Ağstafada Gənclər Gününə həsr edilmiş “Gəncliyimiz milli dəyərlərə sadiqdir” adlı tədbir keçirilib

Bakı:

18 °C

63 %

2 m/s

AZ RU EN

Ana səhifə / YAP xəbərləri / Ağstafada Gənclər Gününə həsr edilmiş “Gəncliyimiz milli dəyərlərə sadiqdir” adlı tədbir keçirilib

Ağstafada Gənclər Gününə həsr edilmiş “Gəncliyimiz milli dəyərlərə sadiqdir” adlı tədbir keçirilib

02.02.2026 [22:19]

02 fevral 2026-cı il tarixində “Şəhərsalma və Memarlıq İli” çərçivəsində Yeni Azərbaycan Partiyası Ağstafa rayon təşkilatı tərəfindən “Rəfail Əsədov küçəsi 14” və “Mədəniyyət işçiləri” Ərazi Partiya Təşkilatlarından olan partiya fəallarının iştirakı ilə 2 Fevral – Gənclər Gününə həsr edilmiş “Gəncliyimiz milli dəyərlərə sadiqdir” adlı tədbir keçirilib.

Tədbirdən əvvəl Ümummilli lider Heydər Əliyevin abidəsi ziyarət olunub, önünə gül dəstələri düzülüb, əziz xatirəsi ehtiramla yad edilib.

Tədbir Ağstafa rayon Heydər Əliyev Mərkəzin inzibati binasında davam etdirilib.

Tədbirə başlamazdan öncə Yeni Azərbaycan Partiyasının, müasir, müstəqil Azərbaycanın qurucusu Ulu Öndər Heydər Əliyevin və vətənimizin ərazi bütövlüyü uğrunda gedən döyüşlərdə canlarından keçmiş şəhidlərimizin əziz xatirələri bir dəqiqəlik sükutla yad edilib.

Tədbiri giriş sözü ilə açan “Rəfail Əsədov küçəsi 14” Ərazi Partiya Təşkilatının sədri Turan Hüseynov ilk öncə tədbir iştirakçılarını 2 Fevral – Gənclər Günü münasibətilə təbrik edib və bildirib ki, Azərbaycan Respublikasında gənclər siyasətinin əsası Ümummilli Lider Heydər Əliyev tərəfindən qoyulmuş, bu siyasət hazırda Prezident İlham Əliyev tərəfindən müasir çağırışlara uyğun şəkildə uğurla davam etdirilir. “Gənclər siyasəti haqqında” Azərbaycan Respublikasının Qanunu və qəbul olunmuş dövlət proqramları gənclərin hərtərəfli inkişafına hüquqi zəmin yaradır.

Tədbirdə çıxış edən digər natiqlər – “Mədəniyyət işçiləri” Ərazi Partiya Təşkilatının sədri Gülgün Kərimov, Ağstafa rayon Heydər Əliyev Mərkəzinin direktoru Ləman Cəlilova, Ağstafa Gənclər Evi sosial xidmət müəssisəsinin əməkdaşı Kifayət Əlisəndərova, “H.Arif küçəsi” Ərazi Partiya Təşkilatının sədri Şahhüseyn Qurbanov, YAP Ağstafa rayon təşkilatının əməkdaşı Aytən Məmmədli və Ağstafa rayonu Mərkəzləşdirilmiş kitabxana Sisteminin əməkdaşı Günay Qədiməliyeva öz növbələrində qeyd ediblər ki, müasir Azərbaycan dövlətinin qurucusu, Ümummilli Lider Heydər Əliyev hələ 90-cı illərin çətin şəraitində gəncliyə "Milli Sərvətimiz" kimi müraciət edərək, bu bayramı bizə əmanət etdi. Ulu Öndər yaxşı bilirdi ki, müstəqilliyi qorumaq onu qazanmaqdan daha çətindir və bu məsuliyyətli iş yalnız vətənpərvər, bilikli və sarsılmaz gəncliyin çiyinlərində yüksələ bilər. Bu gün biz bu salonda toplaşarkən, sadəcə bir təqvimi qeyd etmirik; biz dövlətimizin sarsılmaz gələcəyini, gəncliyimizin gücünü və birliyimizi bayram edirik!

2 Fevral – Gənclər Gününə həsr edilmiş film nümayiş etdirilib.

Sonra Ağstafa rayonunun ictimai-siyasi həyatında fərqlənən bir qrup fəala fəxri fərman və qiymətli hədiyyələr təqdim edilib.

Daha sonra Heydər Əliyev Mərkəzinə ekskursiya olunub. Tədbir iştirakçıları mərkəzdə müstəqil Azərbaycan dövlətinin memarı, Ümummilli Lider Heydər Əliyevin zəngin, mənalı ömür yolundan bəhs edən kitab sərgisi və muzey eksponatları ilə tanış olublar, həmçinin onlara Ulu Öndərin həyat yolu və müstəsna fəaliyyəti haqqında geniş məlumat verilib.

Sonda xatirə şəkli çəkdirilib.

Paylaş:

Baxılıb: 327 dəfə