“Ulu Öndərin ömür yolu Vətənə və xalqa xidmət nümunəsidir” adlı konfrans keçirildi

Bakı:

22 °C

60 %

3 m/s

Əlaqə

AZ RU EN

Ana səhifə / YAP xəbərləri / “Ulu Öndərin ömür yolu Vətənə və xalqa xidmət nümunəsidir” adlı konfrans keçirildi

“Ulu Öndərin ömür yolu Vətənə və xalqa xidmət nümunəsidir” adlı konfrans keçirildi

11.12.2025 [17:12]

11 dekabr 2025-ci il tarixdə Yeni Azərbaycan Partiyası (YAP) Quba rayon təşkilatının inzibati binasında Quba rayon İcra Hakimiyyəti və Yeni Azərbaycan Partiyası Quba rayon təşkilatının birgə təşkilatçılığı ilə Azərbaycan xalqının Ümummili lideri Heydər Əliyevin anım gününə həsr olunmuş “Ulu Öndərin ömür yolu Vətənə və xalqa xidmət nümunəsidir” adlı konfrans keçirildi.

İlk öncə tədbir iştirakçıları Ulu Öndər Heydər Əliyevin Quba şəhərində adını daşıyan Mədəniyyət və İstirahət parkındakı abidəsini ziyarət edərək, abidə önünə gül dəstələri qoyublar.

Konfransda Quba rayon İcra Hakimiyyətinin başçısı İlqar Mahmudov, Yeni Azərbaycan Partiyası (YAP) Quba rayon təşkilatının sədri Fidan Hüseynova, Rayon İcra Hakimiyyətinin və YAP Quba rayon təşkilatının məsul şəxsləri, hüquq mühafizə orqanlarının rəhbərləri, şəhid ailələri, ərazi partiya təşkilat sədrləri, idarə, müəssisə, təşkilat rəhbərləri və partiya fəlları iştirak ediblər.

Tədbir Ulu Öndər Heydər Əliyevin və şəhidlərimizin xatirəsini bir dəqiqəlik sükutla yad edilinəsi ilə başlanılıb.

Yeni Azərbaycan Partiyası (YAP) Quba rayon təşkilatının sədri Fidan Hüseynova tədbiri giriş sözü ilə açaraq, Ümummilli Lider Heydər Əliyevin çoxşaxəli fəaliyyətindən, Azərbaycanın inkişafı, milli dövlətçiliyin gücləndirilməsi istiqamətində misilsiz tarixi xidmətlərindən danışıb.

Quba rayon İcra Hakimiyyətinin başçısı İlqar Mahmudov çıxış edərək Ulu Öndər Heydər Əliyevin Azərbaycanı güclü təməllər üzərində inkişaf etdirdiyini, dövlət maraqlarını daim qoruduğunu, milli həmrəyliyə nail olduğunu vurğulayıb. Bildirib ki, Ümummilli Lider bütün həyatını xalqımızın rifahının yüksəlməsinə, Azərbaycan xalqının dünyada nüfuzunun daha da artmasına, dövlətimizin güclənməsinə və qüdrətlənməsinə sərf edib.

Digər çıxış edənlər Quba rayon Ağsaqqallar Şurasının sədri İldırım Məmmədov, ADPU Quba filialının müəllimi,əməkdar mədəniyyət işçisi Elza Orucova, Rayon İcra Hakimiyyəti yanında İctimai Şuranın sədri Laçın Səfərəliyev, Qaraçay qəsəbə ƏPT-nın sədri Bariz Allahverdiyev, Quba rayon Heydər Əliyev Mərkəzinin bələdçisi, partiya fəalı Simnarə Tağıyeva Ümummilli Lider Heydər Əliyevin öz xalqını zamanın mürəkkəb tarixi-siyasi sınaqlarından uğurla çıxarmaqla onu müstəqilliyə qovuşduran qüdrətli şəxsiyyət olduğunu, xalqına layiqli xidməti nəticəsində millətin və tarixin yaddaşında əbədi yer tutduğunu qeyd ediblər.

Paylaş:

Baxılıb: 845 dəfə