YAP Laçın rayon təşkilatının 2 saylı ərazi partiya təşkilatında qarşıda duran vəzifələrlə bağlı tədbir keçirilib

Bakı:

23 °C

65 %

10 m/s

AZ RU EN

Ana səhifə / YAP xəbərləri / YAP Laçın rayon təşkilatının 2 saylı ərazi partiya təşkilatında qarşıda duran vəzifələrlə bağlı tədbir keçirilib

YAP Laçın rayon təşkilatının 2 saylı ərazi partiya təşkilatında qarşıda duran vəzifələrlə bağlı tədbir keçirilib

13.02.2025 [17:36]

Fevralın 13-də Yeni Azərbaycan Partiyası Laçın rayon təşkilatının 2 saylı ərazi partiya təşkilatında 2024-cü il ərzində gördüyü işlərə dair hesabat və qarşıda duran vəzifələrlə bağlı tədbir keçirilib. Tədbirdə YAP Laçın rayon təşkilatının sədri İlqar İlyasov və ərazi partiya təşkilatlarının fəalları iştirak ediblər.
Yeni Azərbaycan Partiyasının yaradıcısı, ümummilli lider Heydər Əliyevin və Vətən uğrunda canından keçən şəhidlərin əziz xatirəsi bir dəqiqəlik sükutla yad edilib.

2 saylı ərazi partiya təşkilatının sədri Nicat Həsənov 2024-cü ilin yekunları və fəaliyyət planı üzrə hesabat məruzəsini təqdim edib. YAP fəalları Natiq Əbdüləzimov, Elmdar Məmmədov, Sədaqət Məhərrəmova və Elqayıd Əlizadə məruzə ətrafında çıxışlar edərək müzakirələr aparıblar. Müzakirələr zamanı ərazi partiya təşkilatının görülən işləri təhlil olunmuş və yüksək qiymətləndirilmişdir. Həmçinin, Sapı özümüzdən olan baltaların Azərbaycanda yer ala bilməyəcəyi və onlara qarşı birlikdə mübarizə aparmağın vacibliyi vurğulanmışdır.

YAP Laçın rayon təşkilatının sədri İlqar İlyasov 2025-ci ildə qarşıda duran vəzifələr barədə məlumat verərək görülmüş işləri müsbət qiymətləndirib. O, bildirib ki, hazırda həm ölkəmizdə, həm də regionumuzda yaranmış yeni reallıqlar aydın şəkildə göstərir ki, düşünülmüş, qətiyyətli, prinsipial və milli maraqlara əsaslanan siyasət, bacarıqlı və səmərəli idarəçilik, cəmiyyətin vahid məqsəd və milli ideya ətrafında sıx birliyi və həmrəyliyi sayəsində Yeni Azərbaycan Partiyası inkişaf edərək xalqın sevgisini qazanmışdır.

İlqar İlyasov Azərbaycanın inkişafında, gələcəyə əmin addımlarla irəliləməsində lider fenomeninin müstəsna rol oynadığını qeyd edərək, ulu öndər Heydər Əliyevin əsasını qoyduğu siyasəti uğurla davam etdirən Prezident İlham Əliyevin ölkəyə rəhbərlik etdiyi 2003-cü ildən bu vaxtadək olan müddətin Azərbaycan tarixinə hərtərəfli və sürətli inkişaf dövrü kimi daxil olduğunu vurğulayıb.

Sonda tədbir iştirakçıları müzakirə və təhlillər apararaq qərar qəbul ediblər. Qəbul edilmiş qərara əsasən, Yeni Azərbaycan Partiyası Laçın rayon təşkilatının 2 saylı ərazi partiya təşkilatının 2024-cü il ərzində gördüyü işlərə dair hesabat qənaətbəxş qiymətləndirilib.

Paylaş:

Baxılıb: 442 dəfə