. Qazax rayonunun 4 kəndinin qaytarılması məhz Heydər Əliyev yolunun təntənəsidir. İlqar İlyasov onu da vurguladı ki,bu gün işğaldan azad edilmiş ərazilərimizdə aparılan genişmiqyaslı bərpa-quruculuq işlərinin fonunda ölkəmizin iqtisadi imkanlarından xəbər verir.Hər bir inkişafın əsasında iqtisadi tərəqqi dayanır. Azərbaycanın iqtisadi müstəqilliyini günbəgün möhkəmləndirməsi siyasi mövqeyinə öz müsbət təsirini göstərir. Bu gün Azərbaycanın böyük investisiyalar məkanı kimi diqqətdə olması həyata keçirilən təkmil islahatların nəticəsidir. İşğaldan azad edilmiş ərazilərimizdə görülən işlər Azərbaycanın iqtisadi imkanlarını nümayiş etdirir. Çıxış edən digər natiqlər müstəqil Azərbaycanın uğurla inkişaf etməsinin məhz Ümummilli Lider Heydər Əliyevin siyasi xəttinin bəhrəsi olduğunu, həmin siyasi xəttin Prezident İlham Əliyev tərəfindən uğurla davam etdirildiyini vurğulayıblar. Həmçinin İkinci Qarabağ müharibəsində qazanılmış tarixi Zəfərin ölkəmizin hərbi qüdrəti ilə yanaşı, həm də Ümummilli Liderimiz Heydər Əliyevin böyük müdrikliklə işləyib hazırladığı və Prezident İlham Əliyev tərəfindən uğurla davam etdirilən xarici siyasət strategiyasının qələbəsi olduğu bildirilib. Müstəqil Azərbaycan dövlətinin memarı, Ulu Öndər Heydər Əliyevin zəngin dövlətçilik irsi və əbədiyaşar ideyaları daim xalqımızın firavan həyatının təmin olunmasına, dövlətimizin güclənməsinə və qüdrətlənməsinə misilsiz töhfələr verdiyini diqqətə çatdırılıb.

Paylaş:

Baxılıb: 762 dəfə