15 iyun-Milli Qurtuluş Günü münasibətilə təntənəli ümumrayon tədbiri keçirilmişdir

Bakı:

28 °C

54 %

11 m/s

Əlaqə

AZ RU EN

Ana səhifə / YAP xəbərləri / 15 iyun-Milli Qurtuluş Günü münasibətilə təntənəli ümumrayon tədbiri keçirilmişdir

15 iyun-Milli Qurtuluş Günü münasibətilə təntənəli ümumrayon tədbiri keçirilmişdir

12.06.2025 [15:39]

11 iyun 2025-ci il tarixində Pirallahı rayonunda “Konstitusiya və Suverenlik İli” çərçivəsində 15 İyun – Milli Qurtuluş Günü münasibətilə “Milli Qurtuluşdan başlanan müstəqillik, sabitlik və inkişaf yolu” mövzusunda təntənəli ümumrayon tədbiri keçirilib.

Tədbirdə Pirallahı Rayon İcra Hakimiyyətinin başçısı Vasif İmanov, Milli Məclisin deputatı, Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev, YAP Pirallahı rayon təşkilatının sədri Emil Abasov, RİH başçısı Aparatının əməkdaşları, rayonun idarə və müəssisələrinin rəhbərləri və kollektiv üzvləri, QHT nümayəndələri, Vətən müharibəsi iştirakçıları, şəhid ailələri və fəal gənclər iştirak ediblər.

Tədbir Ulu Öndər Heydər Əliyevin büstü önünə gül qoyulması ilə öz işinə başlayıb. Ardınca RİH başçısı və qonaqlar “Mirvari Park” Kompleksində “4 nömrəli Uşaq-Gənclər İnkişaf Mərkəzi” PHŞ-nin təşkil etdiyi sərgi ilə tanış olublar. Daha sonra tədbirin rəsmi hissəsinə keçid edilib, dövlət himni səsləndirilib, Ümummilli Lider Heydər Əliyevin və şəhidlərimizin əziz xatirəsi bir dəqiqəlik sükutla yad edilib.

Pirallahı Rayon İcra Hakimiyyətinin başçısı Vasif İmanov tədbiri giriş nitqi ilə açaraq bildirib ki, 1993-cü ilin 15 iyun tarixi Azərbaycan xalqı üçün təkcə bir siyasi dönüş nöqtəsi deyil, həm də milli dövlətçilik ideyalarının gerçəyə çevrildiyi gün kimi tarixə düşüb. RİH başçısı vurğulayıb ki, Ulu Öndər Heydər Əliyevin siyasi hakimiyyətə qayıdışı ilə ölkədə baş alıb gedən anarxiya və qarşıdurmalara son qoyuldu, dövlətçiliyin təməli möhkəmləndirildi, sabitlik təmin edildi. Azərbaycan müstəqil inkişaf yoluna çıxdı. V.İmanov əlavə edib ki, bu siyasi kurs Prezident İlham Əliyev tərəfindən uğurla davam etdirilir. Bu gün Azərbaycan regionun lider dövləti kimi çıxış edir. Azad edilmiş ərazilərdə bərpa-quruculuq işləri geniş vüsət alıb, Böyük Qayıdış reallaşır. Bütün bunlar Heydər Əliyev siyasətinin Prezident İlham Əliyev tərəfindən davam etdirilməsinin bariz göstəricisidir.

Millət vəkili Arzu Nağıyev çıxışında qeyd edib ki, 1990-cı illərin əvvəllərində ölkədə hökm sürən siyasi böhran və xaos şəraitində yeganə ümid məhz Ulu Öndər Heydər Əliyev idi. Onun 1993-cü ildə hakimiyyətə qayıdışı Azərbaycanın dövlət müstəqilliyini qoruyaraq ölkəni dağılmaq təhlükəsindən xilas etdi. Millət vəkili vurğulayıb ki, bu gün də ölkənin inkişafı, güclənməsi və qlobal arenada tanınması məhz həmin siyasi kursun davam etdirilməsi ilə bağlıdır.

Yekun olaraq çıxış edən YAP Pirallahı rayon təşkilatının sədri Emil Abasov 15 İyun – Milli Qurtuluş Gününün Azərbaycan tarixində dönüş nöqtəsi olduğunu bildirərək, Ulu Öndərin rəhbərliyi ilə ölkədə baş verən sosial, iqtisadi və siyasi inkişaf proseslərinin əhəmiyyətindən danışıb.

Sonda tədbir tanınmış sənətçilərin və Pirallahı rayonunun 4 nömrəli Uşaq-Gənclər İnkişaf Mərkəzinin, həmçinin 14 nömrəli Uşaq Musiqi Məktəbinin yetirmələrinin təqdimatında musiqi, rəqs və ədəbi-bədii kompozisiyalarla davam etdirilib.

Paylaş:

Baxılıb: 480 dəfə