“Azərbaycan memarlığında yeni ideyalar və müasir yanaşmalar” mövzusunda tədbir keçirilib

Bakı:

24 °C

83 %

3 m/s

Əlaqə

AZ RU EN

Ana səhifə / YAP xəbərləri / “Azərbaycan memarlığında yeni ideyalar və müasir yanaşmalar” mövzusunda tədbir keçirilib

“Azərbaycan memarlığında yeni ideyalar və müasir yanaşmalar” mövzusunda tədbir keçirilib

21.05.2026 [15:19]

“Şəhərsalma və Memarlıq İli” çərçivəsində YAP Tərtər rayon təşkilatı Ağdərə - Sərbəst ərazi partiya təşkilatında “Azərbaycan memarlığında yeni ideyalar və müasir yanaşmalar” mövzusunda tədbir keçirmişdir.

Tədbirdə YAP Tərtər rayon təşkilatının məsləhətçisi Gündüz Alıkişiyev, ərazi partiya təşkilatının sədri Fəxrəddin Almasov, Tərtər rayon Mənzil İstismar İdarəsinin rəisi Bakir Qurbanov, Qaçqınların və Məcburi Köçkünlərin İşləri üzrə Dövlət Komitəsinin Tərtər rayon nümayəndəsi Elmir Xəlilov və ərazi partiya təşkilatının üzvləri iştirak ediblər.

Əvvəlcə Ulu Öndər Heydər Əliyevin, torpaqlarımızın azadlığı və ərazi bütövlüyümüz uğrunda canlarından keçmiş şəhidlərin əziz xatirəsi bir dəqiqəlik sükutla yad olunub.
Tədbiri giriş sözü ilə açan YAP Tərtər rayon təşkilatının məsləhətçisi Gündüz Alıkişiyev mövzunun aktuallığını və strateji əhəmiyyətini vurğulayıb. O bildirib ki, memarlıq yalnız bina tikmək sənəti deyil, xalqın düşüncə tərzini, milli kimliyini, mədəni yaddaşını və gələcəyə baxışını əks etdirən mühüm bir sahədir. Azərbaycanın qədim və zəngin memarlıq məktəbinə malik olduğunu qeyd edən natiq Şərq və Qərb ənənələrinin qovuşduğu ölkəmizin dünya mədəniyyətinə böyük töhfələr verdiyini diqqətə çatdırıb. O, İçərişəhər, Şirvanşahlar Sarayı, Qız qalası, Qarabağ və Naxçıvan memarlıq məktəblərini xalqımızın yüksək estetik düşüncəsinin nümunəsi kimi qeyd edib. G.Alıkişiyev müasir dövrün şəhərlərdən rahatlıq, təhlükəsizlik, “ağıllı” və dayanıqlı yanaşmalar tələb etdiyini deyib. O, Ümummilli lider Heydər Əliyevin şəhərsalma və memarlıq məsələlərinə hər zaman xüsusi diqqət yetirdiyini, milli memarlıq ənənələrinin qorunması istiqamətində mühüm addımlar atdığını vurğulayıb.

Sonra çıxış edən Ağdərə-Sərbəst ərazi partiya təşkilatının sədri Almasov Fəxrəddin Qarabağda aparılan quruculuq işlərinin Azərbaycanın gələcəyin şəhərlərini inşa etdiyinin göstəricisi olduğunu bildirib. O, bu şəhərlərdə milli memarlıq ənənələri qorunmaqla yanaşı, müasir urbanizasiya prinsiplərinin də tətbiq edildiyini diqqətə çatdırıb. F.Almasov vurğulayıb ki, Azərbaycanın mədəniyyət paytaxtı Şuşada aparılan bərpa işləri bunun ən gözəl nümunəsidir və şəhərin tarixi siması saxlanılmaqla ən müasir infrastrukturla təmin olunur.
Daha sonra Tərtər rayon Mənzil İstismar İdarəsinin rəisi Bakir Qurbanov, Qaçqınların və Məcburi Köçkünlərin İşləri üzrə Dövlət Komitəsinin Tərtər rayon nümayəndəsi Elmir Xəlilov və ərazi partiya təşkilatının üzvləri İlqar Qasımov, Vüsalə Ələsgərova, Qorxmaz Aslanov və Zaur Əzizov çıxış ediblər. Onlar memarlıqda dayanıqlı inkişaf konsepsiyasının, enerji səmərəliliyinin, ekoloji materiallardan istifadənin və insan yönümlü urbanistikanın əsas prinsiplərə çevrildiyini qeyd ediblər.
Tədbirin sonunda qeyd olunub ki, güclü dövlət həm də yaratdığı şəhərlərlə və qoruduğu mədəni irslə tanınır. Ulu öndər Heydər Əliyevin müəyyən etdiyi inkişaf yolu və Prezident İlham Əliyevin genişmiqyaslı quruculuq siyasəti nəticəsində Azərbaycan memarlığı yeni yüksəliş dövrünü yaşayır. Qarabağdakı möhtəşəm bərpa işləri isə tariximizə həm də memarlıq və şəhərsalma zəfəri kimi daxil olur.

Paylaş:

Baxılıb: 391 dəfə