Müasir elmi tələblərə cavab verən tədqiqatlar

Bakı:

24 °C

54 %

2 m/s

Əlaqə

AZ RU EN

Ana səhifə / YAP xəbərləri / Müasir elmi tələblərə cavab verən tədqiqatlar

Müasir elmi tələblərə cavab verən tədqiqatlar

05.11.2025 [21:36]

İntiqam Quliyev

YAP Ağdam rayon təşkilatının sədr müavini

3 noyabr 2025-ci il tarixində Azərbaycan Milli Elmlər Akademiyasının (AMEA) 80 illik yubileyinə həsr olunmuş təntənəli yığıncaq keçirilib. Tədbirdə Azərbaycan Respublikasının Prezidenti İlham Əliyev iştirak edərək geniş məzmunlu çıxış edib. Dövlət Başçısı cənab İlham Əliyev çıxışı zaman bildirdi ki,"Azərbaycan tamamilə yeni vəziyyətdə yaşayır və əlbəttə ki, öz addımlarımızı dəyişən dünyada gedən proseslərə həm uyğunlaşdırmalıyıq, həm də ki, bir çox təşəbbüslər irəli sürməliyik. Ona görə təbii ki, illər keçdikcə qarşıda duran vəzifələr də dəyişir. Ona görə bugünkü inkişafla bağlı, inkişafın gələcək istiqamətləri ilə bağlı əlbəttə ki, prioritetlər əvvəlki dövrdən fərqlənir. Bu gün sirr deyil ki, hər bir ölkənin inkişafını, eyni zamanda, təhlükəsizliyini o ölkənin texnoloji imkanları şərtləndirir. Bu gün biz bunu iqtisadi inkişafda görürük, yeni texnologiyaların tətbiqində görürük, yeni müharibələrdə görürük. Ona görə texnoloji inkişaf bizim üçün əsas prioritet olmalıdır və əlbəttə, burada Azərbaycan alimlərinin üzərinə böyük vəzifə düşür. Təbii ki, Azərbaycan dövlətinin üzərinə böyük vəzifə düşür ki, biz bu texnoloji inkişafı bütün sahələrdə tətbiq edək və beləliklə, bizim inkişafımız dayanıqlı olsun. Artıq hər kəs görür və bilir ki, hər bir ölkənin inkişafını təbii resurslar yox, məhz cəmiyyətin intellektual potensialı, texnoloji inkişaf, elmin inkişafı müəyyən edir. Yəni, təbii resurslar bizim üçün sadəcə olaraq bir vasitədir, bir imkandır ki, biz təbii resursların ixracından əldə etdiyimiz vəsaiti insan kapitalına yönəldək, texnoloji inkişafa yönəldək ki, gələcəkdə bizim inkişafımız dayanıqlı olsun." Akademiyanın 80 il ərzində böyük yol keçdiyini, Azərbaycanda elmin inkişafında aparıcı rol oynadığını önə çəkən Prezident İlham Əliyev vurğuladı ki, bu illər ərzində biz müxtəlif ictimai-siyasi quruluşlarda yaşasaq da, Azərbaycan hər zaman öz elminin inkişafına böyük diqqət yetirirdi. Ulu Öndər Heydər Əliyev hər zaman Azərbaycan alimlərini dəstəkləmək üçün öz səylərini əsirgəmirdi. Hələ ötən əsrin 70-ci illərində Onun rəhbərliyi ilə Akademiyanın fəaliyyəti təkmilləşdi, bir neçə yeni elmi-tədqiqat institutu yaradıldı, elmin inkişafına böyük vəsait ayrıldı. Bu siyasət müstəqillik illərində də davam etdirildi. Prezident İlham Əliyev bu siyasətin bu gün də uğurla davam etdirildiyini vurğulayıb. O qeyd edib ki, müasir dövrdə Azərbaycan elmi qarşısında duran əsas vəzifə elmi nailiyyətlərin praktiki tətbiqinə nail olmaq, elmin dövlətin iqtisadi və texnoloji inkişafına real töhfə verməsini təmin etməkdir. Həmçinin Ölkə rəhbərinin çıxışında AMEA-nın qarşısında duran əsas vəzifələrdən biri kimi institusional islahatlar və idarəetmədə səmərəliliyin artırılması göstərildi. Prezidentin qeyd etdiyi kimi, bu elm məbədinin yenidən formalaşması idarəetmədə çeviklik və məsuliyyət tələb edir. Prezident İlham Əliyev çıxışında, Azərbaycan Milli Elmlər Akademiyasının 80 illik yubileyini qeyd edərək, bu müddət ərzində akademiyanın elm sahəsindəki əvəzsiz rolunu vurğuladı. Akademiyanın Azərbaycanın elm və mədəniyyət həyatında böyük yer tutduğunu və inkişafına verdiyi töhfələrin çoxsaylı olduğunu qeyd etdi. O, akademiyanın hər zaman müasir elmi tələblərə cavab verən tədqiqatlarla ölkənin qabaqcıl elmi institutlarından biri olduğunu bildirdi.

Paylaş:

Baxılıb: 562 dəfə