"Konstitusiya: 30 il sonra. Yeni mərhələdə gənclərin iştirakı” mövzusuna həsr olunmuş tədbir keçirilib

Bakı:

0 °C

86 %

4 m/s

AZ RU EN

Ana səhifə / YAP xəbərləri / "Konstitusiya: 30 il sonra. Yeni mərhələdə gənclərin iştirakı” mövzusuna həsr olunmuş tədbir keçirilib

"Konstitusiya: 30 il sonra. Yeni mərhələdə gənclərin iştirakı” mövzusuna həsr olunmuş tədbir keçirilib

22.12.2025 [14:25]

Yeni Azərbaycan Partiyası Nərimanov rayon təşkilatı, Azərbaycan Respublikasının Gənclər və İdman Nazirliyinin və Azərbaycan İdman Akademiyasının birgə təşkilatçılığı ilə “Konstitusiya və Suverenlik İli” çərçivəsində “Konstitusiya: 30 il sonra. Yeni mərhələdə gənclərin iştirakı” mövzusuna həsr olunmuş tədbir keçirilib.

19 dekabr 2025-ci il tarixdə Azərbaycan İdman Akademiyasında keçirilən tədbirdən öncə Ümumilli Lider Heydər Əliyevin büstü önünə tər gül dəstələri qoyulub, əziz xatirəsi ehtiramla yad edilib.

Tədbirdə ilk olaraq Azərbaycan Respublikasının Dövlət Himni səsləndirilib, sonra Ulu öndər Heydər Əliyevin və Vətənimizin bütövlüyü uğrunda canından keçmiş şəhidlərimizin ruhu bir dəqiqəlik sükutla yad edilib.

Tədbiri giriş sözü ilə Azərbaycan İdman Akademiyasının rektoru Fuad Hacıyev açaraq “Konstitusiya və Suverenlik İli”nin əhəmiyyəti barədə danışıb. Qeyd olunub ki, konstitusiya dövlətin hüquqi dayağı, suverenliyin təminatıdır. Ulu Öndər Heydər Əliyevin rəhbərliyi ilə qəbul olunan 1995-ci il konstitusiyası müstəqil Azərbaycanın hüquqi sisteminin əsasını qoydu. Bu sənəd xalqın iradəsini ifadə edərək insan hüquq və azadlıqlarını təmin etdi. Hüquqi sabitlik və dövlətçilik ənənələri məhz bu bünövrə üzərində formalaşdı. Prezident İlham Əliyev bu hüquqi irsi davam etdirərək müasir dövrdə Azərbaycanın suverenliyini qoruyan, ərazi bütövlüyünü təmin edən islahatlara imza atdı.

Tədbirdə çıxış edən YAP Nərimanov rayon təşkilatının sədri Elçin Quliyev bildirib ki, Azərbaycan Respublikasının Konstitusiyası 1995-ci il noyabrın 12-də ümumxalq səsverməsi yolu ilə qəbul edilmiş və müstəqil dövlət quruculuğunda dönüş nöqtəsi olmuşdur. E. Quliyev qeyd edib ki, bu tarixi sənədin müəllifi Ulu Öndər Heydər Əliyev olaraq, o, xalqın milli iradəsini, azərbaycançılıq ideologiyasını və müasir dövlətçilik prinsiplərini vahid hüquqi çərçivədə birləşdirməyə nail olmuşdur. Təşkilat sədri söylədi ki, bu strateji xətt bu gün Prezident İlham Əliyev tərəfindən uğurla və ardıcıl şəkildə davam etdirilir. Prezident İlham Əliyevin rəhbərliyi ilə Azərbaycan milli maraqlara əsaslanan, müstəqil qərarvermə qabiliyyətinə malik, güclü və suveren Azərbaycan modeli formalaşdırmışdır və bu kimi tədbirlər Ulu Öndər Heydər Əliyevin dövlətçilik irsinin, Prezident İlham Əliyevin suveren Azərbaycan modelinin mahiyyətinin gənc nəslə aşılanmasında mühüm rol oynayır.

Tədbirdə millət vəkilləri Hikmət Babaoğlu, Samir Vəliyev, Gənclər və İdman Nazirinin müavini İndira Hacıyeva, YAP Gənclər Birliyinin sədri Bəxtiyar İslamov çıxış edərək Ümummilli Lider Heydər Əliyevin müdrik siyasəti sayəsində Azərbaycanın dövlət müstəqilliyi qorunub və möhkəmləndirilib. Prezident İlham Əliyevin rəhbərliyi ilə isə ölkəmizin suverenliyi və ərazi bütövlüyü tam bərpa olunub, Azərbaycan qalib dövlət kimi beynəlxalq aləmdə böyük nüfuz qazanıb. Həmçinin bildirilib ki, Belə tədbirlərin əsas məqsədi gənc nəslin dövlətçilik və vətənpərvərlik ruhunda tərbiyə olunması, onların ictimai fəallığının və milli dəyərlərə bağlılığının artırılmasıdır.

Çıxışlardan sonra tədbir interaktiv hissə ilə davam edib, gənclərin sualları cavablandırılıb.

Sonra Yeni Azərbaycan Partiyasının və Nərimanov rayonunun ictimai-siyasi həyatında aktiv fəaliyyətilə seçilən bir qrup şəxsə Fəxri Fərman və Təşəkkürnamələr təqdim olunub.

Sonda Yeni Azərbaycan Partiyasının Himni səsləndirilib və xatirə şəkli çəkilib.

Paylaş:

Baxılıb: 229 dəfə