Humanizm, mərhəmət və ədalət prinsipləri

Bakı:

16 °C

72 %

11 m/s

Əlaqə

AZ RU EN

Ana səhifə / YAP xəbərləri / Humanizm, mərhəmət və ədalət prinsipləri

Humanizm, mərhəmət və ədalət prinsipləri

18.12.2025 [16:22]

Elmin Məmmədov

YAP Ağdam rayon təşkilatının əməkdaşı

Azərbaycan Respublikasında hüquqi dövlət quruculuğu, insan hüquq və azadlıqlarının təmin edilməsi, cəmiyyətlə dövlət arasında etimad mühitinin möhkəmləndirilməsi Prezident İlham Əliyevin rəhbərliyi ilə həyata keçirilən dövlət siyasətinin əsas istiqamətlərindən biridir.

“Konstitusiya və Suverenlik İli” çərçivəsində amnistiyanın elan edilməsi müasir Azərbaycan dövlətçiliyinin hüquqi-siyasi fəlsəfəsinin, milli konstitusional dəyərlərə sadiqliyin və dövlət suverenliyinin möhkəmləndirilməsinin bariz nümunəsidir. əfv sərəncamı və amnistiya aktlarının icrası zamanı on minlərlə soydaşımız, eləcə də ölkəmizdə həbs edilmiş əcnəbi şəxslər öz azadlıqlarına qovuşublar. Ulu öndər Heydər Əliyev xatırladırdı ki, hər bir insanın özünəməxsus, çoxsaylı arzuları ola bilər. Həbsxanada olanların isə ən ümdə arzusu məhz azadlığa çıxmaq, əzizlərinə qovuşmaqdır. Prezident İlham Əliyev bu məsələdə böyük həssaslıq nümayiş etdirir. Dövlət başçımız dönə-dönə xatırladıb ki, bizim siyasətimizin təməlində insan amili dayanır.Məhz həmin humanizm prinsiplərinin nəticəsidir ki, xalqımız bu il həm böyük siyahını əhatə edən əfv sərəncamının sevincini yaşayıb, həm də 20 mindən çox insana şamil ediləcək amnistiya aktından yaranacaq məmnunluğun ərəfəsindədir.

Prezident İlham Əliyevin amnistiya təşəbbüsü irəli sürməsi dövlətin öz vətəndaşına olan münasibətinin ən ali nümunəsidir. Bu addım Azərbaycanın güclü olduğu üçün bağışlamağı bacaran, ədaləti cəza ilə deyil, tərbiyə və yenidənqurma ilə tamamlayan dövlət olduğunu nümayiş etdirir. Amnistiya aktının fəlsəfəsində Azərbaycan dövlətinin əsrlər boyu formalaşmış humanizm və mərhəmət dəyərləri dayanır. Prezident İlham Əliyevin bu təşəbbüsü cəmiyyətə açıq bir mesajdır. Dövlət cəza verməklə kifayətlənmir, islah etməyi, insanı yenidən cəmiyyətə qazandırmağı da öz missiyası sayır.

Amnistiya təşəbbüsü Prezident İlham Əliyevin dövlət idarəçiliyində humanizm, mərhəmət və ədalət prinsiplərini daim ön planda saxladığını bir daha təsdiqləyir. Bu təşəbbüs cəmiyyətə açıq mesajdır ki, Azərbaycan dövləti vətəndaşlarının taleyinə biganə deyil, onların səhvlərindən nəticə çıxararaq düzgün yola qayıtmasını dəstəkləyir. Xüsusilə “Konstitusiya və Suverenlik İli” kimi tarixi və rəmzi əhəmiyyət daşıyan bir dövrdə amnistiyanın gündəmə gətirilməsi dövlət suverenliyinin yalnız ərazi bütövlüyü ilə deyil, həm də hüquqi və mənəvi dəyərlərlə möhkəmləndirildiyini göstərir. Amnistiyanın şamil olunacağı şəxslər kateqoriyası da bu təşəbbüsün sosial ədalət və humanizm prinsiplərinə əsaslandığını açıq şəkildə nümayiş etdirir.

Prezident cənab İlham Əliyevin amnistiya təşəbbüsü həm də Azərbaycan dövlətinin güclü və suveren mövqeyinin ifadəsidir. Tam bərpa olunmuş ərazi bütövlüyü və dövlət suverenliyi şəraitində həyata keçirilən bu təşəbbüs göstərir ki, Azərbaycan yalnız hərbi-siyasi gücü ilə deyil, eyni zamanda hüquqi və mənəvi üstünlükləri ilə də regionda nümunəvi dövlətdir.

Paylaş:

Baxılıb: 552 dəfə