Ağcabədidə 2 fevral- Azərbaycan Gənclər günü münasibətilə tədbir keçirilib

Bakı:

23 °C

57 %

7 m/s

Əlaqə

AZ RU EN

Ana səhifə / YAP xəbərləri / Ağcabədidə 2 fevral- Azərbaycan Gənclər günü münasibətilə tədbir keçirilib

Ağcabədidə 2 fevral- Azərbaycan Gənclər günü münasibətilə tədbir keçirilib

03.02.2026 [17:40]

Fevralın 2-də Ağcabədi Rayon İcra Hakimiyyətinin, YAP Ağcabədi rayon təşkilatının, Qarabağ Regional Gənclər və İdman İdarəsinin Ağcabədi rayonu üzrə gənclər və idman sektorunun və rayon Heydər Əliyev Mərkəzinin birgə təşkilatçılığı ilə “2 Fevral-Azərbaycan Gəncləri Günü” ilə əlaqədar olaraq YAP Ağcabədi rayon təşkilatının akt zalında tədbir keçirilib..

Tədbirdə ƏPT sədrləri, Gənc YAP fəalları, H.Əliyev mərkəzinin əməkdaşları, qazı və hərbiçilər, idmançılar, könüllülər, təhsil, mədəniyyət, səhiyyə və digər sahələrdə çalışan gənc iştirak edib.

Tədbir iştirakçıları əvvəlcə Ümummilli Liderimiz Heydər Əliyevin rayon İcra Hakimiyyətinin binası qarşısında ucaldılmış abidəsinin önünə gül və çiçək dəstələri düzüb.

Tədbirdə əvvəlcə Azərbaycan Respublikasının Dövlət himni səsləndirib, Ulu Öndərimiz Heydər Əliyevin və Vətənimizin azadlığı uğrunda canından keçən şəhidlərimizin əziz xatirəsi bir dəqiqəlik sükutla yad olunub.

“2 Fevral - Azərbaycan Gəncləri günü” münasibəti ilə keçirilən tədbirdə Qarabağ Regional Gənclər və İdman İdarəsinin Ağcabədi rayonu üzrə gənclər və idman sektorunun baş məsləhətçisi Eldəniz Qənbərov giriş geniş məruzə ilə çıxış edib.

Sonra 991 nömrəli hərbi hissənin psixoloqu İsmayıl Əhmədzadə, Azərbaycan Dövlət Pedaqoji Universitetinin Ağcabədi filialının ingilis dili müəllimi Nərmin Maqsudova, Vətən müharibəsi iştirakçısı Nicat Musayev, Ağcabədi Regional ASAN xidmət Mərkəzinin vətəndaşların hüquqlarının təminatı sektorunun böyük məsləhətçisi Lələ Abbasov , YAP Ağcabədi rayon təşkilatının sədr müavini Nazim Bünyatov məruzə ətrafında çıxışlar edib.

Tədbirdə Ağcabədi Rayon İcra Hakimiyyətinin başçısının müavini Vüsalə Məmmədova çıxış edərək gəncləri təbrik etmiş və qey etmişdir ki, Ümummilli Lider Heydər Əliyev tərəfindən əsası qoyulan gənclər siyasətinin bu gündə ölkə Prezidenti cənab İlham Əliyev tərəfindən uğurla davam etdirilir.

Tədbirin sonunda “2 Fevral - Azərbaycan Gəncləri Günü” münasibətilə təşkilatçılar tərəfindən rayonun ictimai-siyasi və idman həyatında fərqlənən gənclərə həmçinin, yubileyi olan Partiya Vetranlarına Fəxri Fərmanlar və Fəxri Diplomlar təqdim edilib.

Tədbir Yeni Azərbaycan Partiyasının Himninin səsləndirilməsi ilə başa çatıb

Yekunda tədbir iştirakçıları xatirə şəkili çəkdirdilər

Paylaş:

Baxılıb: 484 dəfə