Ağstafada 2 Fevral – Gənclər Gününə həsr edilmiş “Gənclər sabahımızdır” adlı tədbir keçirilib

Bakı:

22 °C

69 %

2 m/s

AZ RU EN

Ana səhifə / YAP xəbərləri / Ağstafada 2 Fevral – Gənclər Gününə həsr edilmiş “Gənclər sabahımızdır” adlı tədbir keçirilib

Ağstafada 2 Fevral – Gənclər Gününə həsr edilmiş “Gənclər sabahımızdır” adlı tədbir keçirilib

30.01.2026 [17:01]

30 yanvar 2026-cı il tarixində “Şəhərsalma və Memarlıq İli” çərçivəsində Yeni Azərbaycan Partiyası Ağstafa rayon təşkilatı tərəfindən 2 Fevral – Gənclər Gününə həsr edilmiş “Gənclər sabahımızdır” adlı tədbir keçirilib.

Tədbirdə YAP Ağstafa rayon təşkilatının sədri Etibar Hacıyev, rayon təşkilatının ictimai-siyasi həyatında fəallıq göstərən gənc partiya üzvləri, Ərazi Partiya Təşkilatlarının və rayon ictimaiyyətinin nümayəndələri iştirak ediblər.

Tədbirdən əvvəl Heydər Əliyev Mərkəzində Ümummilli lider Heydər Əliyevin abidəsi ziyarət olunub, önünə gül dəstələri düzülüb, əziz xatirəsi ehtiramla yad edilib.

Daha sonra Heydər Əliyev Mərkəzinə ekskursiya olunub. Tədbir iştirakçıları mərkəzdə müstəqil Azərbaycan dövlətinin memarı, Ümummilli Lider Heydər Əliyevin zəngin, mənalı ömür yolundan bəhs edən kitab sərgisi və muzey eksponatları ilə tanış olublar, həmçinin onlara Ulu Öndərin həyat yolu və müstəsna fəaliyyəti haqqında geniş məlumat verilib.

Tədbir YAP Ağstafa rayon təşkilatının inzibati binasında davam etdirilib.

Tədbirə başlamazdan öncə Azərbaycan Respublikasının Dövlət Himni səsləndirilib. Yeni Azərbaycan Partiyasının, müasir, müstəqil Azərbaycanın qurucusu Ulu Öndər Heydər Əliyevin və vətənimizin ərazi bütövlüyü uğrunda gedən döyüşlərdə canlarından keçmiş şəhidlərimizin əziz xatirələri bir dəqiqəlik sükutla yad edilib.

Tədbiri giriş sözü ilə açan YAP Ağstafa rayon təşkilatının sədri Etibar Hacıyev ilk öncə tədbir iştirakçılarını qarşıdan gələn 2 Fevral – Gənclər Günü münasibətilə təbrik edib və bildirib ki, 2 fevral – Azərbaycan Gəncləri Günüdür. Bu günün Gənclər Günü kimi elan olunması Ümummilli Lider Heydər Əliyevin adı ilə bağlıdır. Belə ki, 1996-cı il fevralın 2-də Ulu Öndər Heydər Əliyevin təşəbbüsü ilə Azərbaycanda Gənclərin I Forumu keçirilmişdir. 1997-ci ildən başlayaraq Prezident Heydər Əliyevin Sərəncamına əsasən hər il fevral ayının 2-si Azərbaycanda Gənclər günü kimi qeyd olunur.

Tədbirdə çıxış edən digər natiqlər öz növbələrində qeyd ediblər ki, gənclərə həmişə böyük diqqət və qayğı ilə yanaşan, onların problemlərinin həlli istiqamətində həyata keçirilən tədbirlərə xüsusi önəm verən, bu siyasəti müasir müstəqil Azərbaycan dövlətinin fəaliyyətinin ən mühüm istiqamətlərindən biri kimi dəyərləndirən ümummilli lider Heydər Əliyev tərəfindən əsası qoyulmuş dövlət gənclər siyasəti ölkə gəncliyinin inkişafında dərin izlər buraxıb.

Sonra YAP Ağstafa rayon təşkilatının ictimai-siyasi həyatında fərqlənən bir qrup partiya fəalına fəxri fərman, qiymətli hədiyyələr və partiya sıralarına yeni qoşulanlara isə üzvlük vəsiqələri təqdim edilib.

2 Fevral – Gənclər Gününə həsr edilmiş film nümayiş etdirilib və tədbirin yekununda Yeni Azərbaycan Partiyasının Himni səsləndirilib.

Sonda xatirə şəkli çəkdirilib.

Paylaş:

Baxılıb: 528 dəfə