Əməkdaşlıq və həmrəyliyin yeni mərhələsi

Bakı:

26 °C

53 %

7 m/s

Əlaqə

AZ RU EN

Ana səhifə / YAP xəbərləri / Əməkdaşlıq və həmrəyliyin yeni mərhələsi

Əməkdaşlıq və həmrəyliyin yeni mərhələsi

14.10.2025 [17:27]

Oktyabrın 10-da Tacikistanın paytaxtı Düşənbədə keçirilən Müstəqil Dövlətlər Birliyinin (MDB) Dövlət Başçıları Şurasının məhdud tərkibdə iclası çərçivəsində Azərbaycan Respublikasının Prezidenti İlham Əliyevin çıxışı diqqət mərkəzində olub. Dövlət başçısının nitqi yalnız siyasi deyil, həm də humanitar və mədəni müstəvidə yeni əməkdaşlıq istiqamətlərinin formalaşmasına xidmət edən dərin məzmunu ilə seçilib.

Prezident İlham Əliyev çıxışına Tacikistan Prezidenti Emoməli Rəhmona səmimi qonaqpərvərliyə görə təşəkkür etməklə başlayıb, Düşənbənin son illərdəki inkişafını yüksək qiymətləndirib. O, Tacikistan xalqına rifah və uğurlar arzulayaraq, ölkələrimiz arasında formalaşmış dostluq və qarşılıqlı etimada əsaslanan münasibətlərin əhəmiyyətini xüsusi vurğulayıb.

Dövlət başçısı MDB məkanında birgə əməkdaşlığın dərinləşməsinin regional sabitlik və inkişaf baxımından vacibliyini qeyd edib. Prezident İlham Əliyev bildirib ki, Azərbaycan bu əməkdaşlığı həm siyasi, həm iqtisadi, həm də mədəni sahələrdə möhkəmləndirmək niyyətindədir.

Çıxışda xüsusi yer tutan məqam Laçın şəhərinin bu il MDB-nin mədəniyyət paytaxtı elan edilməsi olub. Prezident İlham Əliyev bu qərara dəstək verən bütün dövlət başçılarına minnətdarlığını bildirib, Laçının Ermənistanın işğalından azad olunduqdan sonra qısa müddətdə bərpa edilərək yeni simaya qovuşduğunu vurğulayıb. O, Laçının bu statusunun həm Azərbaycanın mədəni potensialının, həm də ölkənin bərpa və quruculuq gücünün nümayişi olduğunu diqqətə çatdırıb.

Prezident İlham Əliyev həmçinin bu il Azərbaycanda keçirilən III MDB Oyunlarının uğurlu təşkilinə toxunaraq qeyd edib ki, bu yarışlar iştirakçı dövlətlər arasında dostluq və həmrəyliyin möhkəmlənməsinə xidmət edib. Oyunların Gəncə, Şəki, Göygöl, Mingəçevir, Qəbələ və digər şəhərlərdə yüksək səviyyədə keçirilməsi MDB ailəsi daxilində humanitar əlaqələrin inkişafına mühüm töhfə olub.

Beləliklə, Prezident İlham Əliyevin Düşənbə çıxışı Azərbaycanın MDB məkanında fəal və prinsipial mövqeyini bir daha nümayiş etdirdi. Bu çıxış həm dövlətlərarası dialoqun səmimiliyinə, həm də mədəni və humanitar diplomatiyanın gücünə söykənən yeni əməkdaşlıq mərhələsinin başlanğıcı kimi dəyərləndirilə bilər.

Azərbaycanın regiondakı siyasəti bir daha sübut edir ki, ölkəmiz təkcə iqtisadi və siyasi baxımdan deyil, həm də mədəni təsir gücü ilə inteqrasiyanın mühüm mərkəzinə çevrilməkdədir.

Fidan Hüseynova

YAP Quba rayon təşkilatının sədri

Paylaş:

Baxılıb: 717 dəfə