Azərbaycan Somali əməkdaşlığı Afrika qitəsində Azərbaycanın mövqeyini gücləndirəcək

Bakı:

26 °C

53 %

7 m/s

Əlaqə

AZ RU EN

Ana səhifə / YAP xəbərləri / Azərbaycan Somali əməkdaşlığı Afrika qitəsində Azərbaycanın mövqeyini gücləndirəcək

Azərbaycan Somali əməkdaşlığı Afrika qitəsində Azərbaycanın mövqeyini gücləndirəcək

19.02.2025 [16:39]

Rövşən Əhmədov,

YAP Ağcabədi rayon təşkilatının sədri

Cari ilin fevralın 12-də Somali Federativ Respublikasının Prezidenti Hasan Şeyx Mahmudun Azərbaycana rəsmi səfəri zamanı Azərbaycan Respublikasının Prezidenti İlham Əliyevlə birgə verdiyi bəyanat mühüm hadisələrlə yadda qaldı.

Bəyanatda Cənab Prezident qeyd edib ki, əminəm ki, hazırda Bakıda imzalanmış bütün razılaşmalar həyata keçiriləcək və münasibətlərimizi daha yüksək səviyyəyə qaldıracaq. Regionlarımızda geosiyasi vəziyyəti, ölkələrimizin üzləşdiyi çağırışları geniş şəkildə müzakirə etdik, ölkələrimizin ərazi bütövlüyünə və suverenliyinə qarşılıqlı dəstəyimizi, eləcə də terrorçuluğa və ekstremizmə qarşı mübarizədə ortaq mövqeyimizi bir daha vurğuladıq.

Səfər çərçivəsində imzalanmış sənədlər hər iki ölkə arasında ikitərəfli əlaqələri çox sahələrdə inkişaf etdirməkdə qarşılıqlı fayda verəcəkdir. Bunun üçün münbit şərait vardır, çünki, siyasi sabitlik inkişafı təmin edən ilkin şərtdir. Ümumilikdə isə müsəlman ölkəsi olan Somali İƏT və Qoşulmama Hərəkatı çərçivəsində Azərbaycanla qarşılıqlı hörmətə, dəstəyə və həmrəyliyə əsaslanan mühüm əməkdaşlıq əlaqələrinə malikdir. Azərbaycan ilə Somali arasında diplomatik əlaqələr 2004-cü ilin mart ayının 22-də qurulub. İki ölkə arasında diplomatik münasibətlərin qurulmasından ötən dövr ərzində, xüsusilə son illərdə Azərbaycan-Somali təmaslarının artması əməkdaşlıq perspektivlərinin müzakirəsində faydalı rol oynayır.

Azərbaycanla Somali arasında siyasi məsləhətləşmələr haqqında imzalanmış sazişə uyğun olaraq, əməkdaşlığın genişləndirilməsində bu kimi mexanizmlərdən istifadə olduqca vacibdir. Bir sıra istiqamətlər, o cümlədən kənd təsərrüfatı, neft və qaz sənayesi, yaşıl enerji, humanitar, təhsil sahələri üzrə əməkdaşlığın inkişafı üçün kifayət qədər geniş potensial mövcuddur. Bu istiqamətlərdə qarşılıqlı təmasların və təcrübə mübadilələrinin aparılması xüsusi əhəmiyyətə malikdir.

Onu da qeyd etməliyik ki, müdafiə sahəsində əməkdaşlıq gələcək əlaqələrdə mühüm əhəmiyyət kəsb edəcək. Azərbaycan müdafiə avadanlığının əksər hissəsini istehsal edərək, güclü müdafiə sənayesi potensialını yaradıb. Həmçinin, İkinci Qarabağ müharibəsi və sonradan antiterror əməliyyatı zamanı hərbi qulluqçularımız yüksək peşəkarlıq nümayiş etdirmişdir. Ordumuz altı və ya yeddi müdafiə xəttinə, müxtəlif müdafiə istehkam infrastrukturuna baxmayaraq, təxminən otuz il işğal altında olan əraziləri çox mürəkkəb coğrafi relyef şəraitində azad edərək ərazi bütövlüyümüzü və suverenliyimizi qısa müddət ərzində tam bərpa etmişdir.

Somoli Prezidentinin Azərbaycana səfəri zamanı imzalanan sənədlər, Azərbaycanın Afrika ilə münasibətlərini genişləndirmək və iki ölkə arasında strateji tərəfdaşlıq qurmaq istəyini əks etdirir.

Beləliklə, bu mübadilə mərasimi, iki ölkə arasındakı əlaqələrin yeni mərhələyə keçməsində mühüm rol oynayır.

Paylaş:

Baxılıb: 521 dəfə