Gələcəyin inkişafı birbaşa elmin səviyyəsi ilə bağlıdır

Bakı:

25 °C

52 %

2 m/s

Əlaqə

AZ RU EN

Ana səhifə / YAP xəbərləri / Gələcəyin inkişafı birbaşa elmin səviyyəsi ilə bağlıdır

Gələcəyin inkişafı birbaşa elmin səviyyəsi ilə bağlıdır

05.11.2025 [23:17]

Səyyad Mirzəyev

YAP Ağdam rayon təşkilatının əməkdaşı

Elm təkcə laboratoriyalarda aparılan tədqiqatlar deyildir — o, iqtisadiyyatın, təhsilin, səhiyyənin, infrastrukturun inkişafına təkan verən mühüm amildir. AMEA-nın 80 illik tarixi bizə göstərir ki, elmin önəmi zamanla artıb, indi isə daha strateji bir məqamdayıq. 2025-ci ilin martında ölkə prezidenti cənab İlham Əliyev tərəfindən imzalanmış “Akademiyanın 80 illik yubileyinin qeyd edilməsi” barədə sərəncam elmə dövlət səviyyəsində verilən yüksək qiymətin göstəricisidir.

3 noyabr 2025-ci il tarixdə Azərbaycan Milli Elmlər Akademiyasının 80 illik yubiley tədbiri keçirilib. Azərbaycan Respublikasının Prezidenti cənab İlham Əliyev tədbirdə iştirak etmişdir. Cənab Prezidentin AMEA-dakı çıxışı elmin inkişafına dövlət dəstəyinin ifadəsi idi. Prezident cənab İlham Əliyev elm, təhsil sahəsinə hər zaman diqqət və qayğı göstərib. Bu gün dövlət büdcəsindən təhsil sahəsinə ayrılan maliyyə vəsaiti hərbi sahədən sonra ikinci yerdədir. Bunun da nəticəsində respublikamızda elm, təhsil sürətlə inkişaf etməkdədir.

Prezident cənab İlham Əliyev çıxışında qeyd etdi ki, "Akademiya 80 il ərzində böyük yol keçmişdir, Azərbaycanda elmin inkişafında aparıcı rol oynamışdır. Bu illər ərzində biz müxtəlif ictimai-siyasi quruluşlarda yaşasaq da, Azərbaycan hər zaman öz elminin inkişafına böyük diqqət yetirirdi. Sirr deyil ki, Ulu Öndər Heydər Əliyev hər zaman Azərbaycan alimlərini dəstəkləmək üçün öz səylərini əsirgəmirdi. Hələ ötən əsrin 70-ci illərində onun rəhbərliyi ilə Akademiyanın fəaliyyəti təkmilləşdi, bir neçə yeni elmi-tədqiqat institutu yaradıldı, elmin inkişafına böyük vəsait ayrılırdı. Faktiki olaraq bu siyasət müstəqillik illərində də davam etdirilirdi. Ulu Öndərin təşəbbüsü ilə keçən əsrin 70-ci illərindən başlayaraq yüz minlərlə Azərbaycan gənci o vaxt Sovet İttifaqının aparıcı ali məktəblərinə göndərilmişdir və beləliklə, ölkəmizdə intellektual potensial daha da güclənmişdir. Eyni siyasəti biz müstəqillik illərində də aparırıq. Bu gün də on minlərlə Azərbaycan gənci artıq dünyanın aparıcı ali məktəblərinə ezam olunur. Onların böyük əksəriyyəti oxuyub Vətənə qayıdırlar və beləliklə, ölkəmizin inkişafına öz dəyərli töhfələrini verirlər."

Ümummilli Liderin siyasi kursunun layiqli davamçısı Prezident İlham Əliyevin dövlət idarəçiliyində elmin inkişafı prioritet vəzifələrdən biri kimi qoyulub. Son 10 ildə elmə ayrılan vəsait iki dəfədən çox artırılıb. Akademiyanın maddi-texniki bazası möhkəmləndirilib, yeni böyük elmi kitabxana inşa edilib. Cənab Prezidentin yubiley tədbirindəki çıxışı bir daha göstərdi ki, Azərbaycan elminin qarşısında yeni bir mərhələ açılır-texnoloji müstəqillik, elmi innovasiyalar və milli kimliyin elmi əsaslarla möhkəmləndirilməsi mərhələsi. Dövlətin elmə göstərdiyi diqqət, alimlərin isə öz biliyini və yaradıcılığını vətənin inkişafına yönəltmək əzmi ölkəmizin gələcək uğurlarının təməlini təşkil edəcək.

Paylaş:

Baxılıb: 567 dəfə