Tərtərdə təbliğat-təşviqat kampaniyası uğurla davam edir

Bakı:

25 °C

50 %

1 m/s

Əlaqə

AZ RU EN

Ana səhifə / YAP xəbərləri / Tərtərdə təbliğat-təşviqat kampaniyası uğurla davam edir

Tərtərdə təbliğat-təşviqat kampaniyası uğurla davam edir

07.10.2013 [09:44]

Rayon seçiciləri oktyabrın 9-da cənab İlham Əliyevə səs verməklə bir daha sabitliyin və inkişafın geniş xalq kütləsi tərəfindən dəstəkləndiyini sübut edəcəklər
Yeni Azərbaycan Partiyasının (YAP) prezidentliyə namizədi cənab İlham Əliyevin Tərtər rayonu üzrə seçki qərargahı tərəfindən müəyyənləşdirilmiş tədbirlər planına uyğun olaraq seçicilərlə görüşlər davam edir. Bu istiqamətdə növbəti görüş rayonun Borsunlu və Bəyimsarov kəndlərində keçirilib.
Görüşləri giriş sözü ilə YAP Tərtər rayon təşkilatının sədri Ramiz Şabanov açaraq ölkəmizin növbəti tarixi mərhələ ərəfəsində olduğunu deyib. Rayon təşkilatının sədri bildirib ki, oktyabrın 9-da Azərbaycanda növbəti dəfə prezident seçkiləri keçiriləcək və bu seçkilərdə də xalqımızın məhz cənab İlham Əliyevi dəstəkləyəcəyinə kimsə şübhə etmir. Çünki cənab İlham Əliyevin ölkəyə rəhbərlik etdiyi ötən 10 il ərzində Azərbaycanda bütün sahələrdə inkişaf və tərəqqi qeydə alınıb. Ramiz Şabanovun sözlərinə görə, bu gün hər bir sektorda inkişaf müşahidə olunur ki, bunun da əsasında Prezident İlham Əliyevin rəhbərliyi ilə həyata keçirilən iqtisadi siyasət dayanır.
Seçicilər qarşısında çıxış edən YAP Tərtər rayon təşkilatı Aparatının rəhbəri Kamil Məmmədov deyib ki, Prezident İlham Əliyevin liderliyi ilə Azərbaycan qarşıya qoyduğu məqsədlərə nail olub: “Cənab İlham Əliyevin ölkəni idarə etdiyi dövrdə, bir zamanlar yalnız xəyal kimi görünən nəhəng enerji layihələri, ölkənin hər yerində abadlaşma, müasirləşmə, Azərbaycanın dünyada tanınması və milli maraqlara xidmət edən çoxsaylı digər məqsədlər artıq gerçəkliyə çevrilib”.
Görüşlərdə çıxış edən rayon Ağsaqqallar Şurasının sədri Qədir Allahverdiyev 2003-cü ildə Azərbaycanın dövlət başçısı seçilərkən İlham Əliyevin verdiyi vədləri xatırladaraq, ötən 10 ildə bütün vədlərin yerinə yetirildiyini bildirib: “Qarşıdakı 5 ildə insanların sosial müdafiəsi daha da güclənəcək. Buna nail olmaq üçün sizləri bir daha düzgün seçim etməyə, cənab İlham Əliyevə səs verməyə çağırıram”.
Görüşlərdə çxış edən Borsunlu kənd sakinləri-Xəyyam Aslanov, Fenya Əliyeva, Bəyimsarov kənd sakinləri-Bəhmən Bayramov, Vaqif Əliyev, Meydan Şabanov və başqaları deyiblər ki, oktyabrın 9-da cənab İlham Əliyevə səs verməklə bir daha sabitliyin və inkişafın geniş xalq kütləsi tərəfindən dəstəkləndiyini sübut edəcəklər.
NADİR

Paylaş:

Baxılıb: 1288 dəfə