Konstitusiyamız milli birliyimizin, suverenliyimizin və azadlığımızın rəmzidir

Bakı:

23 °C

50 %

3 m/s

Əlaqə

AZ RU EN

Ana səhifə / YAP xəbərləri / Konstitusiyamız milli birliyimizin, suverenliyimizin və azadlığımızın rəmzidir

Konstitusiyamız milli birliyimizin, suverenliyimizin və azadlığımızın rəmzidir

12.11.2025 [16:24]

12 Noyabr Azərbaycan xalqı üçün mühüm tarixi və siyasi əhəmiyyətə malik olan bir gündür. Bu gün Azərbaycan Respublikasının Konstitusiyası – dövlətimizin əsas qanunu qəbul edilmişdir. 1995-ci ilin 12 noyabrında ümumxalq səsverməsi yolu ilə qəbul edilən Konstitusiya müstəqil Azərbaycanın hüquqi, demokratik və dünyəvi dövlət kimi inkişafının təməlini qoymuşdur.

Azərbaycan Respublikasının Konstitusiyası dövlətimizin siyasi, iqtisadi və ictimai həyatının hüquqi əsaslarını müəyyən edən ali sənəddir. Bu sənəd Azərbaycan xalqının suverenliyini, azadlığını və müstəqilliyini qoruyur, vətəndaşların hüquq və azadlıqlarının təminatçısı kimi çıxış edir. Konstitusiyanın qəbul edilməsi Azərbaycan dövlətçiliyinin möhkəmlənməsi və hüquqi dövlət quruculuğu prosesinin başlanğıcı olmuşdur.

Konstitusiyanın müəllifi və əsas ideoloji istiqamətlərinin banisi ümummilli lider Heydər Əliyev olmuşdur. Onun uzaqgörən siyasəti və dərin hüquqi düşüncəsi nəticəsində Azərbaycanın Konstitusiyası milli dəyərlərlə ümumbəşəri demokratik prinsipləri özündə birləşdirən mükəmməl bir sənəd kimi formalaşmışdır.

Bu gün möhtərəm Prezident İlham Əliyevin rəhbərliyi ilə Azərbaycan dövləti Konstitusiyada təsbit olunmuş prinsiplərə sadiq qalaraq, hüquqi islahatlar sahəsində mühüm nailiyyətlər əldə etmişdir. Cənab Prezidentin həyata keçirdiyi islahatlar və müasir idarəetmə modeli Konstitusiyanın ruhuna uyğun olaraq vətəndaşların rifahının yüksəldilməsinə, dövlətin dayanıqlı inkişafına xidmət edir. Dövlət başçısının rəhbərliyi altında Azərbaycan beynəlxalq aləmdə öz mövqeyini gücləndirmiş, hüquqi dövlət və vətəndaş cəmiyyəti quruculuğu istiqamətində mühüm addımlar atmışdır.

Konstitusiyanın 30 il ərzində xalqın həyatında tutduğu yer, onun əhəmiyyəti hər bir vətəndaş tərəfindən dərin hörmətlə qarşılanır. Bu sənəd təkcə qanunvericilik bazası deyil, həm də milli birliyimizin, suverenliyimizin və azadlığımızın rəmzidir.

12 Noyabr – Azərbaycan Respublikasının Konstitusiyası Günü dövlətçiliyimizə, azadlığımıza və milli iradəmizə hörmətin təcəssümüdür. Bu gün hər bir azərbaycanlı üçün qürur və iftixar günüdür. Möhtərəm dövlət rəhbərinin dediyi kimi, “Azərbaycan dövləti hüquqi əsaslar üzərində qurulmuş müstəqil dövlətdir və bu əsasların ən mühümü məhz Konstitusiyadır.”

Yaşasın müstəqil Azərbaycan dövləti!

Nazim Bünyatov

Yap Ağcabədi rayon təşkilatının sədr müavini

Paylaş:

Baxılıb: 391 dəfə