Yeni rəqəmsal arxitekturanın dövlət idarəçiliyində çevikliyi

Bakı:

22 °C

46 %

3 m/s

Əlaqə

AZ RU EN

Ana səhifə / YAP xəbərləri / Yeni rəqəmsal arxitekturanın dövlət idarəçiliyində çevikliyi

Yeni rəqəmsal arxitekturanın dövlət idarəçiliyində çevikliyi

16.02.2026 [22:15]

Səyyad Mirzəyev

YAP Ağdam rayon təşkilatının əməkdaşı

Azərbaycan Respublikasının Prezidenti cənab İlham Əliyevin “Azərbaycanın yeni rəqəmsal arxitekturası” adlı vahid fəaliyyət planına həsr olunmuş müşavirədə çıxışı ölkədə rəqəmsal transformasiyanın yeni mərhələyə qədəm qoyduğunu bir daha nümayiş etdirdi. Dövlət başçısı çıxışında vurğuladı ki, müasir çağırışlar fonunda rəqəmsallaşma və süni intellekt texnologiyalarının tətbiqi artıq seçim deyil, zərurətdir. Cənab Prezident qeyd etdi ki, Azərbaycanın yeni rəqəmsal arxitekturası dövlət idarəçiliyində çevikliyi, şəffaflığı və operativliyi təmin etməlidir. Bu baxımdan süni intellektin bütün dövlət qurumlarında geniş tətbiqi həm xidmət keyfiyyətinin yüksəldilməsinə, həm də vətəndaş məmnunluğunun artırılmasına xidmət edəcək. Dövlət başçısının sözlərinə görə, rəqəmsal həllər qərarların daha dəqiq və məlumatlara əsaslanan şəkildə qəbul edilməsinə imkan yaradacaq. Müşavirədə informasiya təhlükəsizliyi məsələlərinə də xüsusi diqqət çəkildi.Cənab İlham Əliyev bildirdi ki, rəqəmsal infrastrukturun möhkəmləndirilməsi ilə yanaşı, kibertəhlükəsizlikmexanizmləri də gücləndirilməlidir. Çünki sürətlə rəqəmsallaşan dünyada məlumatların qorunması milli təhlükəsizliyin ayrılmaz tərkib hissəsidir. Cənab Prezident eyni zamanda, insan kapitalının inkişafının vacibliyini vurğuladı. Ölkə başçısı cənab İlham Əliyev çıxışında qeyd etdi ki, rəqəmsal transformasiyanın uğuru yalnız texnologiyalardan deyil, bu texnologiyaları tətbiq edən peşəkar kadr potensialından asılıdır. Bu məqsədlə təhsil sistemində müasir ixtisasların təşviqi, innovativ düşüncənin formalaşdırılması və gənclərin rəqəmsal bacarıqlarının artırılması prioritet istiqamətlər kimi müəyyənləşdirilib.

“Azərbaycanın yeni rəqəmsal arxitekturası” vahid fəaliyyət planı ölkəmizin uzunmüddətli inkişaf strategiyasının mühüm tərkib hissəsi kimi qiymətləndirilir. Bu təşəbbüs dövlət idarəçiliyində yeni texnoloji mərhələnin əsasını qoymaqla yanaşı, Azərbaycanın regionda rəqəmsal mərkəzə çevrilməsi hədəfinə də xidmət edir.

Dövlət başçısı cənab İlham Əliyevin müşavirədə səsləndirdiyi mesajlar göstərir ki, süni intellekt və rəqəmsal həllər yaxın illərdə dövlət idarəçiliyinin əsas dayaqlarından birinə çevriləcək və ölkənin davamlı inkişafına güclü təkan verəcək.

Ölkəmizin başçısı bildirib ki, süni intellektin tətbiqi dövlət qurumlarında geniş vüsət almalıdır, bu, idarəetmədə qərarverməni daha operativ və analitik əsaslı edəcək, şəffaflığı və hesabatlılığı gücləndirəcək. Elektron hökumət sisteminin təkmilləşdirilməsi, dövlət informasiya bazalarının vahid platformada inteqrasiyası, vətəndaşlara göstərilən xidmətlərin tam rəqəmsallaşdırılması və regionlarda rəqəmsal əlçatanlığın təmin olunması qarşıya qoyulan əsas vəzifələr sırasındadır.

Paylaş:

Baxılıb: 378 dəfə