Ağdam seçicilərinin növbəti seçimi də məhz cənab İlham Əliyev olacaq

Bakı:

11 °C

93 %

1 m/s

Əlaqə

AZ RU EN

Ana səhifə / YAP xəbərləri / Ağdam seçicilərinin növbəti seçimi də məhz cənab İlham Əliyev olacaq

Ağdam seçicilərinin növbəti seçimi də məhz cənab İlham Əliyev olacaq

25.09.2013 [10:13]

YAP Ağdam rayon təşkilatı Yeni Azərbaycan Partiyasının prezidentliyə namizədi cənab İlham Əliyevin təbliğat-təşviqat kampaniyası çərçivəsində seçicilərlə növbəti görüşü rayonun Bənövşələr qəsəbəsində keçirib
Dünən YAP Ağdam rayon təşkilatı Yeni Azərbaycan Partiyasının prezidentliyə namizədi cənab İlham Əliyevin təbliğat-təşviqat kampaniyası çərçivəsində seçicilərlə növbəti görüşü rayonun Bənövşələr qəsəbəsində keçirib.
Tədbiri giriş sözü ilə açan YAP Ağdam rayon təşkilatının sədri İsgəndər Quliyev qeyd edib ki, Ulu öndər Heydər Əliyevin əsasını qoyduğu və Prezident İlham Əliyevin uğurla davam etdirdiyi inkişaf strategiyası nəticəsində Azərbaycan qüdrətli dövlətə çevrilib. “Təbii ki, ölkəmizin əldə etdiyi nailiyyətlər öz növbəsində regionların sosial-iqtisadi inkişafına təkan verib. Ümumiyyətlə, Prezident İlham Əliyevin rəhbərliyi ilə bu istiqamətdə aparılan siyasət inkişafın Azərbaycan modelinin əsas tərkib hissələrindən birini təşkil edir. Regionların sosial-iqtisadi inkişafına dair Dövlət proqramları çərçivəsində həyata keçirilən uğurlu islahatların, yenidənqurma işlərinin nəticəsidir ki, hazırda Azərbaycanın bütün bölgələrində inkişafa nail olunub, regionların siması, insanların sosial həyatı əhəmiyyətli dərəcədə dəyişib” - deyə, təşkilat sədri əlavə edib.
İ.Quliyev deyib ki, Azərbaycan gündən-günə inkişaf edir, güclənir, beynəlxalq arenadakı mövqeyini möhkəmləndirməklə yanaşı, bölgələrimizin inkişafı, vətəndaşların sosial şəraitinin yüksəlişi təmin olunur: “Bu isə şübhəsiz, qəbul olunmuş inkişaf proqramlarının, o cümlədən, iki mərhələdə həyata keçirilən “Azərbaycan Respublikası regionlarının sosial-iqtisadi inkişafı Dövlət Proqramı”nın yüksək keyfiyyətlə icra olunmasının bariz nəticəsidir”.
Təşkilat sədri Prezident İlham Əliyevin rəhbərliyi ilə həyata keçirilən sosial siyasətdən və bu siyasətin uğurlu nəticələrindən də bəhs edib. Nəzərə çatdırılıb ki, bu gün bütün sivil ölkələrin əsas məqsədi insanların rifah halının yüksəldilməsi olduğundan sosial dövlət çoxcəhətli xarakter daşıyır: “Dünyada mövcud olan sosial siyasət modelləri vətəndaşların sosial müdafiəsinin və ümumi rifahının təmin olunması, işsizliyin aradan qaldırılması, yoxsulluğun azaldılması istiqamətində özünəməxsus kurs kimi müəyyənləşdirilib. Artıq bu modellərin sırasına daxil olmaq imkanı qazanmış sosial siyasətin Azərbaycan modeli də var. Azərbaycanda sosial siyasət bilavasitə vətəndaşların rifah halının və həyat şəraitinin daimi olaraq yaxşılaşmasına xidmət edir. Bütün bunları nəzərə alaraq inamla söyləyə bilərəm ki, Azərbaycan seçicisinin, o cümlədən Ağdam ictimaiyyətinin növbəti seçimi də məhz cənab İlham Əliyev olacaq”.
Daha sonra çıxış edən təbliğat qrupunun üzvləri Rəfael Novruzov, Hümbət Mustafayev və Qara Qasımov Prezident İlham Əliyevin uğurlu daxili siyasətinin fonunda bütün sahələrin paralel inkişafını xüsusi olaraq vurğulayıblar. Qeyd edilib ki, əsası Ümummilli lider Heydər Əliyev tərəfindən qoyulan və Prezident İlham Əliyev tərəfindən davam etdirilən uğurlu iqtisadi siyasət son nəticədə təhsil və səhiyyə də daxil olmaqla, ümumilikdə, sosial sahədə genişmiqyaslı işlərin görülməsinə zəmin yaradıb. Təbliğat qrupunun üzvləri seçiciləri 9 oktyabr tarixində keçiriləcək seçkilərdə Yeni Azərbaycan Partiyasının namizədi cənab İlham Əliyevə səs verməyə çağırıblar.
Çıxış edən qəsəbə sakinləri isə cənab Prezident İlham Əliyevin inkişaf siyasətini dəstəklədiklərini və öz səslərini Yeni Azərbaycan Partiyasının namizədinə verəcəklərini vurğulayıblar.
NURLAN

Paylaş:

Baxılıb: 1058 dəfə