“Azərbaycanın yeni rəqəmsal arxitekturası” bundan sonra necə olacaq?

Bakı:

19 °C

72 %

8 m/s

Əlaqə

AZ RU EN

Ana səhifə / YAP xəbərləri / “Azərbaycanın yeni rəqəmsal arxitekturası” bundan sonra necə olacaq?

“Azərbaycanın yeni rəqəmsal arxitekturası” bundan sonra necə olacaq?

13.02.2026 [12:32]

Elçin Quliyev

YAP Nərimanov Rayon Təşkilatının sədri

Fevralın 11-də Prezident İlham Əliyevin sədrliyi ilə “Azərbaycanın yeni rəqəmsal arxitekturası” adlı vahid fəaliyyət planına həsr olunmuş müşavirə gerçəkləşdi.

Müşavirədə ölkənin rəqəmsal inkişaf strategiyası və informasiya-kommunikasiya texnologiyaları sahəsində gələcək prioritetlər müzakirə edildi.

Ölkə başçısı bu sahədə atılacaq addımlarla bağlı tapşırıqlarını verdi. Eyni zamanda, cənab Prezident süni intellekt, rəqəmsallaşma və data mərkəzlərinin qurulmasını ölkənin gələcək inkişafını müəyyən edən ən mühüm amillər kimi önə çəkdi.

Prezident İlham Əliyevin sədrliyi ilə keçirilən “Azərbaycanın yeni rəqəmsal arxitekturası” üzrə müşavirə onu göstərdi ki, ölkə rəqəmsallaşmanı artıq ayrı-ayrı xırda layihələr kimi yox, vahid plan və vahid idarəetmə ilə həyata keçirmək mərhələsinə keçir. Bildirmək istərdik ki, burada məqsəd çox sadədir; dövlət xidmətləri daha sürətli, daha rahat, daha təhlükəsiz olmalıdır.

Eyni zamanda, biznesin işi yüngülləşməsi əsas hədəf kimi qarşıya qoyulur. Bundan başqa, süni intellekt və ondan istifadə imkanlarl real fayda verməsi dövlətimizin əsas hədəflərindəndir.

Bu həm də dövlətin rəqəmsal sistemlərinin bir-biri ilə daha yaxşı işləməsi anlamına gəlir. Yəni hər qurum öz-özünə ayrı sistem qurmasın, hamı eyni qaydalar və eyni platformalar üzərindən işləsin. Xidmətlər də “kağız, arayış, möhür” məntiqi ilə yox, insanın ehtiyacına görə qurulsun.

Beləliklə, qeydiyyat, icazə, hesabat, arayış kimi işlər daha rahat, daha şəffaf olacaq. Dövlət–biznes münasibətləri bir neçə platformada toplanacaq və insan faktoru azaldıqca süni əngəllər və maneələr də azalacaq.

Digər tərəfdən, rəqəmsallaşma artdıqca kiberrisklər də artır. Buna görə yeni modeldə təhlükəsizlik sonradan əlavə olunan yox, sistemin öz içində qurulan əsas şərt olmalıdır. Yəni məlumatların qorunması, girişlərin nəzarəti, şifrələmə, mərkəzləşdirilmiş nəzarət və kiberhücumlara cavab mexanizmləri gücləndiriləcək.

Burada önəmli nüanslardan biri də odur ki, sadə vətəndaşlar yeni rəqəmsal modelin, suni intellektin dövlət qurumlarında tətbiqini gündəlik həyatlarında aydın şəkildə hiss edəcəklər. Yəni sadə dillə desək, vətəndaş daha az sənəd toplayacaq. Eyni zamanda, insanlar prosedurların həyata keçirilməsi prosesində daha az növbəyə dayanacaqlar. Beləliklə, vətəndaşlarımız daha sürətli cavab alacaq, bir çox xidmətləri evdən, telefondan edəcəklər.

Hətta bəzi proseslər avtomatik işləyəcək. Məsələn, məlumatlar qurumlar arasında ötürüləcək. Bir sözlə, dövlət vətəndaşa işi asanlaşdıran tərəf olacaq.

Beləliklə 11 fevral müşavirəsi bir nüansı rəsmiləşdirdi, rəqəmsal inkişaf, süni intellekt və kibertəhlükəsizlik ölkənin prioritetidir və bu işlər vahid planla, vahid koordinasiya ilə sürətləndirilməlidir.

Əsas məqsəd budur ki, rəqəmsallaşma kağız üzərində qalmasın — vətəndaş və biznes bunu real həyatda hiss etsin.

Bütün bunlar cənab prezidentin rəhbərliyi altında dövlətimizin vətəndaşlara xüsusi diqqət və qayğısının əyani təzahürüdür. Eyni zamanda qlobal yeniliklərə və elektron çağırışlara dövlət mexanizmlərinin uyğunlaşması, adaptasiyasıdır.

Paylaş:

Baxılıb: 308 dəfə