Strateji tərəfdaşlığa yeni impuls!

Bakı:

14 °C

88 %

6 m/s

Əlaqə

AZ RU EN

Ana səhifə / YAP xəbərləri / Strateji tərəfdaşlığa yeni impuls!

Strateji tərəfdaşlığa yeni impuls!

11.12.2025 [17:08]

Azərbaycan Respublikasının Prezidenti İlham Əliyev 8–9 dekabr 2025-ci il tarixlərində Slovakiya Respublikasına rəsmi səfər edib. Bu səfər iki dövlət arasında əlaqələrin strateji tərəfdaşlıq səviyyəsinə yüksəldilməsində mühüm diplomatik hadisə kimi tarixə düşüb. Bratislavada keçirilən açılış mərasimi Azərbaycan–Slovakiya münasibətlərinin yaxınlaşdığını bir daha nümayiş etdirib.

Səfər çərçivəsində Prezident İlham Əliyev Slovakiya Prezidenti Peter Pellegrini ilə çoxşaxəli görüşlər keçirib. Görüşlərdə iki ölkə arasında siyasi, iqtisadi, enerji və müdafiə sahələrində əməkdaşlıq məsələləri müzakirə olunub. Hər iki lider birgə mətbuat konfransında çıxış edərək, əlaqələrin strateji xarakter daşıdığını və gələcəkdə daha da genişlənəcəyini qeyd ediblər. Pellegrini Azərbaycana strateji tərəfdaş kimi münasibət bəslədiklərini vurğulayıb və bu səfərin tarixdə ilk rəsmi səfərlərdən biri olduğunu ifadə edib. Prezident Əliyev də tərəfdaşlığın səviyyəsini yüksək qiymətləndirərək, Slovakiya ilə əməkdaşlığın yalnız siyasi deyil, həm də iqtisadi və enerji təhlükəsizliyi sahələrində də strateji rol oynadığını bildirib.

Səfər zamanı həmçinin enerji təhlükəsizliyi məsələləri xüsusi diqqət mərkəzində olub. Azərbaycanla Slovakiya arasında enerji sahəsində əməkdaşlıq artıq davam edir və bu əlaqənin daha da genişləndirilməsi üçün potensial mövcuddur — xüsusilə Azərbaycan qazının Avropaya ixracı və Slovakiyanın enerji tələbatı kontekstində. Eyni zamanda Slovak şirkətlərinin Azərbaycanın Ağdam rayonunda “smart village” konsepti ilə həyata keçirilən layihələrdə iştirakı, ticarət-iqtisadi əməkdaşlığın gücləndirilməsinin əyani nümunəsidir. Müdafiə sahəsində də əməkdaşlıq perspektivləri müzakirə edilib və iki ölkənin müvafiq qurumları arasında əməkdaşlıq protokolları imzalanması nəzərdə tutulub.

Səfər çərçivəsində bir sıra memorandumlar və əməkdaşlıq sənədləri imzalanıb. Bu sənədlər qarşılıqlı əlaqələrin bir çox sahədə dərinləşdirilməsinə zəmin yaradır və uzunmüddətli əməkdaşlığın hüquqi əsasını formalaşdırır. Prezident İlham Əliyevin Slovakiyaya rəsmi səfəri yalnız iki ölkə arasında ənənəvi dostluq əlaqələrinin möhkəmləndirilməsi deyil, həm də enerji, müdafiə, iqtisadiyyat və mədəniyyət sahələrində strateji əməkdaşlığın yeni səviyyəyə qaldırılması üçün əsaslı platforma olub. Bu səfər Azərbaycan diplomatiyasında Avropa istiqamətində strateji əməkdaşlığın dərinləşdirilməsi və yeni geosiyasi tərəfdaşlıq konteksində əhəmiyyətli mərhələ hesab edilir.

Nəticə etibarilə qeyd etmək olar ki, bu səfər iki ölkə arasında energetika, müdafiə, iqtisadiyyat, texnologiya və mədəniyyət sahələrində yeni əməkdaşlıq səhifəsi açacaq.

Gündüz Alıkişiyev

YAP Tərtər rayon təşkilatının məsləhətçisi

Paylaş:

Baxılıb: 527 dəfə