Samux ictimaiyyətinin alternativsiz seçimi cənab İlham Əliyevdir

Bakı:

10 °C

93 %

3 m/s

Əlaqə

AZ RU EN

Ana səhifə / YAP xəbərləri / Samux ictimaiyyətinin alternativsiz seçimi cənab İlham Əliyevdir

Samux ictimaiyyətinin alternativsiz seçimi cənab İlham Əliyevdir

04.10.2013 [10:05]

YAP Samux rayon təşkilatı təbliğat-təşviqat kampaniyasını uğurla davam etdirir
Yeni Azərbaycan Partiyasının (YAP) prezidentliyə namizədi cənab İlham Əliyevin təbliğat-təşviqat kampaniyası çərçivəsində YAP Samux rayon təşkilatı seçicilərlə görüşlərini davam etdirir. Növbəti görüş rayonun Qarayeri qəsəbəsində keçirilib.
YAP Samux rayon təşkilatının sədri Gündüz Bayramov çıxış edərək bildirib ki, ölkəmiz çox əhəmiyyətli proses olan prezident seçkiləri ərəfəsindədir və ötən seçkilərdə olduğu kimi, bu seçkilərdə də partiyamızın namizədi cənab İlham Əliyev qalib gələcək: “Bu qələbəni şərtləndirən başlıca amil Prezident İlham Əliyevin rəhbərliyi ilə ötən 10 il ərzində həyata keçirilən siyasət və əldə edilən uğurlardır. Bütün dünyanın iqtisadi böhrandan əziyyət çəkdiyi bir zamanda Azərbaycan öz inkişaf tempini qoruyub saxlayaraq, beynəlxalq aləmdəki mövqeyini daha da möhkəmləndirməkdədir. Bu da təsadüfi deyil. Ulu öndər Heydər Əliyevin əsasını qoyduğu və dövlətimizin qüdrətlənməsinin təminatı olan davamlı inkişaf strategiyası bu gün Prezident İlham Əliyev tərəfindən yeni mərhələdə uğurla davam etdirilir. Həyata keçirilən siyasətin uğurlu nəticələrini Azərbaycan vətəndaşları də öz həyatlarında hiss edirlər”.
Təşkilat sədri Yeni Azərbaycan Partiyasının namizədinin növbəti dəfə əzəmətli qələbə qazanacağına inandığını bildirib. Qeyd edib ki, ötən 10 ilin nəticələri və yekunları bir daha sübut edir ki, möhtərəm Prezidentimizin rəhbərliyi ilə reallaşdırılan ümummilli inkişaf strategiyası hər bir sahənin paralel inkişafını ən yüksək səviyyədə təmin edib və bu tendensiya ardıcıl sürətdə davam etməkdədir. G.Bayramov seçiciləri Yeni Azərbaycan Partiyasının namizədi cənab İlham Əliyevə səs verməyə çağırıb.
Daha sonra çıxış edən seçicilər 9 oktyabr tarixində keçiriləcək seçkilərdə cənab İlham Əliyevə səs verəcəklərini bəyan ediblər.
Bundan başqa, Yeni Azərbaycan Partiyasının namizədi cənab İlham Əliyevin Samux rayonu üzrə seçki qərargahında səsvermə günü müşahidə aparacaq müşahidəçilərlə seminar-müşavirə keçirilib. Seminar-müşavirədə çıxış edən YAP Samux rayon təşkilatının sədri Gündüz Bayramov müşahidəçiləri təlimatlandırıb. Seminar-müşavirə diskussiya şəklində keçirilib və müşahidəçiləri maraqlandıran suallara cavab verilib. Tədbirin sonunda müşahidəçilərə yaxalıqlar paylanılıb.
NURLAN

Paylaş:

Baxılıb: 1211 dəfə