Bakı qlobal siyasət forumlarının regional mərkəzinə, Qlobal Bakı Forumu isə strateji dialoq platformasına çevrilir

Bakı:

25 °C

65 %

11 m/s

AZ RU EN

Ana səhifə / YAP xəbərləri / Bakı qlobal siyasət forumlarının regional mərkəzinə, Qlobal Bakı Forumu isə strateji dialoq platformasına çevrilir

Bakı qlobal siyasət forumlarının regional mərkəzinə, Qlobal Bakı Forumu isə strateji dialoq platformasına çevrilir

13.03.2026 [14:34]

“Uzun illərdir keçirilən Qlobal Bakı Forumu qlobal problemlərin təhlili, siyasi dialoqun təşviqi və beynəlxalq tərəfdaşlığın möhkəmləndirilməsi baxımından mühüm strateji platforma statusunu qazanıb. Nizami Gəncəvi Beynəlxalq Mərkəzinin təşəbbüsü ilə təşkil olunan bu tədbirlər müasir çağırışların həllinə və qlobal əməkdaşlığa əhəmiyyətli töhfələr verir. Martın 12-də işə başlayan və ayın 14-dək davam edəcək “Keçid dövründə olan dünyada fikir ayrılıqlarının aradan qaldırılması” mövzusunda XIII Qlobal Bakı Forumunda da dünyanın müxtəlif regionlarından olan nüfuzlu siyasi xadimlər, o cümlədən fəaliyyətdə olan və sabiq prezidentlər, Baş nazirlər, həmçinin BMT strukturlarının rəhbərləri, alimlər və ekspertlər qlobal təhlükəsizlik, güc tarazlığı, beynəlxalq hüquq, nəqliyyat, enerji, şəhərsalma, rəqəmsallaşma, inklüziv inkişaf məsələlərini müzakirə edir, nəzərdən keçirir və araşdırır. Bu mənada, XIII Qlobal Bakı Forumu beynəlxalq münasibətlərin və çoxtərəflilik sistem quruluşunun gərginlik altında olduğu bir dövrdə qlobal müzakirə platforması kimi xüsusi əhəmiyyətə malikdir”. Bunu Yeni Azərbaycan Partiyası Nizami rayon təşkilatının sədri Ramil Vəlibəyov deyib.

Ramil Vəlibəyov bildirib ki, Qlobal Bakı Forumunun əsas məqsədi qlobal idarəetmə, təhlükəsizlik, enerji, iqlim və beynəlxalq əməkdaşlıq kimi mövzular üzrə müzakirələr aparmaqdır: “Bu forum xüsusilə çoxqütblü dünya sisteminə keçid dövründə – Rusiya‑Ukrayna müharibəsi, Yaxın Şərq xaosu, enerji təhlükəsizliyi böhranı və qlobal geosiyasi rəqabət fonunda beynəlxalq diplomatik platforma kimi əhəmiyyət qazanır. Analitik mərkəzlərin hesabatlarında da qeyd olunur ki, bu cür qeyri-rəsmi diplomatik forumların qlobal siyasətdə rolu getdikcə artır. Bu mənada, müxtəlif geosiyasi blokların nümayəndələrini, o cümlədən Qərb dövlətlərinin, qlobal Cənub ölkələrinin və beynəlxalq təşkilatların təmsilçilərini bir araya gətirən Qlobal Bakı Forumu qeyri-formal diplomatiya üçün mühüm platforma yaradır. Müasir dövrdə rəsmi diplomatik kanalların gərginləşdiyi şəraitdə belə forumlar fikir mübadiləsi və risklərin azaldılması üçün istifadə olunur. Eyni zamanda, qlobal idarəetmə problemlərinin müzakirə olunduğu Qlobal Bakı Forumu Azərbaycanın diplomatik mövqeyini də gücləndirir. Forum vasitəsilə Azərbaycan regional diplomatik mərkəz kimi mövqeyini daha da qətiləşdirir, Avrasiya enerji və nəqliyyat layihələrində rolunu təqdim edir. multilateral diplomatiya strategiyasını genişləndirir. Bu, xüsusilə də özünü Orta Dəhliz, enerji təhlükəsizliyi və regional əməkdaşlıq kontekstində əhəmiyyətlidir”.

“Avrasiya regionu üçün mühüm dialoq mərkəzinə çevrilən Qlobal Bakı Forumu yeni diplomatik tərəfdaşlıqlar üçün də platforma rolunu oynaya bilər” – deyən Ramil Vəlibəyov əlavə edib ki, beynəlxalq ekspertlərin dəyərləndirməsinə görə, Bakı qlobal siyasət forumlarının regional mərkəzinə, Qlobal Bakı Forumu isə Davos və Münhen Təhlükəsizlik Konfransı kimi platformalara bənzər strateji dialoq platformasına çevrilməkdədir.

Paylaş:

Baxılıb: 582 dəfə