Prezident İlham Əliyevin diqqət və qayğısı sayəsində Yevlax rayonu da son illərdə çox sürətlə inkişaf edib

Bakı:

28 °C

49 %

5 m/s

AZ RU EN

Ana səhifə / YAP xəbərləri / Prezident İlham Əliyevin diqqət və qayğısı sayəsində Yevlax rayonu da son illərdə çox sürətlə inkişaf edib

Prezident İlham Əliyevin diqqət və qayğısı sayəsində Yevlax rayonu da son illərdə çox sürətlə inkişaf edib

27.09.2013 [10:12]

Məhz buna görə rayon sakinləri 9 oktyabrda YAP-ın namizədinə səs verəcəklər
Oktyabrın 9-da ölkəmizdə keçiriləcək növbəti prezident seçkiləri ilə əlaqədar Yevlaxda da təbliğat-təşviqat kampaniyası uğurla davam edir. Yeni Azərbaycan Partiyasının prezidentliyə namizədi cənab İlham Əliyevin Yevlax rayonu üzrə seçki qərargahının üzvləri kampaniya çərçivəsində dünən rayonun Hacıselli və Marzılı kəndlərində seçicilərlə növbəti görüşlərini keçiriblər. Seçicilər qarşısında çıxış edən YAP Yevlax rayon təşkilatının Aparat rəhbəri Əli Quliyev 9 oktyabrda ölkəmizdə növbəti prezident seçkilərinin keçiriləcəyini deyib. Natiq əlavə edib ki, hər bir seçici bu seçkilərdə fəallıq nümayiş etdirməli, ölkəni daha böyük uğurlara aparacaq namizədə-cənab İlham Əliyevə səs verməlidir. Çıxışında ölkəmizdə gedən sürətli inkişaf, həmçinin, Prezident İlham Əliyevin daima xalqımıza göstərdiyi yüksək diqqət və qayğı barədə də danışan Əli Quliyev bildirib ki, bu gün hər bir yevlaxlı gündən-günə gözəlləşən, abadlaşan öz doğma şəhəri ilə fəxr edir: “Qürurla demək istəyirəm ki, Yevlax son 10 il ərzində tamamilə dəyişib, müasir, gözəl bir şəhərə çevrilib. Mən inanmıram ki, dünyanın hansısa başqa bir ölkəsində 10 il ərzində bu qədər yeniliyə, tərəqqiyə nail olunsun. Bu uğur yalnız Azərbaycana və yalnız cənab İlham Əliyevə məxsusdur. Butun bunlara görə, hər bir yevlaxlı seçici bir daha öz minnətdarlığını və məhəbbətini Yeni Azərbaycan Partiyasının namizədi İlham Əliyevə bildirmək üçün 9 oktyabrda böyük fəallıqla seçki məntəqələrinə gələrək, davamlı, sağlam və işıqlı gələcəyə səs verəcəklər”.
Çıxış edən YAP Yevlax rayon təşkilatının sədri, Milli Məclisin deputatı İlham Məmmədov Prezident İlham Əliyevin 10 illik fəaliyyəti dövründə gördüyü işlərdən danışıb. Millət vəkili vurğulayıb ki, cənab İlham Əliyev ötən 10 ildə Azərbaycanı dünyanın ən sürətlə inkişaf edən ölkəsinə çevirib. Regionların sosial iqtisadi inkişafına dair Dövlət proqramları çərçivəsində Azərbaycanın hər bir rayonu, hətta kəndləri belə, inkişaf etdirilib: “Təbii ki, bu inkişafdan Yevlağa da pay düşüb. Məhz dövlət başçısının diqqət və qayğısı sayəsində Yevlax rayonu son illərdə çox sürətlə inkişaf edib. Burada böyük quruculuq işləri aparılıb. Hazırda hər birimiz böyük fəxr hiss ilə deyirik ki, Yevlax müasir şəhərə çevrilib”.
Çıxış edən kənd sakinləri Sevil Kərimova, Əli Behbudov, Vəzifə Mahmudova və başqaları deyiblər ki, son 10 ildə aparılan siyasət ölkəmizin inkişafına, xalqımızın sosial rifahına xidmət edib. Yevlaxlılar bu siyasətin davam etməsi üçün 9 oktyabrda cənab İlham Əliyevə səs verəcəklər.
Nadir AZƏRİ

Paylaş:

Baxılıb: 1238 dəfə