Azərbaycan və Serbiya arasında strateji tərəfdaşlıq

Bakı:

24 °C

54 %

6 m/s

Əlaqə

AZ RU EN

Ana səhifə / YAP xəbərləri / Azərbaycan və Serbiya arasında strateji tərəfdaşlıq

Azərbaycan və Serbiya arasında strateji tərəfdaşlıq

18.02.2026 [22:40]

İntiqam Quliyev

YAP Ağdam rayon təşkilatının sədr müavini

Azərbaycan qalib tərəf kimi bu gün də sülhün tərəfdarıdır və bu istiqamətdə müəyyən addımlar atılmışdır.

Azərbaycan-Serbiya münasibətləri inkişaf edən dinamikaya malikdir və ildən-ilə daha da möhkəmlənir.

Prezident İlham Əliyevin 15 fevralda Belqrada rəsmi səfəri bu dinamikanın əyani təsdiqi oldu. Səfər çərçivəsində iki dövlət Başçısının iştirakı ilə sənəd mübadiləsi mərasimi keçirildi. Qida təhlükəsizliyi sahəsində əməkdaşlıq haqqında saziş, Serbiyada qaz turbinli elektrik stansiyasının layihələndirilməsi, tikintisi və idarə olunması haqqında saziş, iqtisadiyyat nazirlikləri arasında əməkdaşlıq, media və kommunikasiya sahəsində əməkdaşlıq, 2026-2030-cu illər üçün mədəni mübadilə, idman sahəsində əməkdaşlıq və tibbi sığorta sahəsində əməkdaşlıq haqqında memorandumlar imzalanmışdır. Mətbuata birgə bəyanatla çıxışı zamanı Prezident cənab İlham Əliyev bildirdi ki, "Məhz aparılan islahatlar nəticəsində bir çox ölkələr, o cümlədən Azərbaycan Serbiyaya böyük həcmdə sərmayə qoymağa hazırdır.

Elektrik stansiyalarının tikintisi və yenidən qurulması, onların reabilitasiyası hər bir ölkənin gələcək inkişafını təmin edir. Xüsusilə təbii resursları olmayan ölkələr bir çox hallarda asılı vəziyyətə düşürlər. Ona görə daxili enerji, istehsalat gücünün mövcudluğu hər bir ölkənin enerji təhlükəsizliyini təmin edir və bu layihənin həyata keçirilməsində mən Prezident Vuçiçin xüsusi rolunu qeyd etmək istərdim. Bütövlükdə energetika sahəsində bizim əlaqələrimiz indi çoxşaxəli formatda inkişaf edir. Bir müddət bundan əvvəl biz Serbiyaya təbii qazın ixracına başlamışıq və bu gün qərara gəldik ki, ixracın həcmini artıracağıq. İndi Serbiya ixrac ediləcək qazı da elektrik enerjisinə çevirərək, artıq təmiz elektrikin əldə edilməsinə də nail olacaq. Bu, həm Serbiya bazarı üçün və gələcəkdə ixrac üçün də imkanlar yaradacaq. Bu gün Azərbaycanın energetika sahəsində ixrac potensialı 2 giqavata bərabərdir. Bu rəqəm artacaq. Çünki biz indi bir çox bərpaolunan enerji stansiyalarının tikintisi ilə məşğuluq və bu sahədə də Serbiya ilə əməkdaşlıq etməyə hazırıq." Prezident İlham Əliyev çıxışında Serbiyanın inkişaf modelini yüksək qiymətləndirərək bildirib ki, Prezident Vuçiçin rəhbərliyi ilə ölkə iqtisadi və sosial sahələrdə mühüm islahatlar həyata keçirib və beynəlxalq nüfuzunu artırıb. Təbii resursların məhdudluğuna baxmayaraq, Serbiyanın öz gücünə əsaslanaraq inkişaf etməsi xüsusi əhəmiyyət daşıyır. Qeyd edək ki, ölkəmizin Enerji layihələri və çoxtərəfli əməkdaşlıq platformaları Cənubi Qafqazda qarşılıqlı etimad mühitinin formalaşmasında əsas amillərdən birinə çevrilib. Azərbaycan eyni zamanda qlobal miqyasda da fəal mövqe nümayiş etdirir, beynəlxalq təşkilatlar çərçivəsində sülh, sabitlik və əməkdaşlıq təşəbbüsləri ilə çıxış edir. Azərbaycan-Serbiya münasibətləri strateji tərəfdaşlıq xətti üzrə inkişaf edir və mövcud dinamika göstərir ki, qarşıdakı illərdə bu əlaqələr daha da genişlənəcək.

Paylaş:

Baxılıb: 492 dəfə