Biz Ağdamı yenidən bərpa edəcəyik

Bakı:

26 °C

50 %

6 m/s

Əlaqə

AZ RU EN

Ana səhifə / YAP xəbərləri / Biz Ağdamı yenidən bərpa edəcəyik

Biz Ağdamı yenidən bərpa edəcəyik

18.11.2025 [15:56]

Eldar Əsədov

YAP Tərtər rayon təşkilatının sdəri

Möhtərəm Prezidentimiz İlham Əliyev cənablarının 31 iyul 2023-cü il tarixli Sərəncamı ilə Azərbaycan Respublikasının işğaldan azad edilmiş əraziləri üzrə şəhər günləri təsis edilmişdir. Sərəncama əsasən 20 noyabr Ağdam şəhəri günü kimi müəyyən olub.

Ağdamın işğaldan azad edilməsi, həm də Azərbaycanın gələcək inkişafı və bu torpaqlarda sülh şəraitində yaşamağa doğru atılan mühüm bir addım olaraq tarixə yazıldı. Şəhərin bərpası ilə yanaşı, bu torpaqlarda yaşayan insanlar üçün yeni imkanlar yaradılacaq, regionda iqtisadi inkişaf sürətlənəcək və Azərbaycanın hərtərəfli inkişafı davam edəcəkdir. Ağdamın yenidən qurulması və burada yeni bir həyatın formalaşması, Azərbaycanın müstəqilliyini və ərazi bütövlüyünü qorumağa davam edəcəyinin və bu mübarizəni gələcək nəsillərə ötürməyin vacibliyinin təcəssümü olacaqdır.

İşğaldan azad olunmuş Ağdam erməni vandalizmin şahididir. Ermənistan qəsdən mədəni və dini abidələrimzi vandalizmə məruz qoymuş, təhqir və qarət etmişdir.Azərbaycan Respublikası Nazirlər Kabinetinin 2022-ci il 16 avqust tarixli Qərarı ilə “Ağdam şəhərinin 2040-cı ilədək inkişafına dair Baş planı” təsdiq edilmişdir. Ağdam şəhərinin Baş Planı bütün işğaldan azad edilmiş rayonların içərisində ən birinci təsdiqlənmişdir. Ağdam azad edilmiş ərazilərin ən böyük, Azərbaycanın isə dördüncü böyük şəhərinə çevriləcək. Burada 100 min nəfər əhalinin yaşayacağı planlaşdırılır. Şanlı Qələbə nəticəsində işğaldan azad edilmiş digər ərazilərimizdə olduğu kimi, Ağdamda da geniş tikinti-quruculuq işləri həyata keçirilir. Xarabalıqlar üzərində yeni, müasir Ağdam qurulur. “Böyük Qayıdış” proqramı çərçivəsində Ağdam şəhəri və kəndlər yenidən tikilir, infrastruktur layihələri icra olunur, yollar inşa edilir, yeni istehsal müəssisələri yaradılır, yaşıllıqlar salınır.

Ağdamın əvvəlki şöhrəti bərpa olunacaqdır. Baş Plan əsasında Ağdam bərpa olunur. Şəhərin özündə 5 məhəllə nəzərdə tutulur. Hazırda 2-ci məhəllədə 66 binanın tikinti işləri başlayıb. Bundan sonra paralel olaraq digər məhəllələrdə də tikinti işləri aparılacaq. Hazırda Ağdamda 3 kənddə - Kəngərli, Xıdırlı, Sarıcalıda bərpa-quruculuq işləri davam edir. Həmin kəndlərin birinci mərhələlərinin açılışı olmuşdur. Ağdam rayonunda digər kəndlər üzrə layihələndirmə işləri aparılır. 2025-ci ilin oktyabr ayına qədər Ağdamın yenidən məskunlaşdırılması proqramı çərçivəsində 825 ailə, 3318 nəfər öz doğma torpaqlarına köçürülmüşdür. Ağdam rayonunda iqtisadiyyatın, yerli istehsalın inkişafı məqsədilə icra olunan layihələrdən biri Ağdam Sənaye Parkıdır. Prezident İlham Əliyevin 2021-ci il 28 may tarixli Fərmanına əsasən yaradılan sənaye parkı 190 hektar ərazini əhatə edir.

Qarabağ bölgəsində xüsusi çəkiyə malik olan Ağdam rayonunun işğaldan əvvəlki şöhrətinin bərpası üçün hər birimiz Möhtərəm Prezidentimizə minnətdar olaraq bildiririk ki, həmişə dövlətin yanındayıq.

Paylaş:

Baxılıb: 616 dəfə