Qubadlı ictimaiyyətinin seçimi Prezident İlham Əliyevdir

Bakı:

26 °C

54 %

3 m/s

Əlaqə

AZ RU EN

Ana səhifə / YAP xəbərləri / Qubadlı ictimaiyyətinin seçimi Prezident İlham Əliyevdir

Qubadlı ictimaiyyətinin seçimi Prezident İlham Əliyevdir

02.10.2013 [10:16]

YAP Qubadlı rayon təşkilatı təbliğat-təşviqat kampaniyası çərçivəsində seçicilərlə görüş keçirib
Oktyabrın 9-da keçiriləcək prezident seçkiləri ilə əlaqədar Yeni Azərbaycan Partiyasının (YAP) apardığı təbliğat-təşviqat kampaniyası uğurla davam edir. YAP Qubadlı rayon təşkilatı da dünən YAP-ın prezidentliyə namizədi cənab İlham Əliyevin təbliğat-təşviqat kampaniyası çərçivəsində seçicilərlə görüş keçirib.
“İLHAMLA İRƏLİ” devizi altında keçirilən görüşdə çıxış edən Yeni Azərbaycan Partiyası Qubadlı rayon təşkilatının sədri Allahverdi Haqverdiyev qarşıdan gələn 9 oktyabr seçkilərinin dövlətçilik tariximizdə xüsusi yerə malik olduğunu dilə gətirib. Onun sözlərinə görə, Yeni Azərbaycan Partiyasının Sədri, Prezident İlham Əliyev bu seçkilərdə alternativsiz liderdir: “Prezident İlham Əliyevin 10 il ərzində apardığı siyasət nəticəsində bütün qaçqın rayonların əhalisi kimi, Qubadlı camaatının da sosial rifahı yüksəlişə qədəm qoyub. Qaçqınlara ayrılan müavinətlər artırılıb, onların həyat səviyyəsi yüksəlib. Bununla yanaşı, rayon ictimaiyyəti arasında işsizlik problemi aradan qaldırılıb”.
Çıxış edən Milli Məclisin üzvü İmamverdi İsmayılov Dağlıq Qarabağ münaqişəsinin nizamlanması istiqamətində Prezident İlham Əliyevin yürütdüyü xarici siyasətdən söz açıb. O qeyd edib ki, bütün Qubadlı camaatı inanır ki, gələcək beşillikdə Azərbaycan dövləti Prezident İlham Əliyevin başçılığı ilə Dağlıq Qarabağı azad edəcək.
Çıxış edən millət vəkili Ülvi Quliyev qaçqın və məcburi köçkünlərin həyat səviyyəsinin yaxşılaşdığını önə çəkərək gənclər siyasətinə xüsusi diqqət verildiyini deyib: “Bu gün Azərbaycanda gənclərin sağlam böyüməsi üçün şərait yaradılır, yeni Olimpiya kompleksləri inşa edlilir. Bu, həm də Azərbaycan Prezidentinin gənclərə, gələcək nəslə qayğısının göstəricisidir. Prezident İlham Əliyevin yürütdüyü siyasət Azərbaycan gəncliyini dövlətinə, millətinə sədaqətlə qulluq etməsini irəli sürür. Azərbaycan gəncləri də öz öhdəsinə düşən məsuliyyəti dərk edir və onun öhdəsindən gəlməyə çalışır”.
Daha sonra çıxış edən natiqlər bildiriblər ki, Prezident İlham Əliyevin apardığı uğurlu inkişaf strategiyası nəticəsində ölkəmiz regionun lider dövlətinə çevrilib. Təbliğat-təşviqat qrupunun üzvləri bütün seçiciləri 9 oktyabr seçkilərində xalqımızı uğurlu gələcəyə aparan liderə- Prezident İlham Əliyevə səs verməyə çağırıblar.
Pərviz SADAYOĞLU

Paylaş:

Baxılıb: 1304 dəfə