Planlı, mərhələli və nəticəyönümlü

Bakı:

15 °C

47 %

13 m/s

Əlaqə

AZ RU EN

Ana səhifə / YAP xəbərləri / Planlı, mərhələli və nəticəyönümlü

Planlı, mərhələli və nəticəyönümlü

16.01.2026 [15:25]

2026-cı il yanvarın 12-də Prezident İlham Əliyevin sədrliyi ilə keçirilən müşavirə Azərbaycanın uzunmüddətli inkişaf strategiyasında su təhlükəsizliyinin xüsusi yer tutduğunu bir daha nümayiş etdirdi. “Bakı şəhərində və Abşeron yarımadasında su təchizatı, yağış və tullantı suları sistemlərinin təkmilləşdirilməsinə dair 2026–2035-ci illər üçün Dövlət Proqramı”na həsr olunan bu müşavirə ölkənin sosial-iqtisadi dayanıqlığı baxımından mühüm yol xəritəsinin təqdimatı kimi dəyərləndirilə bilər.

Prezident İlham Əliyev çıxışında su ehtiyatlarının idarə olunmasının artıq təkcə kommunal məsələ deyil, milli təhlükəsizlik, ekoloji tarazlıq və urbanizasiya prosesləri ilə birbaşa bağlı strateji vəzifə olduğunu vurğuladı. Xüsusilə Bakı şəhəri və Abşeron yarımadasında əhalinin sürətli artımı, infrastruktur yüklənməsi və iqlim dəyişikliklərinin təsiri fonunda kompleks yanaşmanın zəruriliyi diqqətə çatdırıldı.

Dövlət Proqramı çərçivəsində su təchizatının dayanıqlığının artırılması, yağış və tullantı sularının idarə edilməsində müasir texnologiyaların tətbiqi, itkilərin minimuma endirilməsi və ətraf mühitə mənfi təsirlərin azaldılması əsas prioritetlər kimi müəyyən edilib. Dövlət başçısı çıxışında bu sahədə həyata keçiriləcək tədbirlərin yalnız mövcud problemlərin həllinə deyil, gələcək onilliklər üçün qabaqlayıcı planlamaya xidmət etdiyi xüsusi vurğulandı.

Müşavirədə səsləndirilən əsas məqamlardan biri də su infrastrukturunun yenilənməsinin insanların həyat keyfiyyətinə birbaşa təsiri ilə bağlı oldu. Dövlət başçısı qeyd etdi ki, etibarlı su təchizatı, səmərəli kanalizasiya və yağış sularının düzgün idarə olunması sağlam şəhər mühitinin formalaşmasının ayrılmaz hissəsidir. Bu yanaşma Azərbaycanın “yaşıl inkişaf” və ekoloji məsuliyyət prinsipinə sadiqliyinin bariz nümunəsidir.

Prezident İlham Əliyevin çıxışı bir daha göstərdi ki, ölkədə həyata keçirilən bütün dövlət proqramları planlı, mərhələli və nəticəyönümlü xarakter daşıyır. 2026–2035-ci illəri əhatə edən bu proqram təkcə texniki layihələr toplusu deyil, eyni zamanda Azərbaycanın gələcək urbanistik inkişaf modelini müəyyən edən strateji sənəddir.

Nəticə etibarilə, sözügedən müşavirə Azərbaycanın su təhlükəsizliyi sahəsində yeni mərhələyə keçidinin rəsmi təsdiqi kimi qiymətləndirilə bilər. Prezident İlham Əliyevin rəhbərliyi ilə formalaşan bu strateji baxış, ölkənin sosial rifahının, ekoloji sabitliyinin və dayanıqlı inkişafının uzunmüddətli təminatına xidmət edir.

Fidan Hüseynova

YAP Quba rayon təşkilatının sədri

Paylaş:

Baxılıb: 464 dəfə